JOSHUA 7:6 - ASII LAKDAP Bible (BSI)

⁶ Kriikha niishe, tsanbi hosi tsi nin wan lot mak she raüta, Joshua nai Israilnok maiqlare nyungwere thun kra, tsangdü na asam khu akhea kriimin chaiham chaihea raüta, Tatiwe Tongshong Tek khaki na hiq na bumrang achu jaü hoqsii trang wanto. Raüta kiijaq ranap chu maq riita raji na saüli, tsangkha kam na botkhulai maq nyat raüta tsanbi hosi tsi ma akap atsea hoqsiqto.

Hawa Naga Bible 2001

⁶ Yoshua nuiyc Israel miqsaz vyungx vlaungx bix htenc kuex thuinbac yonzyex vtueq miqmac khvy htenc kuex juir gay ruiux, Yehowa Bomkhvrc Jep kvlc nuex woalc ruiux, tsuinghez khux nuex bokkhuyx maq wuinc vtueq raungx tvyac laz yonzyec lvmz tvkhic tueq.

JOSHUA 7:6 Referencias Cruzadas

RAPHA HIQWA LAK 37:29

Kiimaq ümtiikiiwa Reuben ka khappong na jangwa raüta liikiita, Joseph ka kiijaq ahü riito. Kra ningkhan apaiq raq adü na asam khea kra atsan bitsi ma chaiham chaihea she chai baiqto.

RAPHA HIQWA LAK 37:34

Kiimaq Jakob raq atsanbi tsi ma adü wa khea kra chaiham chaihea chai baiqto. Raüta wunthaü riinaü miirii ka samto. Raüta ase maaho rahiq luhea hoqsiqto.

2 SAMUEL 1:11

Kra tai raüta atsanbitsi ma Dawit raq adü wa miirii ka chaiham chaihea chaibaiqto. Kiimaq asengikong riimin, tsang tsanbitsi ma tsangdü na samtlaq khea ka kiikhiisii chaibaiqto.

2 SAMUEL 1:12

Tsangshiq ka Saul nai Jonathan, kiimaq Shiikeawe sengi Israilnok jiimraitaq kra miitu majo, kra ranaiq ka ratiijili amang maq siraüta maaho manyi hoq trangto. Jamkhano ngukla re na maiq pahea jiimto.

2 SAMUEL 1:2

Kriimaq napjai ranaiq na, Saul piitiip wa jerowe ashi saükito. Kriiwe raq atsanbitsi dea nguta tiichhike miitu adü na asam khea kra achai riito. Kiimaq akhupo na hiq maq nyatto. Raüta apaiq ka Dawit phana wato. Raüta hiq na ku saq raüta, Dawit ka shreng noqto.

2 SAMUEL 12:16

Dawit raq no ka heaki raüjaq nguta Shiikeawe jaq wa achu jaüto. Apaiq ka jam min phaqsiq mang nguta, amang miili she sito kiimaq wiira watek, akhok mong na wa raüta, wiithung niili bumkitlo.

2 SAMUEL 13:19

Apaiq raq tapkhu ka ajaq na hin raüta, akhakam kiijaq nyatshatshat she nyatto. Kiimaq adü na asam junrii wahüse miirii kra chaiham chaihea hea raüta, atok ka hiq nü na kushat miishe ajaq maq amak phang shat miishe aho gushgu lam miishe kihoto.

2 SAMUEL 13:31

Kra tai raüta, hokhamwe ka tiidopot riito. Raüta adü na asam miirii kra tsanbi hositsi ma chaiham chaihea chaibaiqto. Raüta apaiq ka hiq na bumki tlii riito. Kiimaq asengibi thun kiijaq apaiq rai asiti thun riimin tsangdü wa miirii thun ka chaiham chaihea chaibaiqto.

2 HOKHVMX 22:11

Hokhamwe raq kra lakdap ka apaiq ma phatkuqtlaq kra tai raütiishe, apaiq raq adü na asam khea kra tsaihü jihü maq chaiham chaihea she chaibaiqto.

2 KAÜWA WERAÜ 34:19

Riita hokhamwe raq kra lakdap phat kuq tlaq kra tai raüta, apaiq raq adü na asam kheatong kaü kra tsaihü jihü she chhai baiqto.

EJRA 10:1

Ejra ka akha makphai khüshang, aho anyi lam maq Shomjam rinkea na bum raüta ara chongtiikai ngarai thun tiidii wan achu jaürea riito. Kra bala niili, Israilnok mungmaiqse ka maiqwere, jechakre, kiimaq nosere phong apaiq tro na riitam wanto. Raüta tsangshiq tarü pinthum aho anyi watrang liishe hoqsii wanto.

NEHEMIA 9:1

Kra jipi lü na sii hali, raroqnai ri rablai ranaiq na, Israilnok ka adam na thung nongto. Raüta, tsangshiq ngarai miitu shutkai dea nguta tsanbi tiichhi mra tiidii dungsea achu jaüto. Kra akhing na, tsangshiq ka pongmung maiqse phong wa pong na atiitsea wan wishe riito. Raüta, makphai khüshang maq, tsangshiq khakam na botkhulai maq tiinyat raüta, kiimaq wunthaü riinaü thoila sam raüta, ngarai tiidiito. Raüta achap lam maq tsangshiq ngarai ümchu wa tang wantaq, kiimaq tsangtitiim pat na ngarai ümchu wa tang wantaq thun kra wiita tiidiito.

