Luke 15:20 - ASII LAKDAP Bible (BSI)

²⁰ Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

Hawa Naga Bible 2001

²⁰ Kvkhoc rvtueq piq kvtenc vtueq vwaz kox nuex yek waung wvnc tueq. “Vluz waq nuex piq waung yaq kuex vwaz rueq khiz lvp tueq rulc rv-ngvlc piq muex menjenc thuinz vmungx maq vyuz vbaz kaz vtueq vsaz duingx nuex rvwak ruiux htvlx nuex shup tueq.

Muklom

²⁰ Etho tunshat eq piq aa uwa ching náng kata. “Piq him wang alo na wey angta etho uwa they piq tha khi eq rapney tinshit ta etho jol eq, usa tha khilo ka eq chip kata.

Luke 15:20 Referencias Cruzadas

RAPHA HIQWA LAK 33:4

Shatmaq Esau ka tlat chhat apaiq humkai juto. Raüta ajaq wiinai maq apaiq ka pomsaq riito. Raüta atheaphi na shupto. Raüta tsangnai wiita aho trang liishe hoq trang hoto.

RAPHA HIQWA LAK 45:14

Raüta apaiq raq ajaq maq ano Benjamin ka pomsaq riito. Raütiishe hoqhoto. Kiimaq Benjamin riimin aphu ka pom raüta hoqto.

RAPHA HIQWA LAK 46:29

Joseph ka akumrang leng na chao raüta kihoto Goshen wang na awe rai riihumkai. Kiimaq tsangshiq rai riihum raüta, Joseph raq awe dangkong na ajaq maq pomsaq raüta, shetang hoqsiqto.

2 SAMUEL 14:33

Krai mren she, Joab ka Hokhamwe Dawit phana wato. Raüta Absalom raq bom atiichong wa kra apaiq ma chongto. Kiijiishe, hokhamwe raq Absalom ka tiiheakito. Kiimaq apaiq ka hokhamwe phana wato. Raüta apaiq khaki na hiq na bumsaq riito. Kiimaq hokhamwe raq apaiq ka atheaphi na shup raüta taoto.

Tvtsvmc 86:15

Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.

Tvtsvmc 86:5

Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

ISAIA 57:18

“Tsangshiq raq jamlai wa klowantaq thun ka Ngi raq chhikang she. Shatmaq Ngi raq tsangshiq tsisi ka atiihea she mirkuqha. Ngi raq tsangshiq ka mishun shea wanha. Lata tsangshiq ka mikhrum kuqha. Kiimaq juwa aho ajii sitlaq kra atiijaiq mirkuqha.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

Luke 15:19

Ngi arka ümchaü sanha, ümse nguta ngo ka thek mang she. Ümjaqshisetiim jamkho rüm tlaü kiikhiili she rümlaq,’ nguta minguha nguta atsan na tiimato.

Luke 15:21

Kiijiishe, ase raq, ‘I we le,’ nguta bomto. ‘Ngi raq Shiikeawe man na nai ümman na, ngarai jonghea tang kang. Ngi ka ümchaü ümse nguta ngo ka thek mang she,’ nguta awe rai bomto.

Acts 2:39

Ara jamkhano chong tiikang ngukla, Shiikeawe raq ara kiqkham raüpot khakuq wantaq arka namshiq miitu. Kiimaq, namsaü namsetiim miitu. Kiimaq ara kiqkham arka, maiqse angu alulang na ümchuwa sitlaq kriiti thun ka, nashiq Tati Shiikeawe raq, apaiq rii she nguta hea wantiiti thun kra kunli miitu.”

Acts 20:37

Raüta, apaiq rai kiim riiphea jaq shiikam bom lam maq tsangshiq tarü ka aho she riito.

Ephesians 2:13

Shatmaq, ümchaü sanha, Jesuq Khristo rai pumshi hanshi she sitlan kra lümaq, namshiq man na, Shiikeawe pha wa luhea bintang na siwan lanti kiimin, Shiikeawe thoniishe shunshea wanto. Ara ümchaü namshiq, Shiikeawe tiinap niishe shunshea wantaq arka, Khristo ka honglu na tsaitaq, kra lümiishe, namshiq ka Shiikeawe tiinap na shun shea wanto.

Ephesians 2:17

Riita, ara chongtiikai krai mren, Khristo ka saükito. Raüta, apaiq raq Tsütsa Ahea, khusang maq siwan lamlu kra, maiqse angu tarü ma chongkuqto. Namshiq Pongnok phan maiqse, namshiq Shiikeawe pha wa luhea na sitlan phan miimin la, kiimaq Jehudinok phan, apaiq Shiikeawe tho na shongngati phan miimin la, ara chongkuqto she.