Luke 11:9 - Hawa Naga Bible 2001

⁹ “Kvmaq ngaz rueq nuimshiq muex jungx kuq ix, thoz shuinz, kvkaq nuimshiq rueq lvp shuinx; thuiyx shuinz, kvkaq nuimshiq rueq humc shuinx; wung tvruingx shuinz, kvkaq nuimshiq tvkoc daz kuq kv-phuinx.

ASII LAKDAP Bible (BSI)

⁹ “Riita, ara namshiq ma chongtiikai arai mren, jaü ronglaq; milap han. Rit ronglaq; mihum han. Kilü na buk ronglaq; namshiq ma kilü ka midi kuq.

Muklom

⁹ Iri rangma nga nim ma batphang: uchuk eq inn etho nim ma kot eq phanin; ubi eq inn etho nim aa kap eq nin; udok eq inn etho kalung ulaak eq kopha nin.

Luke 11:9 Referencias Cruzadas

Tvtsvmc 118:5

Ngaz jamjaux rvhumc vtaungx nuex Yehowa kuex ngaz rueq gvl tauk; vpiq rueq ngaz muex tvralc kuq ruiux tvdung wvnc phuex.

Tvtsvmc 27:4

Ngaz kuex ngaz rueq vroc phvnx shiz kuex Yehowa kox wawc thoz vshaungx; kvruex kuex ngvy rullungx tvraungx wawwawx Yehowa yuimx nuex httax lvp vtueq, vpiq vhvlx lvmx kuex kvruex baung kvyuq khiz vshaungx, vpiq rueq shunshvlc kuex thoz tvkoc dvyx ngaz rueq roc vshaungx.

Tvtsvmc 27:8

“Ngaz muex nawk palx tvkoc kaz luit” ngoz tueq mnoz rueq jungx toq nuex, “Yehowa lex, ngaz kaz vraungx,” ngoz tueq tvralc phaungx.

Tvtsvmc 34:10

Hangsic htenc doc muinz phuiuz svy juing vguez rvmc thuiuz rvhumc yaq, yuq muinz Yehowa kvjaz tay jix kuex vhvlx phvnx yvmx muinz hungx htaungx wvnc muq ngoz tueq vguez.

Tvtsvmc 34:4

Ngaz rueq Yehowa kox wawc vjux thoz koq tueq vpiq rueq tvralc kuq phuex; vpiq rueq ngvy kvhiz juing lotlaz wawc ngaz tvdung wvnc phuex.

Tvtsvmc 50:15

Kuilc daz rvhumc tuiux nuex ngaz kuex gvl koq, ngaz rueq mnoz kuex palc wvnc phaungx, nuiyc mnoz rueq ngaz muex tvtsvmc phux,” ngoz tueq.

ASHICHONG 5:6

Ngaz rueq ngvy lungwawc waz tvkoc kaluix kuex daz tauk, yuq muinz piq kuex vguez shex. Ngaz rueq piq thuic bomc tay roc vshaungx! Piq kuex ngaz rueq thuiyx tauk, yuq muinz humc mauk; ngaz rueq piq kuex gvl tauk, yuq muinz tvralc muq.

ISAIA 45:19

Ngaz rueq vyumx maq jungx mauk ngaz rueq kvmungx shaungx kvmuinz httuiyq puiuc mauk. Kuiyqshuik kuiyqkhvmx baung nuex ngvy thuiyc tvkoc, Israel miqsaz htenc kuex ngaz rueq tvyoalc wvnc tauk. Ngaz kuex Yehowa rvtueq, ngaz kuex vlvmx dvyx kvjak vtaungx; tsuingrux yauk shuimc kuex ngaz rueq tvtuiuz vshaungx.”

JEREMIA 29:12

Kvruex yimaq nuimshiq rueq ngaz gvl phuinx. Nuimshiq kuex ngaz kox nuex kaz vtueq vjux thoz shuinz, ngaz rueq nuimshiq muex tvralc phaungx.

JEREMIA 33:3

“Ngaz kuex gvl kuit, ngaz rueq tvralc phaungx; mnoz rueq yvmx muinz tuiuz lvp muq vwangc juing nuiyc vwangc kawc yawc juing phvnx htenc kuex ngaz rueq mnoz muex jungx kuq ix.

DANIEL 9:3

Ngaz kuex phuiuz svy mamc ruiux ruiyhec khvy svmx vtueq, tvp nuex ngaungc ruiux Taungjix Tishox kox wawc kvmenc jenc thoz tauk.

Matthew 21:22

Nuimshiq rueq kvmluimx thuinz maq vjux thoz ruiux yuq thoz shuinx lotlaz kuex lvp wvnc shuinx,” ngoz tueq tsuinghez muex jungx tueq.

Matthew 21:31

Kvruex vsaz wanueyc kvwawc mruex jix waz lac vwaz kvjaz tay jix?” ngoz tueq wiz tueq. Tsuingshiq rueq, “Vphuz waz jix kuex rvtueq,” ngoz tueq. Kvkhoc rvtueq Yesu rueq, “Ngaz rueq nuimshiq muex vsuing jungx kuq ix, muinghic jix hez nuiyc mephex nyuiuz tamx kuex nuimshiq max nuex raungx Mungtan nuex nyuip wvnc wuez tueq.