ESTHAR 4:1

Mordekai raq matraü ka shunto she nguta tho heraüta, tsankhiq bisi tsihea kha maq adü na asam akhea kra kholam kholiiq chaihiiqhiiq chaito. Raüta wunthaü riinaü khea sam raü, akhakam na tapkhu maq nyat raüta, agi asii, aho lülüshe chela mong na khumshkhum kihoto.

ESTHAR 4:3

Hokhamwe aming nai tri raüpot kuqtaq kra, ümriibaba niiwa saü wantaq, kra wangtek thun na Jehudinok phan ka aho asii watrang lishe riito. Tsangshiq ka amang maq aho asii walam maq, agilülü achu jaü wanto. Kiimaq tsangshiqnok apako riika wunthaü riinaü khea sam raüta, tapkhu maq khakam na nyat raüta sito.

YOBA 1:20

Kiijiishe Job ka tiidopot chapto kiimaq atsanbitsi ma adü wa akhea ka chaibaiqto. Raüta akhu ka loktam sibaiqto. Raüta hiq na kusaq bumkito.

YOBA 2:12

Tsangtsam raq Job ka alu wiq miili chhito. Shatmaq apaiq sham ka tiitsang mak dea riito. Kiimaq tsangtsam raq asham ka tiitsang raütiishe tsangtsam ka agi asii watrang liishe hoq tranghoto. Tsanbitsi ma tsangtsam dü wa khu akhea kra chaihea hea raü tiishe botkhulai ka ra na wan rang rang raüta, kiimaq tsangtsam khupo na phongtsoktsok raütiishe hoqtrang wanto.

YOBA 42:6

Arkha na ümchaü ngi ka ümchuwa bomrai kang kra miitu jeasi she kra ningkhan botkhulai nai tapkhu maq tiinyat lata imra tiidii tiikang.

AJONJÜ 2:10

Jerusalem wa nyungwere kaiqshakshak maq, hiq na ngaraqraq, tsangkhu na botkhulai tiinyat raüta, wunthaü riinaü khea riijob sam raqraq. Junriire ka tsangtok hiq na kuraqraq.

WEAWEA 14:6

Kiimaq Nun se Joshua kiimaq Jephunne se Kelib, siwe wiinai raq tsangnai dü wa khea ka tsangnai tsanbitsi ma chai hea hea she chaito.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 16:45

“Namnai ka arkong artho wa jai nü kiina chap ronglaq. Ngi raq tsangshiq ka ümchaü li arjaq mijiip baiqha!” Kiijiishe tsangnai ka hiq na bum rang she bumkito.

Acts 14:14

Kra tiihongtha nguta mungmaiqse ka riishun nyiim rai tlaq kra Paul nai Barnabas riishe tho ka heto. Raütiishe, tsangnai raq tsangnai dü na asam khea ka chaihea hea raütiishe, tsangshiq phong mong kiina juraüta, tsangshiq nangnga akha riikhiq ngarai ka naq tang rongkiq nguta, agi asii lam miishe, jaqkhaü jinaü raüta, tsangshiq ka akha ngutiishe tiiwinto.

JOSHUA 7:7

Raüta Joshua raq akhiishe achu jaüto, “Ajong Pinthum Tatiwe le! Riita, ümniiraq naishiq ka ara Jordan rai reko na jaramli wa sheawan laü? Naishiq ka Amoraiqnok jaq na kiinongkebaiq miishea shea wan laü? Naishiq ka ashthen baiq miitu shea? Riita, naishiq ka Jordan rai reko niili jamto simai riikai?

Revelation 18:19

Tsangshiq khakam na botkhulai maq nyat raüta akha hoq trang wanto, “Ngalai, phiiptsi chang! Ara chela ajong ka maiqphiip maiqjiip khiim phaqto! Ara chela raq khamjong lam maq mokkiitu maq khum raüta, apaiq rai laopan jawanti bi pahea, apaiq rai piikiiti chiithe lüwa ma tiija wanto. Apaiq ahata khamjong lam maq mokkiitu maq khum raüta apaiq phana piikii wati laopanbi thun pahea chiithe lüwa ma tiijati ira! Kiitinkhan chiithe wa shatmaq, narishi liipan niili she, atsiiq anyam miqchup she thento!”

PHOWEBI 11:35

Apaiq raq ase ka chhi raüta, ahositsi nai atsanbitsi ma, adü na asam akheatong ka chaihea hea she riito. Raüta akha nguto, “O, ise loi! Ümniiraq itsan she tiibun baiq laü! Ümniiraq lala imongjii ka jamkho tiibun baiqho laü? Ngi raq Tatiwe ma sinkham kuq kang she, kriika diibaiq lot mangshe!”

PHOWEBI 20:26

Kiijiishe Israilnok thun tlotli ka Bethel na wanong raüta, maaho manyi hoqsii trangto. Tsangshiq ka kiijaq Tatiwe man na raji na saüli, dung min simak ngato. Tsangshiq raq rintii honglu wiijam takuqto kiimaq wiipumtam maq wa na chaqtlii honglu thun wiitarü Tatiwe ma kuqto.

PHOWEBI 21:2

Kra raüta Israilnok ka Bethel chela na wawanto. Raüta tsangshiq ka kiijaq Shiikeawe man na ratiijili ngato. Raüta maaho manyi tiihong raüta tsan tsihea maq akha hoqtrangto:

1 SAMUEL 4:12

Benjamin phan wa maiq weshi ka rekhat rü maq ju raüta, Shilo na kra ranaiq niili saüto. Apaiq tsanbi hosi tsihea kra tiichhi miitu, adü na asam akhu akhea ka chaiphaiphai chaibaiqto. Raüta akhupo na hiq maq nyatto.