Biblia Todo Logo
La Biblia Online
- Anuncios -




Luke 17:3 - ASII LAKDAP Bible (BSI)

3 Kra ningkhan, namshiq ka namtsii lamshat maq sirong laq!” “Krai mren, ümphu ümno raq ümniima ajiq klo raüla, ason riilaq. Kiimaq apaiq raq shutkang dea nguta mra tiidii raüla, apaiq mra ka adii riikuq lili riilaq.

Ver Capítulo Copiar

Hawa Naga Bible 2001

3 Kvkhoc rvtueq mnoz rueq shuimx shuiux kuex honc lvmz hvt maq lawc shuiuz! “Mphuz mnox waz rueq mnoz muex yaq kuq ruiux yuq, piq muex tharc jungx kuq shuiuz, piq thuinz layc wvnc ruiux yuq mvrax kuex dawc kuq shuiuz.

Ver Capítulo Copiar

Muklom

3 Ethi rangma nim aa chamlang somlo inn shi tathin tak eq somlo inn! “Nim no aa ngarey somlot somlo aa ta ang ajo piq shima kha u etho piq ngarey wang kaley ajo piq shi tolchak u.

Ver Capítulo Copiar




Luke 17:3
18 Referencias Cruzadas  

Maiqshaqti raq ngi ma mangchan raüta ngi ma mo mitiiholaq kiimaq ason ango mirlaq, shatmaq abi maiqse raq ngi shrengtlaq kriika taomang. Jamkhano ngukla tsangshiq raq wranaiqshe ashut klotlaq kra miitu ngi raq achu jaütiikang.


Namshiq raq jiiwantlan maiq mung thunti rai wehea riija tong naqshong rongkiq. Akhla riihan jiila, namshiq khlaq wan chang hiqbi thiikho bok ma mijaki.


Maiqshaqti miika tsii jangshi chongkuq raüli phanrap misap. Shatmaq angiti miika jang shishi sintsang maq tsat raü min atsii chhimak.


Ajiq klo raü min, kaiqshak maq lii nam miika; jiqlaü nguta tiqtaq, tsii chongke riiwe ka ahea;


Akhü tiingashat maq khumtiwe ma, ümtiikii jumin tsii naq chongkuqkiq. Apaiq raq ümnaq khoti mingengho. Shatmaq atsang atsiiwe ka, ason laüta tsii chongkuq haüla, apaiq raq ümniika mishreng.


“Maiq ka jumin naqshuliikiq. Shatmaq namnai liipan na jamlai no riikhiilea tlan kriika riichong lanta ari aram ronglaq. Kra rii haü jiitiq ümniiraq apaiq ningkhan na ngarai tang maü mirhaü.


Kiijiishe Petar raq Jesuq ma waito, “Tatiwe, riita i phuno we raq ngi ma ashut klo ruqruq raü jiika, ngi raq apaiq mra ka ümchu jang na saüli diike chang wa miraq? Jang miishi niitaq sha?”


“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka


Ara chongtiikai arai mren, ümchaü sanha, namshiq ka honkam shat maq si ronglaq. Angok angi kong ikha naqsi wan rongkiq she. Setsang setsii ma ja lantiishe si ronglaq.


“Ümtiikiiwa Tatiwe raq namshiq rai Sinai Pum maq walü mong maq riibomtaq akhing na, namshiq raq apaiq sham ka chhi man dea. Riita namshiq maiqmii ma ahea miitu, tsan na atsi dada thü ronglaq,


Namtsan na pharang rang tiitsang ronglaq Tatiwe namshiq Shiikeawe raq namshiq rai tongshong wantaq kra laqbaiq raamak. Apaiq raq namshiq rii jamlai phan sumla min haihun maimak nguta aming kuqtaq kra lang ronglaq.


Namshiq ka hon kamshat maq sironglaq! Namshiq raq maiqmii mak maq jamlai wa chhi wan lan thun kra, namshiq ka atra sitlan wiiwii, arka ümtiikiimin naqlaq rongkiq. Namsetiim ma kiimaq namsaütiim ma arthun ara chongkuq lili ronglaq.


Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.


Iphu inotiim lei, namshiq phong wa, weshi ra ka tengteng lam phan wa lamjiq na moho tlaq jiila, kiiwa weshi ra raq apaiq ka tiijang shea wan nong raüla,


Arkha maq, namshiq ka honkam shat maq sirong laq. Naishiq raq ümchuwa hun nü wan kai kra atu na moki mak chang miitu, shatmaq nashiq raq poksi kra kunkun lap wan li chang, honkam shat maq sirong laq.


Síguenos en:

Anuncios


Anuncios


¡Síguenos en WhatsApp! Síguenos