Luke 11:41 - ASII LAKDAP Bible (BSI)

⁴¹ Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Hawa Naga Bible 2001

⁴¹ Yuq muinz nuimshiq panx nuiyc kok nuex httax yaq kuex htemc saz jix muex kuq shuinz, kvkhoc ngoz ruiux yuq jix httax yaq lotlaz kuex nuimshiq tvkoc vsawc rvtuex.

Muklom

⁴¹ Etharin nim khung nia kokna chamlang ang aa shi tangshit tangma ko inn, etho thaji sha nim rangma sangna.

Luke 11:41 Referencias Cruzadas

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

Tvtsvmc 41:1

Peohea miraq miitsan maiqse miitu tsan tiitsiti ma; tsangshiq chamchao akhing na Tatiwe raq mikhrum.

TAKSU LAK 14:31

Miitsan maiqse haihiiti ka, tsangshiq Phansangtiwe shummiitlo. Shatmaq miitsan maiqse, khrumti ka tsangshiq, Shiikeawe shomnoqtlo.

TAKSU LAK 16:6

Shiikeawe wokhong na, tsapkapkap maq silaq; raüla apaiq raq üm ngarai midiikuq. Tatiwe aming lang laüta silaq, ümniima abi mra saümak miraq.

TAKSU LAK 19:17

Jurwa miitsan maiqse khrum kuq tlaq. Kriika Tatiwe ma ke riito. Tatiwe raq apaiq ma mipai kuq.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

Matthew 26:11

Miitsan maiqse ka namshiq rai siruq misi. Shatmaq namshiq raq ngi shiili lii miitu akhing hum ruq ka hum man mirhan.

Matthew 5:42

Kiimaq ashi ra raq namjaq wa phanshi ra jaü kiiphan la, kuq ronglaq. Kiimaq ashi ra raq namjaq wa phanshi ra nam haü jiila kra tiinam kuq wan ronglaq.

Mark 7:19

Anü maq thii tlaq kriika, atsan mong niika wamak. Shatmaq, awok na waraüta, kiiwa kinphai na kiho tlo.” (Jesuq raq ara bomtsi chongkuqtaq arka, aphaq asea chang ümchuwa sitlaq kriika, apii chang ka ahü nguta ngo riito.)

Luke 12:33

Namshiq tachong wiira thun ka wiita sha lanta, kra sha kampho kra miitsan miijan maiqse ma kuq rong laq. Namshiq la kriika thenki mak chang phan kampho tek kra, tiije rong laq. Lanta, namshiq ka Ramungtan na chiithe ma jawan miitu tiije rong laq. Kiijaq tsiiq anyam ka wiihiiki mak miraq. Kiimaq ahuk arot min ahü she miraq. Kiimaq sap achhü riimin phaq mak miraq.

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 19:8

Kiimaq, Jekias ka tarü man na chap raüta, Tatiwe ma chongto, “Shiilangwe le liilaq. Ngi raq ita iwii hupsam sitlaq kriiwa, mannai na phea lata, manshi kra miitsan miijan maiqse miishe miphea kuqha. Kiimaq ngi raq maiq weshi ra la laolii wan kang jiila, kra thaq na manblai tliip lata mitham kuqha.”

Acts 10:15

Shatmaq, maiq bom kriiraq apaiq ma hali, “Shiikeawe raq jamlai phan wa, arka asii she nguta rairii tlaq, kriika ka ümniiraq apii chang ngutiika, naq tiima kiq,” nguta apaiq ma chongkuqto.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 24:17

“Riita, ngi ka wiitsam wiiblai tin she, wanhiq na sirai wa jai miishe, naishiq nok miitsan miijan maiqsetiim ma kechang kongphiq kampho archom kra kewa nai Shiikeawe ma honglu kewa nguta Jerusalem na wakang.

2 Corinthians 8:12

Namshiq raq khoqriiq shishiiq maq kuq han jiila, Shiikeawe raq namshiq kongphiq jaqmiiq ka, chochi khiq ma mitao. Namshiq raq ümchuwa mitang han, kra kuq ronglaq. Namshiq jaq na jamlai wa ahü, kriika Shiikeawe raq asap.

Ephesians 4:28

Juwa man na, ahuk ja lanta silan, Kriiti riimin, ümchaü sanha, ahuk naqja rongkiq she. Jaqsham shiichaq lantli she, maiqmii wok ka tiipao ronglaq. Lanta, thümsaü litseti kiimin khrum kuq ronglaq.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.