Matthew 6:29

Yuq muinz ngaz rueq nuimshiq muex jungx ix, pinhtumc luiz waungx waz hokhvmx Solomon rueq doc muinz pulx puic htenc wawc vshiz ikhoc svp laz juing svmx lvp muq doc rvtueq.

Mark 11:24

Kvkhoc ningkhvnc nuex ngaz rueq nuimshiq muex jungx ix: nuimshiq rueq vjux thoz vtueq phvnx shishiz thoz ruiux yuq, nuimshiq rueq lvp shuinx ngoz tueq kvmx kuinz, ngoz ruiux yuq nuimshiq rueq thoz shuinx yvmx yuq muinz kuq kv-phuinx.

Mark 13:37

Nuimshiq muex ngaz rueq jungx vphaungx rulc rv-ngvlc, miq lotlaz muex muinz ngaz rueq jungx vshaungx: honc lvmz hvt rvshuinz!” ngoz tueq tsuingshiq muex jungx tueq.

Luke 11:10

Yvmx khoc lac ngoz ruiux lec vthoz jix waz rueq lvp wvnc shuex, vthuiyc jix waz rueq humc wvnc shuex, wungc tvruingc jix waz muex muinz daz kuq shuex.

John 14:13

Vsaz htauk maq Vwaz ngauz vngax tvkhic tvkoc ngvy muingc ruingc vtueq, nuimshiq rueq thoz shuinx htenc kuex ngaz rueq shuimx kuq phaungx.

John 15:16

Nuimshiq rueq ngaz thvl wvnc phuinx rvmuq, nuimshiq kaz wvnc vtueq vthuey vngoz paunghvlc thuey ngoz muex nuiyc vthuey kuex phaungx ngaungx tvkoc ngaz rueq nuimshiq kuex thvl wvnc vtueq tvhungx taq vphaungx. Kvkhoc rvtueq ngvy muingc ruingc vtueq nuimshiq rueq Vwaz kox wawc thoz vshuinx phvnx htenc kuex nuimshiq muex kuq kv-phuinx.

John 15:7

Nuimshiq kuex ngaz nuex rvwak vtueq ngvy kvjaz vruex muinz nuimshiq nuex rvwak ruiux kuex, nuimshiq rueq thoz shuinx phvnx htenc kuex lvp wvnc shuinx.

John 4:10

Yesu rueq, “Tishox rueq vkuq kejux yauk noalc kvmuinz, mnoz kox wawc vnuingc juing yuix thoz jix waz kvmuinz mnoz rueq tuiuz ruiux yuq, mnoz rueq vpiq kox wawc thoz ruiux, vpiq rueq mnoz muex rullungx tvraungx juing yuix kuq kv-phux,” ngoz tueq tvralc tueq.

Romans 2:7

Miq vganc kuex vhvlx yauk shuimc shuimx hvt maq ngauz vngax, tvtsanc nganc nuiyc vthueyc vmvy vguez rullungx lvmx kuex thuiyx wuez yaq; kvkhoc jix htenc muex Tishox rueq pattup rullungx kuq shuex.

2 Corinthians 6:2

Tay shuinz Tishox rueq, “Ngaz rueq nuimshiq muex kejux kuy vkhing httuiuc wvnc tueq nuex nuimshiq rueq tvtay shuinx kvjaz kuex tay kuq phaungx; ngaz rueq nuimshiq palc wvnc raungnuiyq httuiuc tuex nuex, nuimshiq muex romc kuq phaungx,” ngoz tueq jungx tueq. Tay shuinz! Tishox kejux lvp wvnc tvkoc vkhing kuex majuiuc shex rvtueq; palc daungc wvnc raungnuiyq muinz majuiuc shex rvtueq!

Hebrews 11:6

Kvmluimx thuinz vguez waz kuex Tishox muex tvraungc raq lot yaq rvmuq, yvmx khoc lac ngoz ruiux lec Tishox kox nuex kvnvp wvnc jix ukhaq yuq muinz Tishox httax yaq nuiyc vpiq thuiyc jix htenc muex kejux tvyez kuq yaq, ngoz tueq kvmluimx jix waz rvtueq.

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

James 5:15

Kvmluimx thuinz maq vjux thoz ruiux yuq vthuiuz jix waz kuex hvlx wvnc tuex, Taungjix rueq piq kuex tvhvlc kuq ruiux, piq yaq wvnc tueq mvrax htenc muinz dawc kuq gay shuex.

1 John 3:22

Naungshiq kuex vpiq nvrc bomc htenc kuex phvnx tvhungx vtueq vpiq rueq raungc raq yaq yauk shuimc kuex shuimx vshix ningkhvnc nuex, naungshiq rueq thoz shix kuex naungshiq rueq lvp wvnc tiq.

Revelation 2:24

“Yuq muinz Thiatira ghaq nuex kvjungx yaq phungc miqsaz hez wvyvmc kuex honc vbac tvluing yaq lvmx nuex phvnx muq kvdvyx muinz rvmuq, miq rueq jungphvnx yaq Satan mungyumx thuinz thuiuz sungx hvlc ngoz yaq kvmuinz tvluing phvnx wvnc muq rvtueq, ngaz rueq nuimshiq muex jungc roc kuex, nuimshiq nuex ngaz rueq vganc gurc liq tvrvp kuq phaungx rvmauk.