Luke 16:28 - ASII LAKDAP Bible (BSI)

²⁸ Kriijaq i phu i notiim webiingi dea asi. Apaiq ka kiraüta, tsangshiq ka ara chamchao walü mong na dea wan mak chang miitu, tsii michong kuq kilaq. Tsangshiq siika mimi, atsai wan jai na, ara chamchao wamungtan na khiim wan mak chang miitu michong kuqki laq.’ ”

Hawa Naga Bible 2001

²⁸ ngaz muex inox tamx waz bv-ngac doc httax yaq, tsuingshiq kuex kuilc daz yaq mungx vruex yuq kaz muq tvkoc piq rueq tsuingshiq muex honc tvsvmz kvjaz mjungx kuq kaz kueq,’ ngoz tueq.

Muklom

²⁸ Esho, ino tang wa banga. Piq ka eq ning ma bat kata ta ang ajo ning iri rapney tsamnang ro nak cham kapha.’

Luke 16:28 Referencias Cruzadas

Luke 16:27

Kiijiishe, chiithe we raq Abraham ma akha chongto, ‘Ikhiijiila, i we le, ngi raq ümniima tiipaiqnea tiikang. Lajaras ka i nyungwe jam na tiikilaq.

Acts 10:42

Kiimaq apaiq raq naishiq ma tsütsa ahea kra maiqse angu wiita ma chongke wan miitu arang kuqto. Kiimaq Shiikeawe raq apaiq ka maiqse amaati nai atrati kra kha phoke miitu phowe ma shongto nguta kholam kholiiq maq trahoke miitu naishiq ara hakhi miishe shongto.

Acts 18:5

Kiimaq Silas nai Timothi ka Mesidonia wang miishe kiijaq saü wan kiita sanha, Paul raq apaiq akhing ka wiita Jehudinok ma Jesuq kiidea Khristo nguta tiitho tiipha traho bom chongke niili she moto.

Acts 2:40

Petar raq akha tri bomtsi atsin maq trap tru raüta, tsangshiq ma chongkuqto. Kiimaq, arthaq niimin chat raüta, apaiq raq tsangshiq ma, bomtsi ahin miimin, tran tiitsii chongkuqto. Apaiq raq tsangshiq ma akha chong kuqto, “Riita, ümchaü min, Shiikeawe raq Jesuq tsea baiq wanti, ara ngarai maiqsetiim, ara mung na siti khu thaq na, chamchao jonghea tiisaü tlaq kriiwa, namshiq ka tiichhii wan tlo ronglaq!”

Acts 20:21

Jehudinok nai Pongnok phan maiqse ma romshaq na, ngi raq tsangshiq tarü ka tsangshiq ngarai lamphan kiiwa jang wan raüta, Shiikeawe puk na nyap wan raa tlo, raüta Tati Jesuq ma kamwan raa tlo nguta kiq atsin maq trantsii chongkuq kang.

Acts 20:23

Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 23:11

Kra rawa na Tatiwe ka Paul rai adam chapto. Raüta, apaiq ma, “Ümniika naqhaikiq! Ümniiraq arjaq Jerusalem na i ruk i kiimwe ma jamkho jawan laü, kiikhiisii hali, Rom chela niimin hakhi kewa raa tlo,” nguta ningkun shoqke bom hali chongkuqto.

Acts 26:22

Shatmaq, ümchaü ranaiq niitaq, Shiikeawe raq ngi ka khrum kuwan tlo. Krai mren, ngi raq ümchaü ranaiq min, arjaq namshiq ajong alabi, kiimaq wepuq wese mungmaiqse tarü man na, hakhi kuq tiikang ara. Riita, ümchaü ranaiq arjaq mungphong na jamlai bom wa chongkuq tiikang arsii li, ümsiimaq pat achat na, teiwe shammibi nai Mosheq riimin ranaiqshi akhing na ara bomtsi ara mihongtha wan dongdii nguta chong kuqthüto.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 8:25

Tsangnai raq nokmaiqse ma Jesuq Khristo miitu hakhi kuq lot raüta nai Tatiwe Tsütsa ahea kra chongkuq lot raütiishe, Petar nai Johan ka Jerusalem na hali jangho nongto. Tsangnai ka ajangho lam maq, Samaria wang na maiqhiq shong pahea na Tsütsa Ahea kra chongkuq wanto.

Galatians 5:3

Namshiq ma, phaqthak nithak maq chongkuq nong pha, tairong laq: Jurwa athohan thungtri kriika lang ra dea, nguta hali lang nongtlaq, kriiwe riika, Thungtri dap na tri raü ümchuwa sitlaq thun kriika, tri tsi shi dongdii min jin mak maq, wiita kunkun lang wan chang miraq.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

1 Thessalonians 2:11

Naishiq raq namshiq ka, awe raq asetiim ka jamkho tiichhanchhi tlaq, ikha tiichhan chhi wan kai. Kriika namshiq riimin asap han.

1 Thessalonians 4:6

Riita, ara chongtiikai ata awii liipan na shongnga lam phan na, jurmin phungmaiqse phunaino ma, ashut klo raa mak. Kiimaq kongti nansea raa mak. Ara bomtsi ara khuthaq na, naishiq raq namshiq ma kongkhuji niimin, namshiq ma tsii chongkuq kai she. Kiimaq ümchaü min, asiq areng maq chongkuq nong tiikai. Ümriiti riiwa, ara tri jinjiiq, Tatiwe raq kriiti ma mo mitiiho.