Luke 16:20 - ASII LAKDAP Bible (BSI)

²⁰ Kiimahali, maiq weshi ka miitsan pinthum riito. Apaiq mang ka Lajaras. Akhum ka ami atsi tam li riito. Apaiq ka anok raq chiithe we jamkea kilam da na shea thü wan tlo.

Hawa Naga Bible 2001

²⁰ Gvnz pumz kvyvlc mac jix kuilc daz hvlc Lazaru ngoz yaq waz kuex luiz waungx waz wangx kaluix nuex tv-ngaungc kaz tueq.

Muklom

²⁰ Eshina ashey rapney tangshit hal miq angta, piq sha Lazarus ta thamiingta, piq haan na uma chen angta etho piq tha eshi tanglom wa him kalung phang o jin thok shingta.

Luke 16:20 Referencias Cruzadas

YOBA 2:7

Kiijiishe Soitan ka Tatiwe man wa tiido hoto. Raüta Job khum tlotli na thabi mitsi she tiisaüto.

Tvtsvmc 34:19

Maiqshaqti ka chamchao pahea riihumtlo, shatmaq Tatiwe raq apaiq ka kriithun wiita wa tiichhii kuqtlo;

Tvtsvmc 73:14

O, Shiikeawe lei, ümniiraq ngi ka ranaiq minru tiichamchao wan laü; wranaptek ümniiraq ngi ma mo tiiho wan laü.

ISAIA 1:6

Ümkhum ka ümkhupo maq riitea ümhokphi wiinai na saüli ka ami atsi ahü ahea ka bashi min tammak she. Ümkhum tlotli ka sintsang maq atsatrat mopung phongli she, kiimaq ami atsi atsam phongli she, kiimaq ümkhum na ami phong kriika anü tiiki raqraq lishe. Ümdü na ami thun kriika kham maq hetse hü. Kiimaq khea maq min jopkehü. Kriithun niika tsiq miimin juthü.

JEREMIA 8:22

Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

Matthew 26:71

Kiimaq apaiq ka kra ngu thü raüta, jamtro ruk kilam chong tho kiiniishe kihoto. Kiijaq hali jaqshise nyungshi raq apaiq ka chhito. Raüta kiijaq nanok maiq chaptlaq kriiti ma, “Notsam arwe armin la, Najareth hiqti Jesuq rai siti sii ahata,” nguta chongto.

Luke 16:19

“Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Luke 16:21

Kriika, apaiq raq chiithe we sea phan hiq na araü baiq kiiwa mirchom siq laq nguta tiinga wan tlo. Apaiq phana ka hi kong kiimin wa raü raüta, akhum wa apaiq mitsai thun kra mesiqtlo.”

John 11:1

Riita, maiq weshi, amang min Lajaras nguta, kriiwe ka atsi riito. Apaiq ka anyinai Meriq nai Martha rai siti Bethani hiqti.

Acts 3:2

Kiijaq, Shomjam rinkea na Shomjam ruk kilamda ashi asi. Kra Kilamda mang ka Atsomwiq Kilamda ngutlo. Kra Kilamda tho na, maiq weshi akü we asi. Apaiq ka anyung pukdong akü dongdii riito. Apaiq ka wranaiqtek anok raq piho lili raüta, Shomjam na wati jaq wa kampho bamhi phaqsiq laq nguta, Kilam chong na tiinga thüho lili riitlo.

James 1:9

Phungmaiqse liipan na juwa thümsaü litse sitlaq, Shiikeawe raq kriiti ka arong awin ma tiija wan tlaq akhing na chochi wan chang.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 SAMUEL 2:8

Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.