Jude 1:3 - ASII LAKDAP Bible (BSI)

³ Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.

Hawa Naga Bible 2001

³ Ngaz rueq lungwawx vphaungx kungjix bix lex, naungshiq lotlaz rueq lvp wvnc tiq palc daungc wvnc lvmx kuex, nuimshiq kox nuex wuiyq tvlvy muex ngaz pinhtumc hunglaungx wvnc tauk nuex, Tishox rueq vpiq miqsaz htenc muex pattup laung nuex lauk shiz lvmz maq kuq gay shec tueq kvmluimx lvmx tvkoc tvhttoarc vtueq tvkhup wungx wvnc juing lvmx kuex nuimshiq kox nuex lauk shiz lvmz maq hunglaungc kuy tvhonc tvtharc rax yaq kuex ngaz rueq khiz vshaungx.

Muklom

³ Inoknu nia wa tang, nga nim ma eshi lunwan tung aa raa bara hiqtang aa phal i, iri tung aa raa wit ma rapney tathin táng, etharin Shkewa umiqtang rangma tahom kotta eshi kam rangma tharal inn ta tharong bat eq wit ching ta tathin ang.

Jude 1:3 Referencias Cruzadas

NEHEMIA 13:25

Kra ningkhan, ngi raq tsangshiq awere thun ka, phanrap ma tsat son kang. Lata, tsangshiq khuthaq na manson kiqsü she riikang. Lata sintsang maq tsat kang, kiimaq tsangkhushü maq hit-hihi hitkang. Latiishe, ngi raq, tsangshiq ka Shiikeawe mang na, tsangshiq riilo, riimak la, tsangsetiim jiimin, pongmung maiqse rai khesea riija klo wan maimak she nguta, tsangshiq ma tumkham tiinyang kang.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

JEREMIA 9:3

Tsangshiq ka wranaiqshe arot akiq chongtikong; mung na tingting chong rii na ajok aliiq kli chongtlo. Tatiwe raq ngutlo, “Isenginok raq phanshi abi klojai maq abi phanshi maq tiipatlo, kiimaq tsangshiq raq ngi ka tsang Shiikeawe nguta sap mak.”

Acts 17:3

Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.

Acts 18:28

Apaiq raq nokwe man na achaq awaq maq traho bom chong ke lam maq, Jehudinok kiq ka tiingii baiqtlii maq khii wanto. Raüta, Asii Bomtsi wa sidi chong raüta, Jesuq kiidea Khristo nguta tri ka kholam kholiiq maq rairai riirii she chongkuqto.

Acts 20:27

Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.

Acts 28:28

Kiimaq Paul raq abom ka, “Riita ümchaü sanha namshiq raq arshe sap wan ronglaq. Shiikeawe tiichhii wan tsütsa ahea kriika, Pongnok phan maiqse miishe michong kuq wan. Tsangshiq raq tsütsa ahea kra mitai!” ngutiishe abom chong kra shatto.

Acts 4:12

Maiqse chhiiti ka apaiq kli. Ra raq aham mangjong hiq raikhü na, Shiikeawe raq apaiq kli nashiq chhii wanti we nguta tiikito. Apaiq tlea raüta, ahin ka jumin ahü she.”

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Acts 9:13

Kiijiishe, Ananias raq treto, “Tatiwe, nanok pahea raq, ngi ma arwe arka abi pinthum nguta chongtlo. Kiimaq apaiq raq, Jerusalem na siti ümsengibi ka pinthum phiiptsi jiiptsi tiichamchaotlo nguta tai tiikang.

Acts 9:22

Shatmaq, Saul raq Damaskas na siti Jehudinok ma apaiq traho bom chongke kriika, achaq awaq maq hakhi tiichhi kuq raüta chongkuqto. Kiimaq apaiq raq Jesuq kiidea Khristo nguta tiitho tiipha chongkuqto. Krai mren, Damaskas na siti Jehudinok raq apaiq kiq ka poshi min khii lot mak riito.

1 Corinthians 15:3

Ngi raq Shiikeawe jaq wa akhek pinthum bomtsi lap wan kang kra, namshiq ma chongkuq kang she. Asii bomtsi na Jesuq Khristo ka nashiq ngarai ara tiisiike kai miitu tsaito nguta waiq thüto.

Galatians 2:5

Shatmaq, namshiq miitu, tengman tlaq Tsütsa Ahea bomtsi ka awongsii thü wan miitu, naishiq raq tsangshiq kiqtsi na akhiismin shonbii wan mai riikai.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Galatians 6:11

Liimanta, ara laktsi ajong alu maq, I jaq maq waiq lata, namshiq ma tiiho wan tiikang.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

TRI CHONGKE 21:9

Krai mren, Tatiwe raq ümniima jamlai aming wa kuqtaq kra klo haüla, kra mat kha miitu ümdü na mra ahü she miraq.

