Luke 11:4 - Hawa Naga Bible 2001

⁴ Nuiyshiq muex yaq kuq phuex mvrax htenc nuiyshiq rueq dawc kuq gay vshix ikhoc nuiyshiq mvrax muinz dawc kuq koq. Tvshonx bawx rvyaq baung nuex nuiyshiq kuex nauk tvkaz vkueq,’” ngoz tueq jungx kuq tueq.

ASII LAKDAP Bible (BSI)

⁴ Naishiq ngarai thun ka diikuq laq, Naishiq ma ashut kloti mra kiimin, naishiq raq diikuqtiikai. Kiimaq naishiq ma maitai jonghea naq tiisaüki.’ ”

Muklom

⁴ Etho í ngarey ri tolchak phu, chammatakoi barey í ma thaja somtey tang, í aa tho ning ma tolchak i. Etho í shi tari náng nak tathok phu!”

Luke 11:4 Referencias Cruzadas

RAPHA HIQWA LAK 48:16

Ngaz kuex vgvrx vtsvrx htenc wawc palc wvnc jix raungkamx waz rueq vruex nox nueyc vmac ruimrix mkuq shueq! Ngvy muingc, Ijix iwaz Abraham nuiyc Esak muingc kuex tsuinghez rueq mtv-phaungx ngaungx shueq! Tsuingshiq suiuz vsaz phvnx htenc kuex paunghvlc mpux paung wvnc kueq!”

1 HOKHVMX 8:34

tsuingshiq rueq thoz yaq kuex raungmungx maq tay kuq shuiuz. Mmiqsaz hez mvrax htenc kuex dawc kuq ruiux, tsuingshiq jix vwaz tamx muex kuq shaungx ngoz tueq mungx kvyuq shvlx wvnc shuiuz.

1 HOKHVMX 8:36

tsuingshiq rueq thoz yaq kuex raungmungx maq tay kuq shuiuz. Hokhvmx waz nuiyc Israel miqsaz htenc yaq gay tueq mvrax kuex dawc kuq shuiuz. Vlvmx yauk shuimc tsuingshiq muex tvluing kuq shuiuz. O Yehowa lex, mmiqsaz htenc muex mnoz rueq kuq shec toq pattup tsak vnyvmx ghaqphux ngoz yaq vruex m-ghaqphux htauk vyuq raungx tvyunc shuiuz.

Tvtsvmc 121:7

Yehowa rueq kvhiz juing phvnx lotlaz wawc mnoz kuex tv-guing tvwungx kuq kv-phux; mnoz kuex kuiyqshuik tvkhup wungx kv-phux.

Tvtsvmc 25:11

Yehowa lex, mbomkhvmc kuex tvhungx shuiuz, ngvy mvrax htenc kuex dawc kuq koq, yvmx khoc lac ngoz ruiux lec kvdoc muinz paunghvlc shex.

Tvtsvmc 25:18

Ngaz rvwvlc tvmaung thuiuz nuiyc jamjaux lvmx htenc kuex rvwvl kuq koq, ngvy mvrax lotlaz kuex dawc kuq koq.

DANIEL 9:19

Taungjix lex, nuiyshiq muex tay kuq koq. Taungjix lex, nuiyshiq muex dawc kuq koq. Taungjix lex, nuiyshiq kvjaz tay vtueq tvyaungx kuq koq! Mnoz Tishox rvtoq kuex miq tek vtueq mtuiuz wvnc shueq, nauk thauk kaz! Vruex ghaqyungx nuiyc vruex miq htenc kuex mnoz rueq guimz yaq,” ngoz tueq jungx tauk.

Hosea 14:2

Yehowa kox nuex yek wuez kuinz, vruex vjux thoz bomc maq vpiq kox nuex nuimshiq rueq shomc kuy muex m-yaungx kueq: “Nuiyshiq mvrax lotlaz kuex dawc kuq koq, nuiyshiq vjux thoz bomc kuex tay kuq koq, nuiyshiq rueq bomkhvmc taq vshix rulc rv-ngvlc nuiyshiq rueq mnoz muex tvtsvmc kvmc shix.

Matthew 18:35

Yesu rueq tvsuip nuex, “Nuimshiq muinz phunox vdvmz dvmz washiz mvrax kuex washiz rueq thuinz vmungx lotlaz maq dawc kuq muit ngoz ruiux yuq, raungmungx wawc Iwaz rueq muinz nuimshiq mvrax kuex dawc kuq shuex rvmuq,” ngoz tueq.

