Luke 11:13 - ASII LAKDAP Bible (BSI)

¹³ Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

Hawa Naga Bible 2001

¹³ Nuimshiq layx vbac jix rueq doc muinz miqmac saz muex vhvlx phvnx htenc kuq thenc ruiux yuq kuex, raungmungx wawc Vwaz rueq vpiq kox wawc thoz jix htenc muex Vsawc Siyac kuq shuex rvtueq!” ngoz tueq jungx tueq.

Muklom

¹³ Nim jashit ang inn jo tho, chamal eq jaqhal sha nim sa rangma aqhal sha kot ma nim aa usam eq inn, irimal ang ajo mungtan na tongtey nim Wa uchuk tey tang ma chamtan daqhan Asang Tsija kot na!”

Luke 11:13 Referencias Cruzadas

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

Tvtsvmc 51:5

Ngi ka irawü chhi ranaiq miiphü dongdii abi; inyung wok mong na kop wan pha akhing miiphü ngi ka ngaraikaü.

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

ISAIA 49:15

Kriikhaniishe Tatiwe raq tretlo, “Jechak nyung raq ase noshii ka milaqbaiq shea? apuk maq adong ase ka lungwii mak sha miraq? Anyung raq ase ka laqbaiq raümin, Ngi raq ümniika laqbaiq mang phan.

EJEKIEL 36:27

Ngi raq iwenyi ka namtsan mong niishe mithii kuqha. Kiimaq namshiq raq Ngi raq akuqha tri raütu thun kra nai aming thun kra langwan lanta siwan miitu she milii kuqha.

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Matthew 6:14

“Namshiq ma shutphittibi mra thun ka namshiq raq diikuq han jiila, ramungtan na siti nam We riimin namshiq mra thun ka midii kuq.

Matthew 6:30

Shiikeawe raq mangjong hiq raikhü ka atinkhan tsomhea pepü wiihii maq tiimiikhiiq tlo. Arka jaqlose miitu li. Ümchaü asi anap ka ashin she mirki. Ikha jiika, ümniima Shiikeawe raq khu akhea ka kuq sam mak shea miraq? Üm kamtsantsii ka jaro ran rai tla!

Matthew 6:32

(Thatsang maiqse tiina arthun ara miitu chapa wan tlo.) Namshiq ma arthun arka ra tlo nguta nam We ramungtan na siti raq asap.

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 11:12

Lo, namse raq wutai jaü raü jaq, phangkaü ka mikuq han sha?

Luke 11:2

Kiijiishe Jesuq raq tsangshiq ma akha chongkuqto, “Namshiq raq ümtiikiiwa achu jaü tlan akhing na, akha jaü ronglaq: ‘I We lei: Ümmang asii kli mishreng laq; Ümmungtan ka misaülaq.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

Acts 2:38

Kiijiishe, Petar raq tsangshiq bom ka akha treto, “Namshiq maiq loweatek raq, maiqmii ngarai ka tiidii wan raa tlo. Lanta, Jesuq Khristo mang na kham lam wan raa tlo. Kra riihan jiitiq, Shiikeawe raq namshiq ngarai kra midii kuq. Kiimaq, Shiikeawe raq akuq kongphiq Asii Wenyi kra namshiq raq milap han.

Romans 5:17

Riita, bomchong ka tengto. Maiq weshi Atam raq ngarai ka tangto. Raüta tsailam kilü ka tan wanto. Krai mren, atsai ningkun raq maiqse angu kunli ka jamsha wanto. Shatmaq, kra thaq na kaü raüta, ajong ahea pinthum ka, maiq weshi Jesuq Khristo pum lümaq kilü jonghea ashi she dikuq wanto. Kriika nü maq achong lot mai chang, jonghea pinthum she riito! Maiqse ümchu riiwa, Shiikeawe raq akuq wan, apaiq ramkhap wa asho awo achu shiiman kra lap wantaq, raüta Shiikeawe raq phe maq tsangshiq ka, apaiq rai wehea she nguta, ajam na tiidii wantaq, kriiti thun raq Jesuq Khristo pum lümaq, tsangshiq rilung na phanrap tang wan ruq raüta, srea nola rilung she misi wan.

Romans 7:18

Ngi raq asapha, ngi raq i han-ngam ningkun miika, ahea awa phan jaqsham kriika, sham wan lot mang. Ara jamkhano chongtiikang ngukla, i tsan mong na, ahea awa phan jaqsham kriidea sham hajaq, ngutiika tiima tiikang dea na. Shatmiitiq, ngi raq kra i jaq miishe, ara sham la ngutiishe tiima tiikang niika, sham lot mang she riiki tiikang.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.