Luke 10:28 - ASII LAKDAP Bible (BSI)

²⁸ Jesuq raq treto, “Riikhaqli. Ara chong tlaü ara klolaq. Haü la, pattup pat-sa tsitsü ka milap haü.”

Hawa Naga Bible 2001

²⁸ Yesu rueq, “Mnoz rueq jungx vshuiux kuex rvkhauk laz rvtueq, mnoz rueq kvkhoc phvnx ruiux yuq kuex rullungx tvraungx lvp wvnc shuiux,” ngoz tueq tvralc tueq.

Muklom

²⁸ Jesu aa thawel batta, “Nang raa khakla; irimal somlo u etho nang utong angnu.”

Luke 10:28 Referencias Cruzadas

NEHEMIA 9:29

Ümniiraq tsangshiq ma phaqthak nithak, ümtri khong na, siwan ronglaq nguta ümtin khan wa, trantsii wan laü. Shatmaq tsangshiq shiikong tsantsii asi kha maq, ümniiraq akuq haü thungtri, rilung tsitsü raü kra, lang mak maq shipoq wanto. Tsangshiq ka nilan, tsangtsantsii ka wan shak shak. Tsangshiq raq ümbomtsi ka, lang wan mak riito.

TAKSU LAK 19:16

Shiikeawe aming langti, rilung alu misi. Langmakti rilung atoq miraq.

EJEKIEL 20:11

Ngi raq tsangshiq ma Ngi aming thun kuqkang. Lata jurwa langtlaqti ma rilungketi itri raütu thun kra shrinkuq kang.

EJEKIEL 20:13

Shatmaq tsangshiq riika kra kumtsaiphii rumnyangkhi mung miimin lanlaqlaq ikiq khü wanto. Tsangshiq raq ithungtri raütu thun kra jin wanto. Kiimaq Ngi raq akuqha iming raütu jurwa langtlaq kriiti ma rilung tsitsü keti thun kra wiita shishe baiq wanto. Tsangshiq raq Asii Niitiitsak Ranaiq tri ka tiisiirai tiisheshi baiq wanto. Ngi raq tsangshiq ma itsankhiq walü heng kra kumtsaiphii mung kiijaq tiichhi kuqla lata tsangshiq ka tiisiirai tiijiimbaiqla nguta tiima kang.

EJEKIEL 20:21

“Shatmaq kriipatti mungmaiqse riimin lanlaqlaq ikiq ka khii wanto. Tsangshiq raq itri raütu ka jin wanto. Kiimaq Ngi raq akuqha aming raütu, thun, jurwa langtlaq kriiti ma rilung tsitsü keti aming thun ka lang mak shishe baiqto. Tsangshiq raq Asii Niitiitsak Ranaiq ka atiishe shi riiwanto. Ngi ka itsankhiq walü nyaitlaq kra tsangshiq khuthaq na kumtsaiphii mung maq chaqbaiq laq nguta tiima wan kang. Lata tsangshiq ka jiipbaiqlaq nguta tiima kang.

LEWI 18:5

Ngi raq jamkha singa chang ngutiiwa chongkuq kang kra phan phan sirong laq. Kiimaq Ngi raq namshiq ma Thungtri kuqkang kra lang lanta sironglaq. Ümniiraq ara lang haüla ümrilung ka mitiichhii haü. Ngi ka Tatiwe.”

Matthew 19:17

Kiijiishe, “Ümniiraq ngi ma ahea lamlu ka jaram wa waitlaü?” nguta Jesuq raq treto. “Shiikeawe kli maiqshaq. Ümniiraq rilung lap ro tlaü jiika, aming thun ka lang laq.”

Mark 12:34

Jesuq raq abom tre atengwiq kra chhi raüta, “Ümniika Ramungtan na saüwa nam nam she,” nguta nguto. Arjai miishe ka jurmin Jesuq ma bomwai ka khumak she riito.

Luke 7:43

“Ngi raq tiima kla, thiitham apa mapkuq tiiwe raq milungwii sham,” nguta, Simon raq treto. “Ümniiraq ngulaü ka riikhaqli,” nguta Jesuq raq treto.

Romans 10:4

Ara jamkhano chongtiikai ngukla, ümchaü sanha, Khristo raq Thungtri lamphan ka atiisup shat wan wishe. Krai mren, ümchaü sanha, jurwa Shiikeawe ma kamtsantsii thü tlaq, kriiti ka Shiikeawe raq kechu maiqse she nguta, apaiq rai wehea miishe shram wantlo.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

Romans 7:10

Raüta, ngi ka atsai she riikang. Kiimaq, ngi ara atra maq siwan miitu akuq wan, thungtri aming kra raq khoti, ngi arma, tsailam kilü kra khoti dikuq wanto.

Galatians 3:12

Shatmiitiq, Thungtri riika, kamtsantsii rai pong dam chang lam ahü. Asii bomtsi na, “Jurwa phanrap phanrii ka, Thungtri raq jaü tlaq kra phanphan, akhiismin tiishut mak maq sham tlaq, kriiti kli atra misi lot,” nguta chongtlo.

TRI CHONGKE 6:24

Kra raütiishe Tatiwe nashiq Shiikeawe raq nashiq ma arthun aming raütu ara lang lanta shong nga rong laq nguta aming kuqto. Kiimaq apaiq ka shreng rong laq nguta aming kuqto. Krai mren, nashiq ka apaiq aming wokhong na shong nga hai jiila, apaiq raq na mung arka khebom kuqshat miraq. Kiimaq namung ka chiithe lüwa mitiija wan.