Luke 11:13 - Hawa Naga Bible 2001

¹³ Nuimshiq layx vbac jix rueq doc muinz miqmac saz muex vhvlx phvnx htenc kuq thenc ruiux yuq kuex, raungmungx wawc Vwaz rueq vpiq kox wawc thoz jix htenc muex Vsawc Siyac kuq shuex rvtueq!” ngoz tueq jungx tueq.

ASII LAKDAP Bible (BSI)

¹³ Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

Muklom

¹³ Nim jashit ang inn jo tho, chamal eq jaqhal sha nim sa rangma aqhal sha kot ma nim aa usam eq inn, irimal ang ajo mungtan na tongtey nim Wa uchuk tey tang ma chamtan daqhan Asang Tsija kot na!”

Luke 11:13 Referencias Cruzadas

RAPHA HIQWA LAK 8:21

Yehowa rueq vhomc vtumc thuingc kuex raungc raq yaq rvtueq, “Ngaz rueq miq honc vyaungc ningkhvnc nuex yix maq mkaq muinz ghaq muex tuemc kuq shaungx rvmuq; miq kuex nosaz maq phuex honc vyaungc vbac kuex ngaz rueq tuiuz yaq. Ngaz rueq vtvraungx yungsuiuz yawxsaz htenc kuex majuiuc lauk vkhoc mkaq muinz laukshiz tvbac gay yek shaungx rvmuq.

Tvtsvmc 51:5

Ngaz jawx phuex raungnuiyq maq dvyx ngaz kuex honc bac yaungx vtaungx; inyuiuz wuk mungx maq phuex mvrax vhttax rvtauk.

TAKSU LAK 1:23

Mnoz muex ngaz rueq tvtharc phaungx yuq tay shuinz, mnoz muex ngaz rueq tharc vhvlx jungx kuq ruiux, ngvy phaqjic kuex phvlx kuq phaungx.

ISAIA 49:15

Rvkoq tueq Yehowa rueq tvralc tueq kuex, “Yalxjuik nyuiuz rueq vsaz noshawx kuex lauk gay ruiux piq rueq vjawx nox kuex lungwawx muq haz rvshvnx? Vnyuiuz rueq vsaz kuex lauk gay ruiux doc muinz, ngaz rueq mnoz kuex mkaq muinz lauk gay phaungx rvmuq.

EJEKIEL 36:27

Ngaz rueq nuimshiq nuex ngvy siyac htawc kuq phaungx, kvkaq nuimshiq kuex ngaz rueq nvr phaungx kvjaz htenc phvnx tvhungx vtueq ngvy tvrac lotlaz kuex phvnx wuez shuinz.

Yoel 2:28

“Kvruex yimaq ngaz rueq miq ruip rawx htauk nuex ngvy Siyac kuex ruiuc kuq shaungx: msaz miqwaz yalxjuik sahez rueq ngvy bomjungc kuex jungx kuq shuex; nuimshiq nyuiuz waz rulx rueq maung maq maung shuinx, nuimshiq yalxrox bix rueq romzyac tvkhic khiz shuinx.

Matthew 5:16

Kvrulc rv-ngvlc nuimshiq rueq vhvlx lvmx phvnx vshuinx kuex miq rueq khiz lvp vtueq, raungmungx nuex httax yaq nuimshiq Waz muex mtvtsvmc kvmc kuq shueq, tsuingshiq htumc nuex nuimshiq raungwuic kuex tvwuic kuq shuinz.

Matthew 5:45

Kvkhoc ngoz ruiux yuq, raungmungx nuex httax yaq nuimshiq Waz vpiq saz muex yaungx lvp tuinx, yvmx khoc lac ngoz ruiux lec miqhvlx nuiyc miqbac lotlaz khux htauk nuex vpiq shalx tvkawc kuq yaq, vhvlx yauk shuimc jix nuiyc vbac yauk shuimc jix lotlaz khux htauk nuex raungx tvyunc kuq yaq.

