Luke 2:10 - Hawa Naga Bible 2001

¹⁰ yuq muinz raungkamx waz rueq tsuingshiq muex, “Nauk hiz wuez kaz! Nuimshiq tvkoc shuenruenc juing thuix thaungx vhvlx kuex ngaz rueq nuimshiq kox nuex lvmz laq raungx.

ASII LAKDAP Bible (BSI)

¹⁰ Shatmaq, rase raq tsangshiq ma chongto, “Namshiq ka naqhai rongkiq! Ngi ka namshiq ma, tsütsa ahea pinthum kra tiitaikekai kikang. Ara tsütsa arka Israilnok tarü ma, chochi chang jonghea.

Muklom

¹⁰ Etha ang atho rangkamwa aa ning thima batta, “Nak cho inn; nga nim ma tungtang qhal raaq batma thuta phang. Iri raaq raa thaji mung rangma sungrang raaq tatatphang.

Luke 2:10 Referencias Cruzadas

RAPHA HIQWA LAK 12:3

Mnoz muex ruimruimc kuy jix waz muex ngaz rueq ruimruimx kuq shaungx, yuq muinz mnoz muex mvnhttonc jix waz muex ngaz rueq mvnhttonx kuq shaungx. Mnoz luz maq miqphvnx lotlaz muex ruimruimx kuq shaungx,” ngoz tueq jungx tueq.

ISAIA 40:9

Yerusalem lex, kanx vjoz nuex duiz woz vtueq thuix thaungx vhvlx kuex ramc shuiuz! Zion lex, yunghvlc maq gvl vtueq, thuix thaungx vhvlx kuex tvtay shuiuz! Nauk hiz kaz maq tvtay jungx shuiuz. Tsuingshiq Tishox httuiuc kaz yaq ngoz tueq Yuda ghaq htenc nuex jungx shuiuz!

ISAIA 41:27

Zion thuix thaungx vphaungc jungc jix kuex ngaz, Yehowa rvtauk; Ngaz rueq Yerusalem muex vkhoc jungc tvkoc kamx washiz tvkaz tauk, ‘Mmiq htenc kuex httuiuc waung yaq! Tsuingshiq kuex yuimx nuex httuiuc waung yaq!’

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

ISAIA 52:10

Yehowa rueq vpiq vsawc vpiq luimc vkawc maq; vpiq miqsaz htenc kuex palc wvnc shuex, mungkawx lotlaz rueq kvruex khiz wuez shuex.

ISAIA 52:7

Nomic ngoz yaq thuix thaungx vhvlx kuex lvmc lvy jix, kamx waz vshiz kanx laungx yanz wvnc yaq khic kuex mtanc khvnc vwangc juing lac nyix! Taungx wvnc lvmx kuex tvtay vtueq Zion muex ngoc, “M-Tishox kuex hokhvmx!” ngoz tueq.

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

DANIEL 10:19

Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

JEKERIA 9:9

Zion miqsaz lex, kokez wuez kuinz, kokez wuez kuinz! Yerusalem miqsaz lex, vkoz vkez maq guyc sez wuez kuinz! Lawc shuinz, nuimshiq hokhvmx waz kuex nuimshiq kox nuex kaz yaq! Vpiq rueq taungx vtueq lotlaungc wvnc tueq, yuq muinz thuinz tvyomz vtueq loze htauk nuex ngaungc yaq, loze saz vshiz htauk nuex, loze kuiux kvruex saz htauk nuex ngaungc yaq.

Matthew 14:27

Kvruex kaq Yesu rueq, “Thuinz nauk tvruinc kaz! Ngaz rvtauk, nauk hiz kaz!” ngoz tueq tsuinghez muex ngoz tueq.

Matthew 28:18

Yesu kuex tsuinghez hep nuex kaz vtueq, “Raungmungx nuex muinz ghaq htauk nuex muinz vrangx vpangx lotlaz kuex ngaz muex lekuq phuex.

Matthew 28:5

Raungkamx waz rueq yalxjuik nyuiuz nueyc muex jungx tueq kuex, “Nauk hiz kaz, yaukjuinc bulx nuex but gay tueq waz Yesu kuex nuimshiq rueq thuiyx vshuinx lvmx ngaz rueq tuiuz yaq.

Mark 1:15

Vpiq rueq, “Kvruex vkhing hungx wvnc yaq nuiyc Tishox Mungtan kuex nyek wvnc yaq shex. Nuimshiq mvrax htenc kvwawc kvroz wvnc yek vtueq Thuix Thaungx Vhvlx kvjaz muex kvmx wvnc kuinz!” ngoz tueq jungx tueq.

