Luke 11:9 - ASII LAKDAP Bible (BSI)

⁹ “Riita, ara namshiq ma chongtiikai arai mren, jaü ronglaq; milap han. Rit ronglaq; mihum han. Kilü na buk ronglaq; namshiq ma kilü ka midi kuq.

Hawa Naga Bible 2001

⁹ “Kvmaq ngaz rueq nuimshiq muex jungx kuq ix, thoz shuinz, kvkaq nuimshiq rueq lvp shuinx; thuiyx shuinz, kvkaq nuimshiq rueq humc shuinx; wung tvruingx shuinz, kvkaq nuimshiq tvkoc daz kuq kv-phuinx.

Muklom

⁹ Iri rangma nga nim ma batphang: uchuk eq inn etho nim ma kot eq phanin; ubi eq inn etho nim aa kap eq nin; udok eq inn etho kalung ulaak eq kopha nin.

Luke 11:9 Referencias Cruzadas

Tvtsvmc 118:5

Ngi littsi ma Tatiwe heakang; apaiq raq ibom treto, raüta ngi ka tiidongkuqto.

Tvtsvmc 27:4

Ngi raq Tatiwe jaq wa phanshi jaükang; phanshi se lamlam kli ngi ma ratlo: Tatiwe jam na irilung pattup siwan kli rotiikang; lata kiijaq apaiq thuktsom kra maosea ma kiimaq apaiq tsii chong kra jaü ma.

Tvtsvmc 27:8

Ümtiikiiwa ümniiraq, “Wara, laüta ngi noqlaq,” ngulaü, Ngi raq trekang, “Ngi watiikang lii Tatiwe lei;”

Tvtsvmc 34:10

Hangsikong dongdii min amang chamchaotlo, shatmaq Tatiwe aming langtibi ka phanrap ahea awa phan lap wan ruqli misi.

Tvtsvmc 34:4

Ngi raq Tatiwe jaq wa achu jaükang, kiimaq apaiq raq ngi ma treto, apaiq raq ngi ka haisi rasong wiita wa tiiwong kuqto.

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

ASHICHONG 5:6

Latiishe itawe ma kilü kra dikuq kang. Shatmaq apaiq ka kilamchong na ahü, akaihowishe riito. Ngi ka apaiq bomtairo raq ahaü riikang! Lata ngi raq apaiq ka ritkang. Shatmaq apaiq ka hummang she riikang. Ngi raq apaiq ka heakang, Shatmaq apaiq raq ibom tremak she riito.

ISAIA 45:19

Ngi raq adam apaü lam maq chongmang, riimakla Ngi raq thapthi tiikang kriika paümang. Ngi raq Israilnok ka Ngi ritkai rumnyangkhi na tiiki mang, Ngi ritkai hiqmiq changkhü binjü na tiiniiki mang. Ngi ka Tatiwe kiimaq Ngi riika tengteng bomli chongtiikang; Ngi raq riikhaqli bom kli chongtiikang.”

JEREMIA 29:12

Kiitiikaq namshiq raq ngi mihea han. Namshiq ka iphana wa lanta, Ngi jaqwa achu mijaü han. Kiimaq Ngi raq namshiq achu jaü ka mitreha.

JEREMIA 33:3

“Ngi healaq, raüla Ngi raq mitre kang; Ngi raq ümniima awang chang thun kiimaq amao chang thun ümniiraq khonlot maü phan kra michong kuq kang.

DANIEL 9:3

Kra ningkhan, ngi raq Tati Shiikeawe jaq wa pinthum itsan itsii tiitsi lata, apaiq ma tiipaiq nea lam maq, amang maq, wunthaü riinaü khea samlata, kiimaq ikhakam na tapkhu maq nyat lata, achu jaü nga kang.

Matthew 21:22

Namshiq raq Shiikeawe ma riikhaqli maq kam lanta achu jaü han jiila, jamlai phan miitu wa achu jaü tlan, kriika namshiq ma miklo kuq.”

Matthew 21:31

Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.

Matthew 6:29

Shatmaq ngi chongpha. Chiithe pinthum Hokham we Solomon miirii dongdii min, ara pepü tsom rai tlaq arkhan ka tsom mak.

Mark 11:24

Arkha maq, ngi raq ümniima chong tiikang: Ümtiikiiwa ümniiraq phanshi ra miitu achu jaütlaü, kra ümniiraq lapkang she nguta kamlaq, krai mren ümniiraq jamlai wa jaülaü kra milap haü.

Mark 13:37

Namshiq ma ngi raq ara tsii chongkuq tiikang arka, namshiq tarü tlotli miitu chongkuq tiikang. Namshiq tarü raq kheshat maq si rong laq!”

Luke 11:10

Ara jamkhano chongtiikang ngukla, jurwa jaütlaq, kra raq milap. Kiimaq jurwa rit tlaq; kriiti raq mihum. Kiimaq kilü na jurwa buk tlaq; kriiti ma kilü ka midi kuq.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 15:7

Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

2 Corinthians 6:2

Shiikeawe raq akha chongtlo ara tai ronglaq: “Ngi raq namshiq ma ra tlaq akhing na tre kuq wan kang ihata, ngi raq namshiq ma tiichhiike wan akhing ranaiq saüto angu na, tiichhii kuq wan kang ihata.” Tai ronglaq! Ümchaü ranaiq ahata Shiikeawe raq namshiq khrumke wan akhing! Ümchaü ranaiq ahata Shiikeawe raq namshiq tiichhiike wan ranaiq!

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 5:15

Ara kam raüta achu jaükuq tlaq ariiraq atsi ka ahea mirki. Tatiwe raq apaiq athatsi ka mitiihea kuq. Kiimaq apaiq raq ngarai thun tangtaq kriimin adii mirkuq.

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.

Revelation 2:24

“Shatmaq, Thajatira na siti namshiq ahinti raq ara ajiq bomchong lam ka phan dam man. Maiq ahinti raq ‘tsaühea Thawe mochii’ nguta tlang kuqtaq kra, namshiq raq tlang man. Riita, ümchaü ngi raq namshiq miika laihin holai ka tiiho mang.