Luke 15:24 - ASII LAKDAP Bible (BSI)

²⁴ Ara jamkhano chongtiikang ngukla, ara i se arka, atsai arki wa, ümchaü ka atra she; apaiq ka amo arki wa, ümchaü ka hum kai she,’ nguta awe raq ajaqshisetiim ka thaüto. Krai mren, poi ka klo raüta peokhiq chochi wanto.

Hawa Naga Bible 2001

²⁴ Yvmx khoc lac ngoz ruiux lec isaz vruex kuex vthueyc kay wuez wawc vyuing waung rvtueq, vmoz wvnc wuez wawc vhumc rvtueq,’ ngoz tueq jungx kuq tueq. Kvruex kaq tsuinghez rueq phuiuz svy moalx tvhungx phaungc wvnc tueq.

Muklom

²⁴ Chammatakoi isa ira utik sey angta tha thanga wey lun aa, piq matwang sey angta tha thanga kapkhi sey táng.’ Etho req ning aa phaksat eq phang sungrang ta.

Luke 15:24 Referencias Cruzadas

RAPHA HIQWA LAK 45:28

“Ikhla ise Joseph ka ümchaü min atra asi dea nya!” nguta apaiq raq nguto. “Ngi miika arlishe dea ratlo! Ngi ka kairaatlo, lata ngi mitsaiha shaq na apaiq sham ka chhikai ratlo.”

ISAIA 35:10

Tsangshiq ka Jerusalem na chojong chise misaü wan, khoqriiq shishiiq ashi ange kiimaq arü ariiq watrangla. Tsangshiq ka pattup pat-sa chochikhiqli she misi, pattup pat-sa aho ajü nai acha apa ahü she miraq.

ISAIA 66:11

Namshiq raq apaiq rongwin chhilanta michochihan, noshiise anyung pü nyangtlaq ikha.

EJEKIEL 34:16

“Rum na miikitaq thun skusetiim ka arit mirkiha. Lata jam na misheawan nongha. Ami atsi tiibuktaq thun kra tsiq maq aphum mirkuqha. Lata ami ba ka khea maq ajop mirkuqha. Kiimaq atsi asiti thun ka atiihea mirkuqha. Shatmaq piitatati thun kra kiimaq ahong alati thun ka atsea mirbaiqha. Jamkhano ngukla Ngi ka riikhaqli tri maq skusekong rümtiwe.

EJEKIEL 34:4

Namshiq raq atsak adok setiim ahan ajomti ka shiililii man. Atsi asiti ka phumtsiim kuq man. Lanta tiihea man. Ahok ajaq atiingoq ka job kuq man kiimaq rum na amo amii arkiti thun ka tiijang sheaki man, riimakla amo arki thun ka ritkot kiman. Kra rii na namshiq raq skusekong ka ahai ahii, hak hot laqhot khoti buktiiq wan lan.

Matthew 8:22

Kiijiishe Jesuq raq treto, “Ümniiriika i jai li phan laq. Ama ka amati riitiq tiina misaiq sam.”

Mark 8:22

Tsangshiq ka Bethsaida hiqshong na saü wanto. Kiijaq maiq wiijamti raq makchuk we ashi ka Jesuq phana shea wanto. Kiimaq Jesuq ma adü na jaq maq shamlaq nguta tiipaiqneato.

Luke 10:19

Taironglaq! Ngi raq namshiq ma arang akekun she. Namshiq raq paüsang nyiqla thun ka hok maq nishishi mirhan. Kiimaq Thawe ningkun wiita mitang han. Namshiq ka jamlai riimin tiishophi lot mak miraq.

Luke 15:23

Lanta, ahan aphin pinthumti minsaü pongse ira, taki rongkiq. Laita, nashiq tarü chojong chise maq poi laita peo rong i!

Luke 15:25

“Kra bala ka, ase aphu we kriika wak na tamii riito. Apaiq ka wak wa lam maq, jamkea niishe saü wan raüta, jam na paimin toro tsü wa trang nai maiq wiinum wa trang kriishe taito.

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

Luke 15:4

“Riita, bom shiiton i, namshiq phong wa maiq weshi skuse kong ka shishi asi. Kra phong kiiwa ashi ka rum na amii mirki. Raü jiila, apaiq raq jamlai wa miraq? Apaiq raq roqtiikaü ri tiikaü ka nyiipjaq phaq tiihai thü raüta, amo riikitaq se kra hum mak wiiwii, mirit ki.

