Luke 11:41 - Hawa Naga Bible 2001

⁴¹ Yuq muinz nuimshiq panx nuiyc kok nuex httax yaq kuex htemc saz jix muex kuq shuinz, kvkhoc ngoz ruiux yuq jix httax yaq lotlaz kuex nuimshiq tvkoc vsawc rvtuex.

ASII LAKDAP Bible (BSI)

⁴¹ Shatmaq, namshiq kok alaq mong na nai winpin mong na jamlai wa sitlaq, kra thun kriika miitsan miijan maiqse ma kuq ronglaq. Kra riihan jiila, phanrap ka namshiq miitu apii ashan chang ngutiimin ahü she, siirairai she miraq.”

Muklom

⁴¹ Etharin nim khung nia kokna chamlang ang aa shi tangshit tangma ko inn, etho thaji sha nim rangma sangna.

Luke 11:41 Referencias Cruzadas

Tvtsvmc 112:9

Piq rueq rax yaq jix muex hunghtaungx laz kuq vtueq, piq menjenc lvmx kuex mkaq muinz komc kaz muq; piq kuex luimc vkawc yungx wvnc vtueq tvtsanc nganc kuy rvhumc tuex.

Tvtsvmc 41:1

Htemc vrvmc jix miqsaz htenc tvkoc rvwvlc tvmaung jix waz kuex thuinhvlx yaq; tsuingshiq kuilc daz rvhumc tuex nuex Yehowa rueq tsuingshiq muex romc kuq shuex.

TAKSU LAK 14:31

Htemc vrvmc miqsaz htenc kuex mnoz rueq tuinghtuing phauk ruiux yuq, tsuingshiq tvdungc sungc jix Tishox muex mnoz rueq wvlc guez tvyaungc vshuiux; yuq muinz htemc vrvmc jix muex menjenc thuinz httaz jix waz kuex Tishox muex nawk palx kuy muex yaungx yaq.

TAKSU LAK 16:6

Tvmtuing raz tueq vlvmx yaungx kuiuz, ngoz ruiux Tishox rueq mmvrax kuex dawc kuq gay kv-phux. Yehowa kvjaz tay phvnx shuiuz, kvkaq honc bac phvnx yvmx muinz mnoz nuex yaungx wvnc rvhumc tuiux rvmuq.

TAKSU LAK 19:17

Htemc saz jix muex mnoz rueq kuq noalx shuiux kuex Yehowa muex tvnvmc kuq shix rulc rv-ngvlc yaq, Yehowa rueq mnoz muex htuimz kuq yek shuex.

DANIEL 4:27

Kvkhoc rvtueq, Taungjix hokhvmx waz lex, ngaz rueq tharc jungx vphaungx kuex phvnx shuiuz. Mvrax lvmx kuex gay shec ruiux vlvmx yauk shuimc kuex shuimx shuiuz, htemc saz jix muex menjenc shuiuz. Kvkaq mnoz kuex tvhttoarc vtueq vrungx vwanx paung wvnc yek tuiux.”

Matthew 26:11

Htemc saz jix htenc kuex nuimshiq rulc mkaq muinz vdvmz nuex httax yaq, yuq muinz ngaz kuex nuimshiq rulc roc nuex mkaq muinz httax naungx phaungx rvmuq.

Matthew 5:42

Miq vshiz shiz rueq mnoz kox wawc thoz ruiux yuq kuq shuiuz; miq vshiz shiz rueq mnoz kox wawc khinvmc ruiux yuq tvnvmc kuq shuiuz.

Mark 7:19

Yvmx khoc lac ngoz ruiux lec kvruex kuex piq thuinz vmungx nuex nyuip waung yaq rvmuq, piq wuk nuex nyuip vtueq phic nuex dvyx dung kaz yek yaq,” ngoz tueq. (Kvruex lvmz htenc jungx yaq lvmx maq, Yesu rueq phuiuz vsvy lotlaz kuex talx phauk saq tueq.)

Luke 12:33

Nuimshiq hup vsvmx lotlaz kuex shaung vtueq lvp shuinx kuimphox kuex htemc saz jix muex phvlx kuq shuinz, thvmx muq ramx muq kuimphox htungc kuex gurx wuez shuinz, vguiuq muinz httuiuc lot muq, httvp rueq muinz tvbac lot muq raungmungx nuex vhtumx kay ngoz tueq vguez kuimphox tumz kvyuq yoalc taq shuinz.