Matthew 6:14

“Nuimshiq kuex miq rueq nuimshiq muex vyaq gay mvrax htenc kuex dawc kuq gay ruiux yuq, raungmungx wawc nuimshiq Waz rueq nuimshiq mvrax kuex dawc kuq kv-phuinx.

Matthew 6:30

Tishox muex kvmluimx thuinz hungx muq jix lex, majuiuc raungnuiyq httax ruiux invp raungnuiyq kuex wvr nuex jauk gay yaq, yaruix rumz wawc httuingx jungx muex Tishox rueq kvkhoc tvsvmc kuq ruiux kuex, kvruex htauk nuex jvnc vtueq nuimshiq muex tvsvmc kuq shuex rvmuq haz?

Matthew 6:32

(Vruex lvmz htenc kuex Tishox muex kvmluimx muq pungmungx miqsaz rueq rvwvlc tvmaung yaq lvmx rvtueq.) Kvruex phvnx htenc lotlaz nuimshiq rueq roc vshuinx kuex raungmungx wawc nuimshiq Waz rueq tuiuz yaq.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Luke 11:12

Rvmuq ngoz ruiux wutiz thoz ruiux kelthvp haz kuq yaq nguinx?

Luke 11:2

Yesu rueq tsuinghez muex, “Nuimshiq rueq vjux thoz ruiux yuq vkhoc thoz shuinz. ‘Iwaz lex: Mmuingc vsawc kuex mtvtsanc nganc wuez shueq; Mmungtan kuex mhttuiuc wvnc kueq.

Luke 18:7

Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

John 4:10

Yesu rueq, “Tishox rueq vkuq kejux yauk noalc kvmuinz, mnoz kox wawc vnuingc juing yuix thoz jix waz kvmuinz mnoz rueq tuiuz ruiux yuq, mnoz rueq vpiq kox wawc thoz ruiux, vpiq rueq mnoz muex rullungx tvraungx juing yuix kuq kv-phux,” ngoz tueq tvralc tueq.

Acts 2:38

Peter rueq tsuingshiq muex, “Nuimshiq miq pumz tek vtueq miqmac mvrax httax yaq kvwawc kvroz wvnc vtueq, nuimshiq mvrax mdawc kuq shueq nuimshiq miq pumz tek vtueq Yesu Christu muingc maq yuix luip lvmz wuez shuinz; kvkhoc ngoz ruiux jix Vsawc Siyac ngoz yaq Tishox yauk mauk kuex nuimshiq rueq lvp wvnc wuez shuinx.

Romans 5:17

Miq washiz yaq wvnc tueq mvrax ningkhvnc nuex vthueyc vmvy rueq guimz juing yaungx wvnc tueq kuex vsuing rvtueq. Yuq muinz vganc washiz ngoz yaq Yesu Christu rueq shuimx wvnc tueq yauk shuimc kuex vjux kuex mtanc lac yungx luz yaq nguinx! Tishox phungc yungx rungc yungx kejux kuex lvp wvnc vtueq vpiq rueq tvtsuing tvrux kuy rvhumc wvnc jix lotlaz kuex Christu nuex rullungx tvraungx vtueq guimz wvnc wuez shuex.

Romans 7:18

Ngvy gvnngvmx thuinz nuex vhvlx phvnx vguez lvmx kuex ngaz rueq tuiuz vshaungx. Yvmx khoc lac ngoz ruiux lec ngaz rueq honc vyaungc vhvlx kuex phvnc roc thuinz httax ruiux muinz, ngaz rueq kvruex shuimx lot mauk.

Romans 8:32

Vsuing Tishox nuex kvkhoc kuex rvmuq, vpiq Saz doc muinz khvnnyvnx muq maq naungshiq lotlaz tvkoc shomc kuy jix Tishox rueq httax yaq lotlaz kuex naungshiq muex kuq muq maq dvyx httax tuex haz?

Titus 3:3

Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.