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

Luke 9:60

Kiijiishe, Jesuq raq, “Ama ka wenyi na amati raq milap laq. Ümniika asak rilung lapro tlaü jiila, i jai phan laq. Laüta, Shiikeawe Mungtan tsütsa kra, maiqse angu ma chongkuq laq,” nguta treto.

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

John 5:21

Awe raq maiqse ka amaa wa tiijangtlo. Raüta tsangshiq ma rilung tsitsü ka kuqtlo. Kiikhiisii hali, Ase riimin apaiq raq ümriiti miiwa rilung tsitsü kewan lungwii tlaq, kriiti ma rilung tsitsü ka kuqtlo.

Romans 11:15

Ara jamkhano chong tiikang ngukla, Shiikeawe raq tsangshiq tiishaü baiq wan taq, kriikha na santla mangjong maiqse angu wiita ka, Shiikeawe rai wesang ralii kong wa, Shiikeawe khi alu nok miishe tiija wantaq. Riita, ikhiijiika, tsangshiq Jehudinok phan ka, wiitarü thum thum she, Shiikeawe wokhong na siwan raü jiika, mangjong maiqse angu ma achu shiiman ka ümtinkhan jonglu kewan chang she wa riila? Kriishe ngu raü jiika mangjong maiqse angu thun wiita ma, amaa wa atra siwan lamlu lishe misi wan!

Romans 12:15

Juwa acho achi maq sitlaq, kriiti rai chochi dam ronglaq. Juwa aho ajü sitlaq, kriiti rai aho ajü maq sidam ronglaq.

Romans 6:11

Ara chongtiikai akhiisii hali, ümchaü sanha, namshiq riimin, namshiq ka ngarai lamphan niika, atsai kaikun she nguta sap chang. Ngarai raq namshiq ka jamsha wanlot mak she, nguta sap chang. Shatmaq, ümchaü sanha, namshiq ka Jesuq Khristo lümaq, Shiikeawe rai kongshi miishe atra sitlan.

Romans 6:13

Kiimaq, ümchaü sanha, namkhum wa ano ani phushi ra kra dongdii min, ngarai jaqkhon na, abi jaqshi ma tiija miitu ka, like maimak she. Kra rii na, Shiikeawe asii jaqsham kra miitu, namkhum ka amaa wa atiidong wan maiqse sitlaq ikha, wiipumtam maq, Shiikeawe miishe kiinong kuq lanta, si ronglaq.

Romans 8:2

Ara jamkhano ngutiikang ngukla, nashiq ma Khristo Jesuq pum lümaq, rilung tsitsü keti, Asii Wenyi raq ngi arka ngarai kharü mong wa nai tsailam kharü mong wa dokdaa wanto she.

1 Corinthians 12:26

Apum kiiwa han-ngam phushi kra chamchao raüla, apum na sitlaq han-ngam ka shokrap wa wiita mitsi. Kiimahali, thiqko la tiishomra raüla, wiitarü wiipumtam kra michochi siq.

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.

Ephesians 2:5

Arkha maq tiina, nashiq ka man na, Shiikeawe kiqkhii laita, wenyi na amaa sitiikai liipan niili, apaiq raq nashiq ka Khristo rai atra tiija kuq wantaq ara. Namshiq ka Shiikeawe kaphap mangchan lümaq tiina tiichhii kuqtaq.

Ephesians 5:14

Jamlai wa rawüli niishe phong baiq tlaq, kriika tarü raq rashra she. Apaü chang ka jam min ahü she. Kriikha maq, Asii bomtsi na akha chong tlo, “O, akonti lei sam liishe na, laüta ümchaü sanha, amaa wa dong tlo liishe, ümkhum na Khristo she mililiim.”

Colossians 2:13

Namshiq ka akhing ashi na, namshiq ngarai na amaa silan. Kiimaq namshiq ka Pongnok phan maiqse kha maq, Thungtri wura maq tiiham mak dea riito. Shatmaq, ümchaü sanha, Shiikeawe raq namshiq ma Khristo rai tsitsü rilung she kuqto. Shiikeawe raq nashiq ngarai ka wiita diibaiqto she.

1 Timothy 5:6

Shatmaq, juwa ango nang ka manti-nyung ngu raü, ngarai rilung peo lam phan niili sitlaq, kiikhiiti ka atra li siraü min, amaa ikhli.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.

Revelation 3:1

“Sardis na phungtu sitlaq kra liiti rase ma ara waiq laq: “Ara tsütsa arka Shiikeawe winji miishi kiimaq raiqsaiqpo miishi rümti we raq atiiwan. Ngi raq namshiq jaqsham ka asapha. Namshiq ka wenyi na amaa sitlan. Shatmaq, atra sitiikai nguta tiitsaki tlan!