Luke 15:20 - Hawa Naga Bible 2001

²⁰ Kvkhoc rvtueq piq kvtenc vtueq vwaz kox nuex yek waung wvnc tueq. “Vluz waq nuex piq waung yaq kuex vwaz rueq khiz lvp tueq rulc rv-ngvlc piq muex menjenc thuinz vmungx maq vyuz vbaz kaz vtueq vsaz duingx nuex rvwak ruiux htvlx nuex shup tueq.

ASII LAKDAP Bible (BSI)

²⁰ Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

Muklom

²⁰ Etho tunshat eq piq aa uwa ching náng kata. “Piq him wang alo na wey angta etho uwa they piq tha khi eq rapney tinshit ta etho jol eq, usa tha khilo ka eq chip kata.

Luke 15:20 Referencias Cruzadas

RAPHA HIQWA LAK 33:4

Yuq muinz Esaw yuz vtueq Yaku kuex got ruiux shup tueq. Tsuingnueyc kuex vkhoarc rvwuez tueq.

RAPHA HIQWA LAK 45:14

Piq rueq kvkhoc jungphvnc kuy lot yix, vnox Benjamin kuex yauk maq got vtueq khoarx tueq; Benjamin muinz Yosep kuex got vtueq khoarx tueq.

RAPHA HIQWA LAK 46:29

Yosep kuex vwaz Israel humc kay tvkoc Goshen nuex renc maq kaz tueq. Kvyuq httuiuc kaz ruiux vwaz rulc rvhumc vtueq, vyauk maq got ruiux loayc hvlc khoar tueq.

2 SAMUEL 14:33

Kvkhoc rvtueq Joab kuex hokhvmx Dawid kox nuex kaz vtueq Absalom rueq jungx tueq kvjaz kuex piq muex jungphvnx kuq tueq. Hokhvmx waz rueq Absalom kuex tvgvl kaz koq tueq, hokhvmx waz kox nuex kaz vtueq piq khaungkac ghaq nuex bumx tueq. Hokhvmx waz rueq muinz piq kuex malc wvnc vtueq shup tueq.

Tvtsvmc 86:15

Yuq muinz O Yehowa lex, mnoz kuex lungwawc menjenc thuinz httax yaq Tishox rvtoq, mnoz rueq mkaq muinz nanx vshuiux, menjenc vtueq tvmtuing httax vtuiux.

Tvtsvmc 86:5

Mnoz kuex nuiyshiq htauk nuex vhvlx httax vtueq mvrax dawc kuq vphux, mnoz kox wawc vjux thoz jix lotlaz tvkoc mnoz phaungx ngaungx yaq lungwawc kuex mvrc laz tvlvp vshuiux.

ISAIA 49:15

Rvkoq tueq Yehowa rueq tvralc tueq kuex, “Yalxjuik nyuiuz rueq vsaz noshawx kuex lauk gay ruiux piq rueq vjawx nox kuex lungwawx muq haz rvshvnx? Vnyuiuz rueq vsaz kuex lauk gay ruiux doc muinz, ngaz rueq mnoz kuex mkaq muinz lauk gay phaungx rvmuq.

ISAIA 57:18

“Tsuingshiq rueq yvmx lac ruez yaq nguinx ngaz rueq khiz tauk, yuq muinz ngaz rueq tsuingshiq muex tvhvlc kuq shaungx. Ngaz rueq shvlx vtueq tsuingshiq muex romc kuq ruiux tsuingshiq muex tvlenc lauk shaungx.

JEREMIA 31:20

“Israel lex, mnoz kuex ngaz rueq lungwawc hvlc saz rvtoq, ngaz rueq roc hvlc saz vshiz rvtoq. Ngaz rueq mmuingc kuex jungx shaungx ruip rawx, mnoz kuex tvlungwawc thuinz maq rvwvl vshaungx. Ngvy thuinz vmungx kuex mnoz nuex rvwak vtaungx ningkhvnc nuex; ngaz rueq menjenc hvlc.

Hosea 11:8

“Israel lex, ngaz rueq mnoz kuex mkhoc lac gay shec lot phaungx? Ngaz rueq mnoz kuex mkhoc lac tuip gay lot phaungx? Ngaz rueq mnoz kuex Adma ghaq tvbac gay tueq ikhoc mkhoc lac tvbac gay lot phaungx? Zeboim ruez tauk ikhoc mnoz kuex mkhoc lac ruez lot phaungx? Ngvy thuinz vmungx rueq ngaz muex kvkhoc kuex tvshuimc muq! Ngvy lungwawc thuinz kuex nuimshiq tvkoc pinhtumc hungc vlaungc httaz hvlc.

Luke 15:19

Majuiuc vmaq kuex msaz ngoz tueq ngoc muinz aungx muq shex, m-yauk shuimc svy jix miq washiz ikhoc ngaz kuex taq koq, ngoz tueq ngoz shaungx,’ ngoz tueq.

Luke 15:21

Vsaz rueq vwaz muex, ‘Iwaz lex, Tishox muex muinz mhtumc nuex muinz ngaz yaq tauk, majuiuc vmaq kuex msaz ngoz tueq kv-ngoc muinz ngaz hungx mauk shex rvtauk,’ ngoz tueq.

Acts 2:39

Yvmx khoc lac ngoz ruiux lec Tishox bomkhvmc vruex kuex nuimshiq muex muinz, nuimshiq sahez muex muinz, lvmx luz nuex httaz jix muex muinz, naungshiq Taungjix Tishox rueq vgvl miqsaz lotlaz muex muinz rvtueq,” ngoz tueq jungx tueq.

Acts 20:37

Tsuinghez rueq Polu kuex pvmx ruiux vhtaq maq vkhoar piq kuex shup vtueq gvnhttuingc ngoz wuez tueq.

Ephesians 2:13

Yuq muinz majuiuc kuex Christu Yesu nuex rvtuimx yuimx wvnc vtuinx ningkhvnc nuex, mvnnuex vluz nuex rv-phvlc httax wvnc tuit nuimshiq kuex Christu vthueyc khvmc vtueq vpiq hep nuex httuiuc wvnc wuez tuit.

Ephesians 2:17

Kvkhoc rvtueq mvnnuex Tishox rulc vluz nuex httax wvnc tuit nuimshiq Pungnuk miqsaz htenc muinz, Tishox rulc vnyek nuex httax jix Yuda miqsaz htenc muinz, Christu httuiuc kaz vtueq nomic lvmx Thuix Thaungx Vhvlx kuex jungphvnx tvtay kuq tueq.