Luke 18:1 - Hawa Naga Bible 2001

¹ Kvruex yimaq Yesu rueq mkaq muinz vjux thoz vtueq thuinbac muq mruez kueq ngoz tueq, sangac bix muex bomc tv-ngvlc vshiz maq tvluing jungx kuq tueq.

ASII LAKDAP Bible (BSI)

¹ Kiijiishe, Jesuq raq ajaqshisetiim ma tsangshiq ka wranaiqshe achu jaü ruq sichang kiimaq ümtiikaq ranaiq jiimin tsaiji tran ra mak nguta tsii chongkuqto. Apaiq raq kra tsii chongke bomtsi ka ara shiiton manphan armaq chong kuqto. Manphan ka ara.

Muklom

¹ Jesu aa ujiphantey tang thima salwet romtam chuk ching etho baluk o tho tinjung náng moq angma tatal ma ashey raaqshiton bat kota.

Luke 18:1 Referencias Cruzadas

Tvtsvmc 102:17

Vpiq kuex vpiq rueq vtuip gay miq htenc kvjaz kuex tay vtueq, tsuingshiq vjux thoz bomc kuex tay kuq shuex.

Tvtsvmc 27:13

Yehowa hvlx rix yaq lvmx kuex ngaz rueq vruex rullungx vyuq khiz shaungx ngoz tueq ngaz rueq tuiuz vshaungx.

Tvtsvmc 86:3

Mnoz kuex ngvy Tishox rvtoq, kvkhoc ningkhvnc nuex ngaz muex menjenc kuq koq; ngaz rueq mnoz kox wawc nuiyq-tuimc vjux thoz vphaungx.

ISAIA 40:31

Yuq muinz romc kuy tvkoc Yehowa muex tvluimc jix kuex tsuingshiq hungc vlaungc vnyalx humc wvnc shuex. Tsuingshiq kuex lawx ikhoc vraungx vnyalx htenc maq kvtenc baz wvnc tuex; tsuingshiq yuz ruiux muinz hunnyex tuex rvmuq; tsuingshiq kuex khuemx ruiux muinz nulx tuex rvmuq.

ISAIA 62:7

Vpiq rueq Yerusalem kuex tvjvp guirx yek ruiux mungkawx rueq tvtsvmc juing ghaqyungx muex yaungx wvnc nuex httuiuc laz, tsuinghez rueq vpiq muex nyec tvkuiyq kuq shuex rvmuq.

JEREMIA 29:12

Kvruex yimaq nuimshiq rueq ngaz gvl phuinx. Nuimshiq kuex ngaz kox nuex kaz vtueq vjux thoz shuinz, ngaz rueq nuimshiq muex tvralc phaungx.

Jona 2:7

Ngvy thuiuzthuic pat wvnc vtuex shex ngoc juing nuex, O Yehowa lex, ngaz rueq mnoz kox wawc vjux thoz tauk, mnoz rueq ngvy thuic bomc kuex vsawc Shomc Yuimx maq tay toq.

Luke 11:10

Yvmx khoc lac ngoz ruiux lec vthoz jix waz rueq lvp wvnc shuex, vthuiyc jix waz rueq humc wvnc shuex, wungc tvruingc jix waz muex muinz daz kuq shuex.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Romans 12:12

Nuimshiq nuex thuinz tvluimc juing httax yaq ningkhvnc nuex kokez wuez kuinz, kuilc daz rvhumc ruiux muinz nanx wvnc wuez shuinz, vjux thoz lvmz nuex mkaq muinz thauk muit maq thoz shuinz.

2 Corinthians 4:1

Tishox rueq vpiq menjenc thuinz maq naungshiq muex vruex yauk shuimc kuex kuq shec phuex ningkhvnc nuex, naungshiq kuex thuinbac hungc vlaungc nulx juing vguez.

Galatians 6:9

Kvkhoc rvtueq vhvlx yauk shuimc nuex naungshiq kuex thuinz tvyomx tvruinc miq maq shuimx wuez ix, kvkhoc thuinz tvruinc thuinz tvyomx miq ngoz ruiux kuex vkhing httuiuc wvnc tuex nuex naungshiq rueq tvjomx gvnz wvnc wuez shix.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

Philippians 4:6

Yvmx lvmz nuex ngoz ruiux muinz nauk rvwvl japa kaz, yuq muinz lvmx ruip saz nuex vjux thoz vtueq kvjungc ruiux kejux rvwvlc thuinz vmungx maq tvtsvmc vtueq, nuimshiq muex rax yaq lvmx kuex Tishox muex tvtay shuinz.

Colossians 4:12

Epaphra rueq muinz gvnhttuingc ngoz kuq yaq, piq kuex nuimshiq phungc wawc Christu Yesu nvrc waz vshiz rvtueq. Piq rueq nuimshiq tvkoc mkaq muinz thuinz tvyungx vtueq vjux thoz yaq, nuimshiq rueq Tishox thuinroc lvmx nuex rvkhauk laz phvnx wvnc vtueq, vhvlx waq tuiuz wvnc jix Christan miqsaz yaungx vtueq, phaungx duingduing jvp lot tvkoc piq rueq Tishox muex jungx tvtay yaq.

Colossians 4:2

Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.

1 Thessalonians 5:17

Thauk muit maq vjux thoz shuinz,

1 SAMUEL 1:12

Hanna rueq Yehowa kox wawc vluz waq vjux thoz yaq nuex, Eli rueq vnuix bar kvmoay kuex lawc tueq.