Luke 11:39 - ASII LAKDAP Bible (BSI)

³⁹ Kriikha miishe, Tatiwe raq apaiq ma akha chongkuqto, “Namshiq Phorisinok riika, namshiq kok alaq nai tak apin thun kriika, akii thun kriika siirai rai hea hetse tlan. Shatmaq, namtsan mong niika, ramok rachhai wa trangli sitlan. Kiimaq abi ati tiima tsantsii riili ama sitlan.

Hawa Naga Bible 2001

³⁹ Kvkhoc rvtueq Taungjix rueq tsuingshiq muex, “Nuimshiq Pharise nuk rueq panx nuiyc kok htenc kuex vtsec kox dvyx tvsawc vshuinx, yuq muinz nuimshiq vmungx kox nuex kuex yauk laungc yalawx, kvkax kvwax vnyvlc thuinz, honc vbac thuinz dvyx mvrc vtuinx.

Muklom

³⁹ Etho Teyhungwa aa piq thima batta, “Nim Phorisi tang, nim aa khung aa kok rangkho wang jaqhal eq qhol inn etharin nim tinmong na kaplap tinthin nia anaan wang shey aa.

Luke 11:39 Referencias Cruzadas

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

2 KAÜWA WERAÜ 25:2

Apaiq riika Tatiwe tiichochi chang jaq shamto. Shatmaq akan kop lam maq shamto.

Tvtsvmc 22:13

Tsang nübok ka tiiki raqraq hangsi kong nübok ikha, ngi ka phaq ma nguta agan agu watrangla.

TAKSU LAK 26:23

Hamlii tak kampho daiq maq alo ikha, laopha maiqse tsantsii ka, abom ka sumhea, atsan niika anyaq.

TAKSU LAK 26:25

Abomtsi ka asum wiq, jiimin naq kam kiq. Atsan mong ka, makshu rashe hon atsii raq, ama sitlo.

TAKSU LAK 30:12

Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

EJEKIEL 22:25

Mungtubi ka hangsikong raq ngam kaq raüta ngam riichhin phaqtlaq ikha ahok aho riitlo. Tsangshiq raq mung maiqse ka tsat baiqtlo. Raüta tsangshiq kampho kra nai tsangshiq tachong hupsam thun ka alaplap nyeahotlo. Kiimaq tsangshiq raq maiq tsatbaiqtaq raüta jechakre pahea manti nyungre ma tiijabaiqtlo.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

Matthew 15:19

Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Luke 7:19

Tatiwe phana bom tiiwai kai tiikito. Tsangnai ka Jesuq phana kiraüta, “Ümnaq ardea sha Johan raq, maiq weshi saüho tlo nguta chongtiiwe kra, sha naishiq raq ahinti miki nguta khechang wa miraq?” nguta waito.

John 12:6

Apaiq raq ara bom chongtaq arka, apaiq tsan mong na miitsan miijan maiqsetiim ma mangchan tiitsi raütiika riimak. Shatmaq, apaiq ka ahuk we kha maq bomto. Apaiq ka tsangshiq kampho khiiq kra hoti we. Akhing khing na apaiq raq kra taro kampho khiiq kiiwa khot raü raüta shaphaqtlo.

John 13:2

Jesuq nai ajaqshisetiim ka raji dungsea adam na artam nga wishe. Kra akhing na, Tha raq Simon Iskariot se Judas tsan ka, Jesuq shaphaq miitu arap baiq kun she.

Acts 5:3

Kiijiishe, Petar raq apaiq ma waito, “Ananias, ümniiraq namnai tachong hupsam hiqphu sha lanta, kra sha kampho wa khoko ka ümniirii thüho raü, khokoli kuq laüta, Asii Wenyi ma wiita kuqkang nguta arot chong miitu, ümtsantsii ka Thawe thongkhiiq na jaram wa rongki laü?

Galatians 1:14

Ngi ka naishiq nok, Jehudinok thungtri maq, Shiikeawe lamphan niika, i ri i rümti thaq na atsin maq lang lata siwan kang. Kiimaq, naitititiim thungtri ka, tsantsii wiita kiinong kuq lata, lang wan kang.

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

James 4:8

Arkha maq, namshiq ka Shiikeawe wokhong na nyap wan tlo ronglaq. Raüla apaiq raq namshiq ka awokhong na mitiisi. Ai! ngarai maiqse kong lei! Namjaq ashe kra he wan tlo rong laq! Mongnam nok loi!