Luke 18:1 - ASII LAKDAP Bible (BSI)

¹ Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Hawa Naga Bible 2001

¹ Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.

Muklom

¹ Jesu aa ujiphantey tang thima salwet romtam chuk ching etho baluk o tho tinjung náng moq angma tatal ma ashey raaqshiton bat kota.

Luke 18:1 Referencias Cruzadas

Tvtsvmc 102:17

Apaiq raq asenginok atiishaübaiq kra mimangchan, raüta tsangshiq achujaü ka mitai.

Tvtsvmc 27:13

Ngi raq asapha Tatiwe thuktsom ka ara ümchaü pat rilung niili michhi wanha.

Tvtsvmc 65:2

jamkhano ngukla ümniiraq naishiq achujaü trelaü. Mangjong maiqse barapse ümjichong na miwa

Tvtsvmc 86:3

Ümniika i Shiikeawe, kriikha na ngi tiihanglaq; ngi ranaiq minru ümjaq wa achu jaütiikang.

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

ISAIA 62:7

Tsangshiq raq apaiq ma nii tiitsak akhing ke raamak apaiq raq Jerusalem ka man nü wa kiikha mitiihea kuq shaq wiiwii. Kiimaq apaiq raq kra chela ka mangjong tlotli raq tiitsamkamli chang mitii jong shaq wiiwii.

JEREMIA 29:12

Kiitiikaq namshiq raq ngi mihea han. Namshiq ka iphana wa lanta, Ngi jaqwa achu mijaü han. Kiimaq Ngi raq namshiq achu jaü ka mitreha.

Jona 2:7

Ngi raq i tsitsü thum wan tlo nguta, sap wan kang. Kriikha maq ümjaq wa achu jaü kang. O Tatiwe lei, ümnaq asi Shomjam mong maq, ngi achu jaü tre kuq laü.

Luke 11:10

Ara jamkhano chongtiikang ngukla, jurwa jaütlaq, kra raq milap. Kiimaq jurwa rit tlaq; kriiti raq mihum. Kiimaq kilü na jurwa buk tlaq; kriiti ma kilü ka midi kuq.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Romans 12:12

Shiikeawe ma ranphan wan tlan krai mren, chochikhiq maq si ronglaq. Namshiq ma chamchao saü tlaq ranaiq na, tsan tiibum lanta nin ronglaq. Kiimaq wranaiqshe achu jaüshat maq si ronglaq.

2 Corinthians 4:1

Shiikeawe raq apaiq lungwiitsii jaqkhong maq, naishiq ma ara Tsütsa Ahea ara chongke wan jaqsham kra kewan kha maq, ara jaqsham wan lam maq naishiq ka akhiismin tsaiji tran mai phan maq shiichaq tiikai.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

Colossians 4:2

Achu jaü ka teptep maq jaü ronglaq. Jamlai wa jaü tlan, kra tsan na tiitsang shat maq jaü ronglaq. Kiimaq Shiikeawe ma kechutum shat maq si ronglaq.

1 Thessalonians 5:17

Wranaiqshe achu jaüshat maq si ronglaq.

1 SAMUEL 1:12

Hanna ka kiijaq Tatiwe man na shetang achu jaüto. Kiimaq Eli raq apaiq nükhü tiime tlaq kra liito.