Luke 11:39 - Muklom

³⁹ Etho Teyhungwa aa piq thima batta, “Nim Phorisi tang, nim aa khung aa kok rangkho wang jaqhal eq qhol inn etharin nim tinmong na kaplap tinthin nia anaan wang shey aa.

ASII LAKDAP Bible (BSI)

³⁹ Kriikha miishe, Tatiwe raq apaiq ma akha chongkuqto, “Namshiq Phorisinok riika, namshiq kok alaq nai tak apin thun kriika, akii thun kriika siirai rai hea hetse tlan. Shatmaq, namtsan mong niika, ramok rachhai wa trangli sitlan. Kiimaq abi ati tiima tsantsii riili ama sitlan.

Hawa Naga Bible 2001

³⁹ Kvkhoc rvtueq Taungjix rueq tsuingshiq muex, “Nuimshiq Pharise nuk rueq panx nuiyc kok htenc kuex vtsec kox dvyx tvsawc vshuinx, yuq muinz nuimshiq vmungx kox nuex kuex yauk laungc yalawx, kvkax kvwax vnyvlc thuinz, honc vbac thuinz dvyx mvrc vtuinx.

Luke 11:39 Referencias Cruzadas

Matthew 15:19

Chammatakoi jashit tinthin, tikwat, sathuk etho irimal thaji jashit jaksom, hut hut, hut dip etho adak miq ma jashit raaq kot, iri tang raa tin mong wang thalat aa.

Matthew 7:15

“Alik rangsamal tang wang rangtun eq tong inn. Ning kelwut sa tang mal takhi eq nim relnáng thupha na, etha otho ning tin mong sha jashit inkaku tang mal hun.

Luke 16:15

Jesu aa ning ma batta, “Nim raa hun miqtang jakho o nim ni nim ma jaqhal takhi inn etharin Shkewa nim tinmong sha usam eq phin. Chammatakoi miqtang eq barima jaqhal tathin aa sha Shkewa chikrik aa.

Luke 7:13

Teyhungwa piq tha khi atho piq ma rapney tinshitta etho eshi nu thima batta, “Nak qhap u.”

Luke 7:19

Etho Teyhungwa ma iri raaq tang raa pit ma takat ta, “Ashey miq kaphana ta John aa batta tha nang raa i, tia adak ban siin i?”

John 12:6

Piq tangshit tang ma tinmat eq iri raaq raa bat moq angta, etharin piq ahut angta. Etho piq jakna ngin khak angta, etho eshi nginkhak thina chamtan ngin jin shingta, eshiwang urangma jinlat ta.

John 13:2

Rangja phaksat kam tho thangwa aa Simon Iscariot miqwasa Judas Iscariot tinmong tho Jesu tha thalot ma tinthin kota.

Acts 5:3

Peter aa piq ma batta, “Ananias, nang aa batin tha Thangwa ma tashey kot eq, Asang Tsija tha chamma dip tu etho haq thang amaan tha chamma shing tu?

Galatians 1:14

Etho nga i rol adak Jehudi tang phey náng eq Jehudi phong sho tacha lot eq chey táng etho í tey aa wa thong tang na thung atal kot táng.

2 Timothy 3:5

Ning ni ning hanngam ma tinmat na, etharin tarong sha chik na, ning jamoq nak karok raa inn.

Titus 1:15

Asang miqtang rangma phanrip sha asang, etharin tinan nia hanmoq tey rangma chamtho sang moq, ning thung nia ning tinthin thani sha anaan.

James 4:8

Shkewa relnáng thuphin etho piq tho nim rel náng kapha na. Nim ngarey miqtang, nim jak shi khol inn etho thung ahung miqtang, nim tin shi tasang inn.