Matthew 26:41

Mvyx tvy yaq kvyuq httuiuc kaz muit tvkoc honc lvmz hvt maq vjux thoz wuez shuinz, siyac kuex hungc vlaungc httax yaq, yuq muinz gvnngvmx hungc vlaungc nulx kaz,” ngoz tueq.

Luke 11:5

Kvmaq Yesu rueq vpiq sangac hez muex, “Nuimshiq phungc wawc washiz shiz kuex kungjix waz yuimx nuex raungwvrx htungx nuex kaz vtueq, ‘Kungjix waz lex, ngaz muex wanx phux thuimx tvnvmc kuq koq.

Luke 13:4

Siloam ngoz yaq baung wawc lungpvrc yuimx kuimc vtueq kvpvt thueyc jix miq rokshiz rac waz tvjvt kuex Yerusalem nuex httax yaq jix lotlaz htauk nuex muinz mvrax paunghvlc jix ngoz tueq haz tvmaung vshuinx?

Luke 22:46

Vpiq rueq, “Yvmx ngoz tueq lac kvtsoalx kaz wuez tuinx? Kvtenc kuinz, mvyx tvy yaq kvyuq lomx muit tvkoc vjux thoz wuez shuinz,” ngoz tueq jungx tueq.

Luke 8:13

Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

John 17:15

Tsuingshiq kuex vruex mungkawx vwawc tvyenc wvnc muex ngaz rueq thoz vphaungx rvmuq, tsuingshiq kuex honc vbac waz rueq tvkuilc daz rvhumc muq juing tvkhup wungx kuy tvkoc thoz vphaungx.

1 Corinthians 10:13

Nuimshiq rvhumc vtuinx tvshonx bawx taruiyx yaq htenc kuex miq ruip rawx rvhumc yaq phvnx dvyx rvtueq. Yuq muinz Tishox kuex bomkhvmc tvy jix Taungjix ningkhvnc nuex, nuimshiq miqmac rueq nanx lot shuinx htauk kvyuq lvy vtueq tvshonx bawx taruiyx yaq kuex tvrvhumc kv-phuinx rvmuq. Tvshonx bawx taruiyx rvhumc vtuinx baunglaung nanx lot juing hungc vlaungc kuq vtueq, kvruex tvshonx bawx yaq kvwawc dungc wvnc tvkoc lvmx daz kuq kv-phuinx.

Colossians 3:13

Nuimshiq vdvmz dvmz mvrax rv-nyvnc juing httax ruiux yuq, nanx thuinz maq mvrax rvdawc wuez kuinz, Taungjix rueq nuimshiq muex mvrax dawc kuq kv-phuinx kvkhoc nuimshiq muinz vdvmz dvmz mvrax rvdawc wuez kuinz.

2 Thessalonians 3:3

Yuq muinz Taungjix kuex tvmtuing rvtueq, vpiq rueq nuimshiq muex hungc vlaungc tvhungc kuq vtueq Honc Bac Waz kox wawc tvkhup wungx wvnc kv-phuinx.

2 Timothy 4:18

Taungjix rueq ngaz kuex honc vbac lvmz lotlaz wawc palc tvdung wvnc vtueq, vpiq raungmungx Mungtan nuex tvkhup wungx tvhttuiuc kuq phuex. Vpiq nuex pattup pat-sac ngauz vngax mhttax wvnc kueq! Amen.

James 2:13

Yvmx khoc lac ngoz ruiux lec Tishox rueq menjenc thuinz vguez jix waz muex menjenc thuinz vguez maq phox kuq shuex: yuq muinz menjenc kuy lvmx rueq vphoc rvyaq kuex taungx gay lot yaq.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 3:10

Yvmx khoc lac ngoz ruiux lec mnoz kuex ngaz rueq nvr phaungx rulc rv-ngvlc thuinz tvluz vtueq nanx wvnc lvmz bomjungc mnoz rueq phvnx vshuiux ningkhvnc nuex, ghaq htauk nuex httax yaq miqsaz lotlaz kuex taruiyx lawc tvkoc mungkawx nuex nyvmc laz kuilc daz jamjaux httuiuc wvnc tuex vkhing nuex ngaz rueq mnoz kuex tvkhup wungx kuq phaungx.