TRI CHONGKE 9:10

Kiitiikaq Tatiwe raq kongkhuji maq namshiq ka pumji chong na tiithung raüta, kra ranaiq apaiq raq namshiq ma walütu mong maq jamlai bom wa chongkuqtaq, kra bomtsi ka apaiq jaq maq longpen dam anai na waiq raüta ngi ma kuqto.

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Colossians 1:2

Shiikeawe sengi Kolosia na siti, Khristo rai pumshi maq tsapkapkap siti naishiq phunainotiim ma: Na We Shiikeawe raq namshiq ka kaphap shat maq hansang maq mirümlaq.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

1 Timothy 1:18

I se Timothi lei, ngi raq ara arang arka ümjaq niishe thaq tiikang. Arka Shiikeawe shammibi raq man na, ümniimiitu riisham bom maq chongkuqtaq kra tiiphanphan, ümchaü ara ümjaq niishe likuq wan tiikang. Riita kra ümniima kuq wantaq bomtsi thun ka, ümniiraq chuntsi nyiimwin ma shiitai laüta srea nola ikha re ka khat wan lili riilaq.

1 Timothy 6:12

Nashiq kamasham rilung lamphan arka, aju riilong ikha. Arkha maq, ara kamasham rilung ju riilong na, samhea shiikut laüta julili riilaq. Laüta, ümniiraq pattup pat-sa rilung tsitsü poksi kra lap wanli chang miitu, shiichaq wan ruq ju laq. Shiikeawe raq ümniima ara poksi ara mikuq ha nguta, ümniiraq nokwe man na, Shiikeawe ma kamwan laü akhing ranaiq na, kiq kham raüpot khakuqto she.

2 Timothy 1:13

Shrawe ashi raq nanok ma tengtlaq bomtsi ka jamkha trahoke chang wa, kiimaq jamkha shrinke chang wa, kra jaqsham ka ngi raq ümniima tlang kuq kang she. Ümniiriika i jaqtho lap laü she. Kra kha maq, kra phanphan sham wan lili riilaq. Jesuq Khristo pum lümaq tengteng kamtsantsii, nashiq ma kuqtaq, kiimaq lungwii tsantsii kuqtaq kra arang samhea tiipha laüta tiicham laq.

Titus 1:4

Ngi raq, Titas ma waiqtiikang, apaiq ka ngi ma kamasham na i se shaq. Ara kamasham arka nainai wiita ma taro hupsam. Shiikea Awe raq kiimaq nashiq Chhiiti Khristo Jesuq raq ümniika kaphap shat kiimaq hansang maq mithülaq.

Hebrews 13:22

Phunainotiim lei, ngi raq ara namshiq ma, tsaido jido kewan tsii chongke bomtsi waiq kang ara, tsan achhii maq tiitsang tai han jaq ahea miraq nguta, tiitai tiikang. Ngi raq namshiq ma, ara lak waiq kang arka, atoqse miili waiq kang.

Hebrews 6:9

Riita, lungwii phunainotiim lei, ngi raq namshiq ma akha bomtsi atsin wiq maq waiq wan ha jiimin, ngi ka namshiq miitu tsankhun maq sitiikang. Ngi raq asapha, namshiq ka ümchaü lam niishe, tiichhii wan lamphan phan wa tlan.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

Jude 1:1

Ngi, Jud, Jesuq Khristo jaqshise, kiimaq Jakob ma ano raq-- Shiikeawe raq ahea arwan maiqsetiim ma, juwa Shiikea Awe lungwii wokhong na nai Jesuq Khristo tiiwong na siti ma tiiho wan tiikang:

Jude 1:17

Shatmaq, phunainotiim lei, Tati Jesuq Khristo kiimwebi raq, man na namshiq ma jamlai bomtsi wa chongkuqtaq ira, tsan na tiitsang shat thü rong laq.

Jude 1:20

Shatmaq, lungwii phunainotiim lei, namshiq riika, namshiq asii kamtsantsii rilung jam hai wan kli shiichaq wan ruq sironglaq. Asii Wenyi ningkun maq achu jaü lantli sirong laq.

Revelation 12:11

Tsangshiq raq apaiq ka Skuse tiijai maq nai, tengteng bomtsi chongkuq wantaq kriimaq tang wanto she. Tsangshiq raq atsai ma kham raüta, tengteng bomtsi ka chongkuqto.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.