Mark 16:15

Kvkaq vpiq rueq tsuinghez muex, “Nuimhez kuex mungkawx tvlot laz nuex khuemx kaz vtueq miqphvnx ruip rawx muex shuenruenc bomjungc jungx kuq shuinz.

Luke 1:13

Yuq muinz raungkamx waz rueq jungx tueq kuex, “Zecharia lex, nauk hiz kaz! Mnoz rueq thoz vshuiux kuex Tishox rueq tay kuq kv-phux ningkhvnc nuex, mtaungx nyuiuz Elisbet rueq miqwaz saz jawx shuex vmuingc kuex Yohan ngoz tueq muingc shuiux rvtueq.

Luke 1:19

Raungkamx waz rueq, “Ngaz kuex Tishox khaungkac nuex jvp jix waz Gabriel rvtauk, mnoz muex shuenruenc bomjungc vruex jungphvnc kuy tvkoc ngaz nvr tvkaz phuex rvtueq.

Luke 1:30

Kvkaq raungkamx waz rueq, “Mary lex, nauk hiz kaz; mnoz kuex Tishox htumc nuex htvlx phawc lvp vshuiux rvtueq.

Luke 2:11

Majuiuc raungnuiyq Palc Daungc jix Waz Christu ngoz yaq Taungjix kuex Dawid ghaqyungx nuex nuimshiq tvkoc jawx kaz tueq!

Luke 24:47

vpiq muingc maq mvrax dawc kuy lvmz nuiyc thuinz layc wvnc lvmz bomjungc kuex Yerusalem ghaq maq phaungc vtueq miqphvnx ruip rawx muex jungphvnx kuq wvnc shuex.

Luke 8:1

Kvruex yimaq mtanc httax muq nuex Yesu rueq ghaqyungx nuiyc miqghaq htenc nuex khuemx kaz vtueq, Tishox Mungtan lvmx Thuix Thaungx Vhvlx htenc kuex tvluing kuq wvnc tueq. Sangac rokshiz rac waz nueyc muinz vpiq rulc khuemx naungx tueq.

Acts 13:32

Tvtsvmc shic pvlyungx vnueyc nuex, ‘Mnoz kuex Isaz rvtoq; majuiuc raungnuiyq maq ngaz kuex m-waz muex yaungx wvnc vtaungx,’ ngoz tueq httax yaq rulc rv-ngvlc Tishox rueq Yesu kuex vthueyc wawc tvyuing tvtenc wvnc ningkhvnc nuex naungshiq jix vwaz muex vtaq shec bomkhvmc kuex tsuingshiq suiuz vsaz phvnx rvtiq naungshiq tvkoc tvhungx wvnc tueq. Nuiyshiq rueq vruex Thuix Thaungx Vhvlx kuex nuimshiq muex jungphvnc kuy tvkoc vyuq httuiuc kaz rix rvtueq.

Romans 10:15

Kvmaq vjungc phvnc kuy jix nvr tvkaz muq ngoz ruiux yuq, yvmx khoc maq lac bomjungc kuex tvluing kuq lot shvnx? Rumvrc luik nuex jungx shec tueq rulc rv-ngvlc, “Thuix thaungx vhvlx tvtay kuy jix waz yaz kuex pinhtumc svp yaq!” ngoz tueq wuiyq shec tueq.

Ephesians 3:8

Ngaz kuex Tishox miqsaz htenc nuex vruinx pinhtumc htauk nuex muinz yomx hvlc waz rvtauk; yuq muinz Tishox rueq Christu rungwanx lvmx nuex seng yaq Thuix Thaungx Vhvlx kuex Pungnuk miqsaz htenc kox nuex lvmc lvy tvkoc muinz,

Colossians 1:23

Yuq muinz nuimshiq rueq miqmac kvmluimx thuinz kuex vjungx vruingx phaungx wvnc tvkoc tvhttoarc vtueq httuiyq httvmx wvnc rax tuex. Kvmaq nuimshiq rueq shuenruenc bomjungc tay wvnc tuit nuex lvp wvnc tuit thuinz tvluimc juing kvwawc nauk rul ngak kaz, mungkawx lotlaz nuex httuiuc wvnc vtuex shuenruenc bomjungc kvruex tvkoc nvrc waz kuex ngaz Polu rvtauk.