Luke 10:27 - ASII LAKDAP Bible (BSI)

²⁷ Kiijiishe, “‘Tati Shiikeawe ka ümtsan ümmong wiita maq, ümtsaiji wiita maq, ümningkun wiita maq, kiimaq ümkhu tsai wiita maq lungwii laq.’ Kiimaq ‘Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,’ ” nguta chongtlo, nguta kriiwe raq Jesuq bom ka treto.

Hawa Naga Bible 2001

²⁷ Kvruex waz rueq, “Taungjix m-Tishox muex mthuinz vmungx lotlaz maq, mrullungx wvlex maq, mhungc vlaungc lotlaz maq, mthuinz vtharc lotlaz maq lungwawx shuiux rvtueq, kvmaq m-yuimx phic yuimx phaungx waz kuex mshauk gvnz rulc rv-ngvlc lungwawx shuiux,” ngoz tueq tvralc tueq.

Muklom

²⁷ Eshi miqwa aa batta, “Nim Shkewa Teyhungwa ma nim thaji tin wang, thaji tsija wang, thaji tarong wang etho thaji thung wang tinmat inn; etho nang aa nang ni nang ma chamal tinmat u himkhung thaktey ma tho eshimal tinmat u.”

Luke 10:27 Referencias Cruzadas

LEWI 19:18

Maiq ka ju jaq wiimin ümphuk naq lamkiq. Riimakla apaiq ka ngeng wan ruq ka naq ngengkiq. Shatmaq ümkhum ka ümniiraq jamkho lungwiitlaü kiikha ümjam thoti chiiti kra lungwiilaq. Ngi ka Tatiwe.

Matthew 19:19

ümnyung nai ümwe ka shreng laq. Kiimaq üm jamthoti chiiti ka ümkhum jamkho lungwii tlaü kiikha lungwii laq.”

Luke 10:26

Kiijiishe, Jesuq raq treto, “Asii bomtsi na jamlai wa chongtla? Kra ümniiraq jamkho tak tlaü?”

Romans 13:9

Thungtri aming thun na akha chongtlo, “Maiqchak rai naq sra rongkiq; matwe ma naqja rongkiq; ahuk naqja rongkiq; maiqhup maiqsam chhi lanta, naq sü ram wan rongkiq.” Riita, ara chongtlaq aming thun nai aming ahin sitlaq kra thun kriika, aming ashi na siisaq li sup wan tlo. Ara chongtiikai tarü aming thun bomtsi kra tiiku wan chang aming sitlaq kriika, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,” nguta chongtlo.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

TRI CHONGKE 10:12

Mosheq raq Israilnok ma nguto, “Ümchaü min, Israilnok lei, Tatiwe namshiq Shiikeawe raq namshiq jamkha shong nga chang ngutiiwa chongtlaq kra tai ronglaq: Tatiwe ka shomnoq ronglaq. Kiimaq apaiq raq aming kuqtlaq thun ka tlotli lang ronglaq. Apaiq ka lungwii ronglaq. Lanta apaiq kli nam tsan nam mong wiita kuq lanta shiili ronglaq.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

TRI CHONGKE 6:4

“Israil lei, ara tsan na tiitsang laq! Tatiwe kli dongdii nashiq Shiikeawe ka.

TRI CHONGKE 6:5

Tatiwe ka üm Shiikeawe ka tsan nai mongjii wiita kuq laüta, üm tsaiji wiita kuq laüta, kiimaq üm ningkun wiita kuq laüta lungwiilaq.

Hebrews 8:10

Riita ija, ümchaü sanha, Ngi raq rawiichii ji na Israilnok ka, I tongshong anye miishe mitiiham nong ha. Arka, Ngi Tatiwe raq chongtiikang. Ngi raq I thungtri raütu thun ka, tsangshiq khutsai na mithii kuq ha, Kiimaq tsangshiq tsan mong na miwaiq kuq ha. Lata, Ngi ka tsangshiq Shiikeawe ma mija ha. Kiimaq tsangshiq ka I sengi ma mija.

James 2:8

Ara chongtiikai arkha maq, Asii bomtsi na chongtlaq, Ramungtan Thungtri aming ka namshiq raq lang lanta si han jiila, namshiq ka tingting maiqse ma mija han. Kra chongtiikai aming ka ara, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq.”

1 John 3:18

I setiim lei, nashiq liipan na riilung riiwii maq sitiikai ngutiika, na nübok maq lamlam se li tiitsaki rai raü ka hong mak. Nashiq liipan na lungwii tsantsii rümtiikai kriika, awongsii lungwii tsii rüm chang. Arka nashiq raq jaqsham maq tiichhi laita sichang.