Luke 15:23 - ASII LAKDAP Bible (BSI)

²³ Lanta, ahan aphin pinthumti minsaü pongse ira, taki rongkiq. Laita, nashiq tarü chojong chise maq poi laita peo rong i!

Hawa Naga Bible 2001

²³ Kvmaq mantonx pung kvrac taungx shuinz kvruex phauk saq vtueq kokez wuez ix!

Muklom

²³ Etho ka eq thaji phewang eq achin maansa wang duk ko inn, hiqtang aa phaksat eq etho cham sungrang i.

Luke 15:23 Referencias Cruzadas

RAPHA HIQWA LAK 18:7

Raütiishe apaiq ka nyamse rümchang khok kiina juto. Raüta minsaüse arese phintsaq tsaq hea, angam phaq ma asumwiq nintata hea kra lam wan raüta ajaqshi se weshi ma kuqto. Kriiwe riimin jaqlo thit kra ngam ka tiije lumto.

Tvtsvmc 63:5

Itsaiji ka ümwokhong na ngaraüta, wok phetaktak miphaqsiq kiimaq tsan na washasha rongboq misi, kiimaq ngi raq ümniima tiitsam shi thun chochikhiq mishiha.

TAKSU LAK 15:17

Ngampin phong raüta, makshu rashe lam maq dungsea nam miika, riilung riiwii raüta, jücha weashaü maq dung tsapsea ka asum.

TAKSU LAK 9:2

Apaiq raq nyamse min tatoshe, kra poi ajong klo miitu. Raüta spiqtai na süse tapan min shotto she, raüta tü adung ka atiije kun she.

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

Luke 15:22

Shatmaq, awe raq ajaqshisetiim ka hea raüta, ‘Kotsi!’ nguta apaiq raq thaüto. ‘Samtong ahea pinthum ira lamwa rongkiq. Lanta, tiisam kuq ronglaq. Ajaq na jaqtop ri tiipa kuq ronglaq. Ahok na hokpa ri tiipa kuq ronglaq.

Luke 15:24

Ara jamkhano chongtiikang ngukla, ara i se arka, atsai arki wa, ümchaü ka atra she; apaiq ka amo arki wa, ümchaü ka hum kai she,’ nguta awe raq ajaqshisetiim ka thaüto. Krai mren, poi ka klo raüta peokhiq chochi wanto.

1 SAMUEL 28:24

Krai mren, kriinyung riimin taülaükhiq, aminsaüse atiijong ma nguta arümrat phintsaqtsaq hea kra takuqto. Raüta apaiq raq wongwin wiijam lam raüta, pi maq shohü miili winsii ka tak ke na tiija diimto.