Luke 16:9

Kvkaq Yesu rueq jungx tueq, “Ngaz rueq nuimshiq muex jungx kuq ix: miqmac tvkoc tvrac muq mungkawx tsak vnyvmx maq kungjix lvp rvyaungc kuinz, kvkaq jix kvruex htumx ruiux yuq pattup phaungx ngaungx yaq yuimx nuex nuimshiq kuex malc wvnc kv-phuinx.

Luke 18:22

Yesu rueq kvruex kvjaz kuex tay vtueq, “Mnoz rueq phvnc juing phvnx shiz doc httax yaq, mnoz rueq lvp taq toq htenc kuex shaung gay ruiux, htemc saz jix muex phvlx kuq shuiuz, kvkhoc shuimx kaz ruiux yuq jix raungmungx wawc tsak vnyvmx kuex lvp wvnc shuiux, kvkhoc phvlc kuy yix maq ngvy yix nuex phvnx koq,” ngoz kuq tueq.

Luke 19:8

Zake kuex kvtenc jvp vtueq Taungjix muex jungx tueq, “Tay shuiuz! Ngvy tsak vnyvmx htenc wawc wvyvmc kuex htemc saz jix muex phvlx kuq shaungx, kvmaq miq washiz shiz tsak vnyvmx ngaz rueq mop saq gay tauk ngoz ruiux yuq muinz htvmx bvlic tvrvp vtueq htuimz kuq shaungx,” ngoz tueq.

Acts 10:15

Kvkaq laukshiz hulawx jungx kuq tueq thuic bomc kuex, “Tishox rueq vsawc ngoz yaq phvnx kuex vshuy ngoz tueq nauk ngoz kaz,” ngoz tueq jungx tueq.

Acts 11:29

Sangac bix rueq muinz miqmac rueq lvp luz tueq htauk kvwawc Yuda mungx nuex httax yaq phungc miqsaz phunox bix muex yauk noalc hic kuy muex raz tsaz wuez tueq.

Acts 24:17

“Ngaz kuex Yerusalem maq kaz wvnc vtueq raungwawc loayc hvlc lvy wvnc yix maq, miqmac phvnx vmaq sahez tvkoc yauk noalc kuimphox lvmc kuy lvy tvkoc muinz, Tishox muex shomc nawk kuy tvkoc muinz httuiuc kaz yek tauk.

2 Corinthians 8:12

Nuimshiq rueq vkuy noalc roc thuinz httax ruiux yuq, nuimshiq rueq lvp vshuinx kvruex lawc vtueq kuq shuinz, kvruex Tishox rueq malc wvnc yaq.

Ephesians 4:28

Vguiuq waz rueq yix maq nauk guiuq kaz shex, htemc saz jix htenc muex kuq noalx lvp laz juing miqmac yauk maq yauk shuimc kuex vhvlx waq hunglaungx shuimc kaz shuinz.

Titus 1:15

Miqmac shauk pumz vsawc jix htenc tvkoc kuex phvnx ruip saz vsawc jvnc yaungx yaq; yuq muinz miqmac sawc muq raz tueq Taungjix Yesu muex kvmx muq waz tvkoc kuex yvmx yuq muinz sawc muq jvnc rvtueq. Yvmx khoc lac ngoz ruiux lec tsuingshiq thuinz kvmungx lvmx nuiyc vhvlx vbac thvl httauk thuinz kuex vshuy vshac ningkhvnc nuex rvtueq.

Hebrews 13:16

Vhvlx yauk shuimc laung nuex nuimshiq vdvmz dvmz rvromc rvshix lvmz kuex nauk lauk wuez kaz, yvmx khoc lac ngoz ruiux lec kvkhoc shomc nawk kuy juing htenc kuex Tishox rueq raungc raq yaq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

James 1:27

Vwaz Tishox khaungkac nuex vsawc nuiyc rvkhauk laz nawk palx htungx ngoz yaq kuex, kuilc daz rvhumc yaq nojix saz tamx nuiyc mvntix nyuiuz tamx muex lawc mawc kuq vtueq, miqmac shauk gvnz muinz, mungkawx vshuy vshac muinz koayc gay lvmx rvtueq.