Luke 17:2 - ASII LAKDAP Bible (BSI)

² Apaiq raq ara nyungwe nosere phong arwa, ashi ra ka ngarai thiikho na tiithap baiq nam miika, apaiq riiwe kra khoti, adangkong na longkaü jonghea ashi paq kuq raüta, sammoktra chum mong na tiidea baiq riiwe khoti ahea lin miraq.

Hawa Naga Bible 2001

² Kvruex waz rueq vruex nosaz rulx vwawc washiz shiz muex mvrax tvshuimc ruiux yuq, piq duingx nuex lunghtuimz yunghvlc pauk vtueq, svmuktvrax nuex dvy wvnc ruiux kuex piq tvkoc pinhtumc vhvlx rvtuex.

Muklom

² Iri tinman miq rima ngarey somlot tasomlot wang eq eshi miq bo sho ashey ajong longku sha khak eq piq sha jungku o bichak ajo piq ma aqhal angna.

Luke 17:2 Referencias Cruzadas

ISAIA 40:11

Apaiq raq askukong ka sku riimti raq rümtlaq ikha miriim wan; apaiq raq sku ransetiim ka adam na mitriichum wan, raüta tsangshiq ka ajaq na mido wan; apaiq raq akaütiim ka chaosusu maq mishea wan.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:14

Ikiikhiisii hali nam We ramungtan na siti we riimin ara atsak adokse kong phong wa ashi kra dongdii min tiimo baiq romak.”

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Mark 9:42

“Kiimaq ara ngi ma kamtlaq nosere phong arwa, jurwa weshi kamtsantsii kra tiichhan baiq tlaq, kriiti ka, adangkong na longkaü jonghea ashi paq kuq raüta, apaiq ka sammoktra jü mong na tiidea baiq raüta, tsai kai riiwe khoti ahea miraq.

John 21:15

Tsangshiq raq phaqsea lot jai she, “Johan se Simon lei, riita, ümniiraq ngi ka, ara ahinti thun raq lungwii tlaq kriithaq niimin, achan lin dea sha lungwii tlaü?” nguta Jesuq raq Simon Petar ma waito. “O raq, Tatiwe. Ngi raq ümniika lungwii tiikang, kriika ümniiriimin asap haü,” nguta apaiq raq Jesuq bom ka treto. Jesuq raq apaiq ma chongto, “Ikhla, i skuse kong aransetiim kra samhea rüm laq.”

1 Corinthians 9:15

Shatmaq ngi riika ara chong tiikang thun arang ara holata, jaq phi chiimshat maq jujaq wiimin jaü phaq siq mang dea. Kiimaq ara ümchaü waiq tiikang armin, ara chong kang thun arang apang, ngi raq alap chang asi, namshiq raq ngi ma kechang sitlaq kra jaüphaq sia ma nguta riimak. Ngi raq namshiq ma, ngi dung hea hekiilai kra tiiho nam miika, atsaikai riiwe rotiikang! Jurmin ngi raq arang hotiikang arka atu na tiimo baiq lot mak!

1 Corinthians 9:22

Kamasham na ajomti phong na, tsangshiq ka shunshea wan miitu, ngi ka kamasham na ajom ikha sitiikang. Riita ngi ka wiitarü, phanphan maiqse rai phanphan maiqse ma ja lata sitiikang. Kra jaqsham tiikang kriika, tsangshiq phong wa maiq wiijam ra ka jamkha riilata jiimin Jesuq wokhong na shun shea wan lot hajaq nguta tiima lata shiikut chaq tiikang.