Luke 2:10 - ASII LAKDAP Bible (BSI)

¹⁰ Shatmaq, rase raq tsangshiq ma chongto, “Namshiq ka naqhai rongkiq! Ngi ka namshiq ma, tsütsa ahea pinthum kra tiitaikekai kikang. Ara tsütsa arka Israilnok tarü ma, chochi chang jonghea.

Hawa Naga Bible 2001

¹⁰ yuq muinz raungkamx waz rueq tsuingshiq muex, “Nauk hiz wuez kaz! Nuimshiq tvkoc shuenruenc juing thuix thaungx vhvlx kuex ngaz rueq nuimshiq kox nuex lvmz laq raungx.

Muklom

¹⁰ Etha ang atho rangkamwa aa ning thima batta, “Nak cho inn; nga nim ma tungtang qhal raaq batma thuta phang. Iri raaq raa thaji mung rangma sungrang raaq tatatphang.

Luke 2:10 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

ISAIA 40:9

Jerusalem lei, pum diiluhea kiina walaq, laüta tsütsa ahea ka chiiriim laüta tiitailaq! Tiihong laüta gilaq Jajon lei; tsütsa ahea kra tiitai chonglaq! Linham linhok chonglaq, naqhaikiq. Juda mung na chela thun ma chonglaq; tsangshiq Shiikeawe ka kitlo she nguta!

ISAIA 41:27

Ngi, Tatiwe raq, Jajon ma tsütsa ka apha shaqshaq tiitaikang; Ngi raq tsasoqti weshi Jerusalem na akha tiichongkikang, ‘Namshiqnok saü wantlo! tsangshiq ka jam na watlo!’

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 52:10

Tatiwe raq apaiq asii ningkun kra milang, apaiq raq asenginok mitiichhii wan, kiimaq mangjong tlotli riishe kra jaqsham ka michhi wan.

ISAIA 52:7

Pinthum thuktsomhea miraq pumkaü ji maq tsasoqtiwe kairai liisea ka, tsütsa ahea soho raüta, khusang rakhang tsütsa! Apaiq raq rekhat tang wan tsütsa tiitaitlo, raüta Jajon ma ngutlo, “Üm Shiikeawe ka hokham!”

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

DANIEL 10:19

Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 14:27

Kiijiishe, tsangshiq bom ka tresaq, “Tsaiji tiijong ronglaq! Naqhai rongkiq. Ngi ahata,” nguta Jesuq raq tsangshiq rai riibom damto.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Matthew 28:5

Rase raq jechakre ma chongto, “Namnai ka ahai raamak. Ngi raq asap ha. Namnai ka pumsongkham na tübaiq raüta tsattaq Jesuq kra liikai nguta aki han.

Mark 1:15

“Akhing ahea saüto she. Shiikeawe mungtan ka aje niishe! Ümchaü sanha, namshiq ngarai lamphan kra baiqthü rongliishe. Lanta Tsütsa Ahea kiima kam wan ronglaq!”

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 1:13

Shamtaq, rase raq apaiq ma chongto, “Naq haikiq Jekeria le! Shiikeawe raq ümnaq achu jaü ka treto she. Kiimaq ümjamti nyung Elijabeth raq ase ashi she mihum. Ümniiraq no ka Johan nguta mang laq.

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 1:30

Kiijiishe hali, rase raq apaiq ma bom ka akha tru chongkuq nongto, “Meriq le, ümniika naq haikiq; Shiikeawe raq ümniika kai mangchantlo.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

Luke 8:1

Kra jai maq heashi siraüta, Jesuq ka khumshkhum maq, chela thun nai hiqshong thun kiina wawanto. Raüta, Shiikeawe Mungtan Tsütsa Ahea kra chongkuq wanto. Apaiq rai ajaqshisetiim roqshi ri anai kiimin wadamto.

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.