Luke 15:10 - Hawa Naga Bible 2001

¹⁰ Kvrulc rv-ngvlc ngaz rueq nuimshiq muex jungx kuq ix, Tishox raungkamx bix kuex mvrax vhttax miq washiz thuinz kvlayc wvnc ningkhvnc nuex kokez wuez yaq,” ngoz tueq.

ASII LAKDAP Bible (BSI)

¹⁰ Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Muklom

¹⁰ Nga nim ma irimal hun batphang, ashey ngarey jakshomtey tin kaley ajo Shkewa rangkamwa tang tho rapney sungrang na.”

Luke 15:10 Referencias Cruzadas

EJEKIEL 18:23

Johvlc Yehowa rueq, “Layx bac jix miq thueyc kaz tueq kuex khiz ruiux yuq ngaz vkokez rvtuex ngoz tueq haz tvmaung shuiux?” ngoz tueq wiz tueq. Piq rueq, “Rvmuq, piq thuinz kvlayc wvnc vtueq tvraungx httaz kuex ngaz rueq pinhtumc khiz roc vshaungx.

EJEKIEL 18:32

Ngaz rueq vshiz muinz tvthueyc gay roc mauk, kvkhoc rvtueq nuimshiq yaq gay tuit mvrax kvwawc kvwek wvnc yek vtueq tvraungx wuez kuinz,” ngoz tueq Johvlc Yehowa rueq jungx tueq.

EJEKIEL 33:11

Ngaz, Johvlc Yehowa kuex vtvraungx Tishox rvtauk, kvkhoc rvtueq mvrax vhttax waz thueyc kay kuex vkoz vkez maq lawc shaungx rvmuq. Mvrax yauk shuimc kuex gay shex ruiux tvraungx httaz tuinx kuex lawc roc vshaungx ngoz tueq tsuingshiq muex jungx shuiuz. Israel lex, mnoz rueq shuimx vshuiux layx vbac phvnx kuex gay shuiuz. Mnoz yvmx ngoz tueq thueyc kay roc lac?

Matthew 10:32

“Uraq yuq muinz miq htumc nuex ngaz muex kvjungc jix kuex, kvrulc rv-ngvlc raungmungx maq i-Waz htumc nuex ngaz kvjungc taungx.

Matthew 18:10

“Kvkhoc rvtueq nosaz saz washiz kuex nuimshiq rueq wvlc guez waqguez nauk tvyaungc kaz honc lvmz wuez shuinz. Nuimhez muex ngaz rueq jungx kuq ix, raungmungx wawc tsuingshiq kamx bix kuex raungmungx wawc Iwaz khaungkac nuex mkaq muinz httax wuez yaq.

Matthew 18:14

Kvrulc rv-ngvlc raungmungx wawc nuimshiq Waz rueq muinz vruex nosaz rulx vwawc washiz shiz muex lvmx tvyaq tvmawc kuy kuex roc muq.

Luke 12:8

“Nuimshiq muex ngaz rueq jungx kuq ix, ukhaq yuq muinz miq htumc nuex ngaz muex kvjungc jix waz kuex, Miq Saz vruex raq muinz Tishox raungkamx bix htumc nuex piq muex kvjungc taungx.

Luke 12:9

Yuq muinz miq htumc nuex ngvy tvdux gay jix waz kuex Miq Saz vruex raq muinz Tishox raungkamx bix htumc nuex piq kuex tvdux gay shuex.

Luke 13:5

Kvkhoc kuex rvmuq! Ngaz rueq jungx kuq ix, nuimshiq muinz mvrax wawc thuinz kvlayc wvnc muit ngoz ruiux kuex, tsuingshiq ikhoc lotlaz thueyc wvnc tuinx,” ngoz tueq.

Luke 15:11

Yesu rueq vkhoc jungx tueq, “Lauk shiz miq washiz kuex vsaz wanueyc httax tueq.

Luke 15:7

Kvrulc rv-ngvlc ngaz rueq nuimshiq muex jungx kuq ix, thuinz kvlayc rac muq tvtsanc nganc aungx yaq miq rok tvkuiuz rac waz tvkuiuz ningkhvnc nuex kokez tix htauk nuex mvrax vhttax miq washiz thuinz layc wvnc ningkhvnc nuex raungmungx maq pinhtumc kokez wuez tuex.

Luke 15:9

Kvruex kuimphox sawx kuex humc ruiux yuq kungjix htenc nuiyc yuimx phic yuimx phaungx wuinz htenc gvl vtueq, ‘Vmoz vrvkaz kuimphox sawx ngaz rueq humc yek tauk, ngaz rulc roc nuex kokez naungx kuit’ ngoz tueq ngoz shuex.

Luke 7:47

Kvkhoc rvtueq piq kuex mvrax paunghvlc wawc dawc kuy rvhumc wvnc vtueq, kvkhoc dawc kuy rvhumc tueq lvmx kuex yungx luz yaq piq lungwawc thuinz rueq hakhix tvkhic kuq yaq, mvrax raungluingx saz dvyx dawc kuy jix waz kuex raungluingx saz dvyx lungwawx yaq,” ngoz tueq jungx tueq.

Acts 11:18

Kvruex kvjaz kuex tay vtueq tsuingshiq rueq mvrax tvgurc kvjaz kuex jungphvnx muq shex, “Tishox rueq Pungnuk miqsaz muex muinz thuinz kvlayc vtueq, rullungx tvraungx lvp wvnc juing vkhangx kuq tueq nyix!” ngoz tueq jungx ruiux Tishox muex tvtsvmc kvmc tueq.

Acts 5:19

Yuq muinz raungnyauk nuex Taungjix raungkamx waz rueq khoktep kaluix htenc kuex daz vtueq kamx waz hez kuex yuzphic nuex tvdung ruiux,

2 Corinthians 7:10

Yvmx khoc lac ngoz ruiux lec Tishox rueq shuimx wvnc tueq thuinbac juing lvmz kuex palc daungc wvnc rvhumc juing tharc tvkhic kuy juing lvmz tvyaungc kuq yaq, kvkhoc rvtueq thuinbac juing lvmx vguez! Yuq muinz miqsaz rueq tvdung yaq thuinbac juing lvmz vjux kuex vthueyc juing muex tvyaungc yaq.

Philemon 1:15

Onesimu kuex mnoz rulc mkaq muinz vdvmz nuex httaz muex mnoz rulc vlox rv-phvlc dvyx rvtueq shvmx.

Hebrews 1:14

Kvkhoc ngoz ruiux raungkamx bix kuex ukhaq lac rvtvnx? Tsuingshiq kuex palc daungc wvnc rvhumc jix htenc muex romc kuy tvkoc Tishox rueq vtvkaz bomc nvrc siyac htenc dvyx rvtueq.