Luke 11:4 - ASII LAKDAP Bible (BSI)

⁴ Naishiq ngarai thun ka diikuq laq, Naishiq ma ashut kloti mra kiimin, naishiq raq diikuqtiikai. Kiimaq naishiq ma maitai jonghea naq tiisaüki.’ ”

Hawa Naga Bible 2001

⁴ Nuiyshiq muex yaq kuq phuex mvrax htenc nuiyshiq rueq dawc kuq gay vshix ikhoc nuiyshiq mvrax muinz dawc kuq koq. Tvshonx bawx rvyaq baung nuex nuiyshiq kuex nauk tvkaz vkueq,’” ngoz tueq jungx kuq tueq.

Muklom

⁴ Etho í ngarey ri tolchak phu, chammatakoi barey í ma thaja somtey tang, í aa tho ning ma tolchak i. Etho í shi tari náng nak tathok phu!”

Luke 11:4 Referencias Cruzadas

RAPHA HIQWA LAK 48:16

Ngi phanrap chamchao mong wa khupwongke wanti rase raq tsangnai ka mishman kuq laq! Imang chong nai iwe Abraham kiimaq Isak mang chong ka ara nono nai ara lümaq siruq misi wan laq! Tsangnai setiim nai asaütiim ka pahea mipuchi wan laq!”

1 HOKHVMX 8:34

ümniiraq tsangshiq achujaü ka ramungtan maq tre kuq laq. Laüta ümsenginok ngarai thun ka diikuq laq. Laüta ümniiraq tsangtitiim ma akuq haü tsangmung na hali tiijang shun shea wan nonglaq.

1 HOKHVMX 8:36

tsangshiq achu jaü ka ramungtan maq tre laq. Laüta hokhamwe ngarai nai Israilnok mungmaiqse ngarai kra adii riikuq laq. Laüta tsangshiq ma riikhaqli lamlu kli shrinkuq laq. Kra laüta O, Tatiwe lei, armung arjaq ra ka tiijun kuqlaq. Arka ümmungtan, ümniiraq ümsenginok ma pattup tachong hupsam miitu akuq haü kata.

Tvtsvmc 121:7

Tatiwe raq ümniika wiita ahaisong chang wa mikhup wongkuq; apaiq raq ümrilung ka tiiwongshat miraq.

Tvtsvmc 25:11

O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,

Tvtsvmc 25:18

Ngi litkotkaidi chamchao homa thun ara liikuqlaq laüta ingarai homa thun ka diibaiqlaq.

DANIEL 9:19

Tatiwe lei, naishiq achu jaü tre laq. Tatiwe lei, naishiq mra diikuq laq. Tatiwe lei naishiq achu jaü tailaq. Laüta jaq ka shamkuq laq! Kra nguraü jiitiq maiqse angu wiita raq, ümniika Shiikeawe dea nguta misap wan. Naq tiihitkiq she! Ara chela arka ümchela. Kiimaq arnok arka ümsengi.”

Hosea 14:2

Tatiwe phana jangtlo ronglaq. Akha achu jaü ronglaq, “Naishiq ngarai diikuqlaq. Naishiq achujaü tre laq. Ümniima kiqkhamkuqkai, kra phanphan mishomnoq kai.

Matthew 18:35

Kra chongkuq raütiishe, Jesuq raq bom ka akhiishe shatto, “Ngi raq chongpha. Namshiq tarü loweatek raq, namphuno we mra ka namtsan mong maq diikuq man wiiwii, ara chong tiikang akhiisii hali, i We ramungtan na siti we riimin, namshiq kha ka mipho.”

Matthew 26:41

“Namtsam ka honkamshat nai achu jaüshat maq kherong liijo. Maitai ma tiitang jiiq. Tsan mong niika achu jaüro. Shatmaq ngarai han-ngam riika tang mak.”

Luke 11:5

Kiimaq, Jesuq raq ajaqshisetiim ma chongto, “Bom shiiton ngu i, namtsam phong wa weshi ra ka, rawa thung na, namkongtiwe jam na mikihan. Lanta, apaiq ma, ‘Phunowe ngi ma winsii thoptsam tiinam kuq laq.

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

Luke 22:46

Kiijiishe, apaiq raq tsangshiq ma chongto, “Namshiq ka jamto konrai holan? Tiido ronglaq. Lanta, namshiq ka maitai thiikho na dea man chang miitu, achü jaü ronglaq.”

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

John 17:15

Ngi raq tsangshiq ka mangjong hiq arwa ümniiraq shea wan laq ngutiika ngu mang. Shatmaq, tsangshiq ka Abi Thawe maklii kiiwa khup wong kuq shat riilaq nguta achü jaü tiikang.

1 Corinthians 10:13

Namshiq raq ümchuwa phanrap maitai akhing lea wan tlan kriika, nanok wiitarü ma saü wan tlo sii. Shatmaq Shiikeawe raq apaiq kiqkham ka riikhaqli maq thü wan tlo. Kiimaq apaiq raq namshiq ma namshiq raq nin wan lot man chang maitai ka tiisaü wan mak miraq. Ümra akhing niiwa namshiq ma maitai saü tlaq, kra akhing na, apaiq raq namshiq ma anin wan ningkun mikuq. Kiimaq krai mren, kra maitai wa mong wa dong wan chang lamlu kiimin atiichhi mirkuq.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.

2 Thessalonians 3:3

Shatmaq, Tatiwe ka pinthum tsapkap hea we. Krai mren, apaiq raq namshiq ka winji rilung na, nola ma mitiija wan. Raüta, namshiq dü na, Abi Thawe jaq ka tiimiiq mak, mikhup wongkuq.

2 Timothy 4:18

Kiimaq ngi ka Tatiwe raq phanrap chiq se rewe jaqkhon mong wa khup wong kuqshat maq mirüm kom wan. Raüta, apaiq raq ngi ka jam min ngusiq mak maq, apaiq Ramungtan na mishea wan. Apaiq khushü kli pattup pat-sa achhai anyii mijong laq! Amen.

James 2:13

Shiikeawe raq khapho akhing ranaiq na, jurwa kongti ma mangchan tiichhi mak dea riitaq, kriiti miika apaiq riimin mangchan tiichhikuq mak miraq. Shatmaq jurwa nanok ma, mangchan tiichhi kuqtaq, kriiti miika Shiikeawe riimin mangchan mitiichhi kuq.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.