Luke 16:19 - ASII LAKDAP Bible (BSI)

¹⁹ “Man na maiq weshi ka chiithe pinthum riito. Apaiq ka athii atsin pinthum miirii maq tiimiikhiiq raüta sito. Kiimaq wranaiqshe chamtraq tiipao tiipii raüta sito.

Hawa Naga Bible 2001

¹⁹ “Mvnnuex luiz waungx washiz httax tueq, piq kuex vhtawz tsanc hvlc khoz vkhvy svmx ruiux wvraungx nuiyq tek piauc liauc httax tueq.

Muklom

¹⁹ “Ashey tanglom miq angta barey rapney thangchan hal khat jin sampey ta etho salwet jaqhal phaksat phaksa eq tong ta.

Luke 16:19 Referencias Cruzadas

ESTHAR 8:15

Raütiishe Mordekai ka hokham raq sam chang awai nai alü maq ataq samtong jong kaü kra samto. Kiimaq müsaisai raihi-nairai maq ataq waichatchat rong nai railü maq ataq sambin samtong jong kaü kri samraü she, kiimaq akhupo na chaq khuphok ri phok raü, hokhamwe jam mong maq donghoto. Kra chhi raütiishe Susa chela na siti mungmaiqse thun ka chojong chise arü ariiq wa trangli she, Mordekai ka taoto.

TAKSU LAK 14:24

Taksu maiqse ka tsiiqlap nyamkapti, angok angiti ka jangi wan wan li miraq.

TAKSU LAK 31:22

Apaiq raq chang na phiichang, kheaphii kunli tiihong je asi. Kiimaq adü niika thepthep, müsaisai raihi-nairai khea amin phan samtlo.

ISAIA 3:23

Kiimaq tsangshiq dü na samchang bannin kheasetiim akhum tiichhi rashra samtlaq khea kra, kiimaq tsangshiq müsaisai raihi-nairai phaqchet thun kra, kiimaq tsangshiq khu pangchang phaqchet thun kra kiimaq tsangshiq khupo pang chang bannin khea thun kra minyea wan.

EJEKIEL 16:13

Ümniima chaq nai kampho laktum thun kuq kang. Kiimaq ümniiraq wranaiqshe aheawiq awaiq angon raihi-nairai nai nairai maq ataq khea samtlaü. Kiimaq ümniika ahea pinthum bunwong wongwin maq alum winsii kli phaqsiq wan laü. Kiimaq ngiq ngu nai olip tai maq ashong lum phaq asea kli phaqsiq wan laü. Ümsham hea wa ka makse chathit achhai anyii wali riiliip riiliip silaü. Kiimaq ümniika hokham nyung miishe jawan laü.

EJEKIEL 16:49

Apaiq nai asetiim jechakre ka kai kumrong kumraqli siwanto. Jamkhano ngukla tsangshiq ka chiithe lüwa, arong awin. Kiimaq hansang maq siwanto. Chiqse rewe ahü riito. Shatmaq tsangshiq raq miitsan maiqsetiim nai naolaq naosangti ka khrum kuqmak riito.

EJEKIEL 27:7

Ümjiiq chang kheachan ka raihi-nairai khea maq ataq, Ejip mung na raihi-nairai maq ataq awaiq angon. Rathoko miili rashra tiitsangshat. Ümwuseno thun ka kheahea pinthum maq ashap. Saipras mung maq aklo kheamin phan.

Mark 15:17

Raütiishe, tsangshiq raq kheashii samtong jong kaü ashi ka, Jesuq ma tiisam kuqto. Kiimaq shuk raü ka, wiishuktam maq lamki raüta, khuphok ashi ma haito. Kra khuphok ka Jesuq khupo niishe tiiphok kuqto.

Mark 15:20

Tsangshiq raq apaiq ka akha slailiisiq lot raütiishe, apaiq dü na atiisam, kheashii samtong jong kaü kra, achhut she riibaiqto. Raüta, apaiq khea kriishe hali tiisam kuq nongto. Raütiishe, tsangshiq raq apaiq ka pumsongkham na tübaiq kai miitu she, chela phai niishe sheahoto.

Luke 15:13

Kra pheake jai maq jaqlo miili, anowe raq apaiq la hup asam kra asha riito. Raüta, kra sha kampho ka hoho raüta, apaiq ka wanhiq na kihoto. Raüta, apaiq ka maiq mung ashi luhea na tre hoto. Raüta, kra mung na akampho kiimin pili piilii, tuwan piiwan shaphaqto.

Luke 16:1

Jesuq raq ajaqshisetiim ma ara manphan arhali chongkuqto, “Man na maiq chiithe weshi asi riito. Apaiq piikii kra liike wanti ajaqshi se weshi asi. Riita, chiithe we kriima, nanok raq achere we raq, apaiq piikii kriika atiisum riitlo nguta tsütsa ka tiitaito.

Luke 16:18

“Jurwa achak ka miim raüta, nyung nye she lamho tlaq, kriika sipe jawan ngarai tangtlo. Kiimaq jurwa junshu nyung kra romtlaq, kriiwe riimin sipe jawan ngarai tang wan tlo ngushat.”

Luke 16:20

Kiimahali, maiq weshi ka miitsan pinthum riito. Apaiq mang ka Lajaras. Akhum ka ami atsi tam li riito. Apaiq ka anok raq chiithe we jamkea kilam da na shea thü wan tlo.

Revelation 17:4

Kra jechakl nyung raq samtlaq khea rong ka, awai nai ashii rong arshot, kiimaq ashii rong maq ataq miirii. Kiimaq apaiq ka chaq laktum, niti, jaqsin, kiimin huru longseng, longchhai laktum thun maq achhai anyii tiimiikhiiqto. Apaiq jaq niika chaq kok ashi sham raü riito. Kra mong niika sethoq sepii jaqsham che tsai, kai ashe ashi, apaiq sethoq sepii jawantaq ngarai raq ama riito.

Revelation 18:16

Tsangshiq ka akha mihoq trang, “Ngalai, phiiptsi jiiptsi khiim baiq wanto! Chela ajong pinthum ma phiiptsi chang jonghea saüto! Apaiq ka khuhea kheawa, wujong wuriise ikha, raihi-nairai khea maq, ashii awai rong khea maq, kiimaq kheashii maq tiimiikhiiq raüta sito. Kiimaq chaq maq atiiq, longseng maq atiiq, kiimaq kham mong na siti longseng po maq atiiq, laktum, niti, jaqsin, miirii maq tiimiikhiiq raüta siti nyung.

Revelation 18:7

Arilung na pilipiilii achhai anyii, chamtraq wok phetaktak tiipongpii wanto. Ümchaü sanha riitsi tsaitsiiq she tiichamchao wan laq. Among jii na tiishomrato, ‘Hokham nyung ka ngi la, manti-nyung ngi riimak la, maaho maajü jümii ngi raq sap mang la.’

PHOWEBI 8:26

Krai mren, Gideon raq chaq niti laptaq thun kra shin kiita, kilo roqnai tin khan saüto. Riita arka laihin mii akhiiq ni na ti chang, jaq na pachang, kiimaq dang na lakchang thun kiimaq Midiannok hokhambi raq samchang miirii khu akhea mintiitii phan, kiimaq kumtsong kong dang na tlakchang phan laktum miirii thun kriika weahü riito.