Luke 15:10 - ASII LAKDAP Bible (BSI)

¹⁰ Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Hawa Naga Bible 2001

¹⁰ Kvrulc rv-ngvlc ngaz rueq nuimshiq muex jungx kuq ix, Tishox raungkamx bix kuex mvrax vhttax miq washiz thuinz kvlayc wvnc ningkhvnc nuex kokez wuez yaq,” ngoz tueq.

Muklom

¹⁰ Nga nim ma irimal hun batphang, ashey ngarey jakshomtey tin kaley ajo Shkewa rangkamwa tang tho rapney sungrang na.”

Luke 15:10 Referencias Cruzadas

EJEKIEL 18:23

Tati Rakaü Hiqwe raq, “Namshiq nga, Ngi ka abiwe tsaitlaq kra liisea lungwiitlo ngutiisha tiima tlan?” nguta waito. “Riimak. Ngi riika apaiq ngarai kra tiidii raüta, atra siwan chhiro tiikang.

EJEKIEL 18:32

Ngi riika maiq weshi min tiitsai baiq romang,” nguta Tati Rakaü Hiqwe raq ngutlo. “Namshiq ngarai lamphan wa jang wantlo ronglaq. Lanta atra sirong laq.”

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

Matthew 10:32

“Jurwa nokwe man na apaiq ka i sengi nguta tantan maq siwan tlaq, kriiti miitu ka ngi riimin i We man na, ramungtan maq Phangthum Khapho Ranaiq kholam kholiiq hakhi mikuq wan ha.

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:14

Ikiikhiisii hali nam We ramungtan na siti we riimin ara atsak adokse kong phong wa ashi kra dongdii min tiimo baiq romak.”

Luke 12:8

“Ngi raq chongtiikang arka tengteng. Jurwa nokwe man na, apaiq ka i sengi nguta tantan maq sitlaq, kriiti miika Maiq Se riimin, rasetiim man na apaiq ka i sengi nguta hakhi mikuq wan.

Luke 12:9

Shatmaq, jurwa apaiq ka Maiq Se kra sengi riimak nguta, nokwe man na ngi ka tiishaü tlaq, kriiti ka Maiq Se riimin, rasetiim man na apaiq ka asengi riimak nguta atiishaü mirwan.

Luke 13:5

Riimak! Kiikha ka riimak! Ngi chong pha. Namshiq min maiqmii ngarai ka tiidii man riihan jiila, tsangshiq jai na sii hali sho lam na, khoshi na mikiho nong han.”

Luke 15:11

Jesuq raq bom ka akha phanchan kuqto, “Akhing ashi na, maiqwe weshi asi. Ase nai ka wenai.

Luke 15:7

Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”

Luke 15:9

Raüta, apaiq raq ümtiikiiwa kra kamsii kra hum jiiq, raüla, apaiq raq akongti nyungre nai ajamthoti nyungre ka adam na hea raüta, ‘Ngi ka kai khoqriiq tiikang. Ara i kampho sii ara amo arki wa hum kang. Ümchaü min, nashiq tarü adam na chochi rong i!’ nguta michong.

Luke 7:47

Riita, ümchaü ngi raq ümniima bom poshi chongpha, tailaq. Apaiq raq ngi ma lungwii tsii ka tsaühea maq tiichhi kuqto riimak sha. Arka, apaiq ngarai ka jonghea sitaq li jiimin, diikuqto she dea nguta, tiichhike hakhi ashi she. Shatmaq, ümriiti ngarai wa atsapse li diikuqtaq, kriiti riika lungwii tsii min, atsapseli rümtlo.”

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

2 Corinthians 7:10

Ara jamkhano chongtiikang ngukla, namshiq tsanbi ka, Shiikeawe raq namshiq tsantsii klai wan lam nü niishe wiiqkuqto. Kra klai tsantsii lümiishe, namshiq raq tiichhii wan rilung ka lap wan lan. Riita kra jiika jam tiishudaq wan chang min ahü! Shatmaq, han-ngam tsantsii lamlam maq tsanbi tlaq kra riika, namshiq atiitsai mirwan.

Philemon 1:15

Jursap, apaiq ka, ümwokhong wa heashi miitu chii na kihotaq kriika, ümwokhong na pattup siwan miitu kihoto sham nguta tiima tiikang.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.