JOSHUA 5:9 - ASII LAKDAP Bible (BSI)

⁹ Kra akhing na Tatiwe raq Joshua ma akha nguto, “Ümchaü ranaiq ngi raq namshiq khuthaq na Ejip mung na dise rilung siwan lan kharii mro thoda ka lambaiq kang she.” Kra ningkhan na, kra hiq ba mang ka Gilgal nguta mangto. Kra hiq mang ka ümchaü min kriili.

Hawa Naga Bible 2001

⁹ Kvruex yimaq Yehowa rueq Yoshua muex ngoc, “Ejip mungx nuex nuimshiq miqyvlc vsac dax muex yaungx wvnc tuit wawc, ngaz rueq nuimshiq kuex majuiuc raungnuiyq tvdung wvnc phaungx,” ngoz tueq jungx tueq. Kvkhoc rvtueq kvruex baung kuex Gilgal ngoz tueq muingc taq tueq.

JOSHUA 5:9 Referencias Cruzadas

RAPHA HIQWA LAK 34:14

Tsangshiq raq apaiq ma nguto, “Naishiq raq naino ka atho hanhüwe miika tiiwalot mai. Kriika naishiq ma jea tiingaü miraq.

2 SAMUEL 19:15

Riita hokhamwe ka ajang wan awarai Jordan rai niishe Juda mungti raq humkito. Tsangshiq ka Gilgal chela miishe jürai kra tiijinkai asaüho riito.

NEHEMIA 12:29

Kiimaq, Bethgilgal, Geba, kiimaq Ajmaweth chela thun tro wa, riichom hea wanto.

Tvtsvmc 119:39

Ngi raq jea ngaü jiiqla nguta haitiikang kiiwa ngi ara chhiilaq; ümniiraq tri raütu shamtlaü ka pinthum amaochang thukhea!

JEREMIA 9:25

Tatiwe raq ngutlo, “Ngi raq Ejip mungti, Juda mungti, Edom mungti, Ammon mungti, Mob mungti kiimaq rumnyangkhi kumtsaiphii binjü na siti maiq thun ma mo tiiho miitu akhing ka saüwantlo she. Tsangshiq raq tsangshiq khu ka atoqse maq tap sito. Armung thun arka atho hanje siisaq. Shatmaq tsangshiq raq athohan tongshong liichum ka sapmak. Arthun mungti raq kiimaq Israilnok raq ngi raq akuqha itongshong tri ka langmak riito.”

EJEKIEL 23:3

Tsangnai ka jetuji na, Ejip mung na sito. Raüta tsangnai raq junsang rilung ka tiimobaiqto. Kiimaq tsangnai ka mephe ma jakito.

EJEKIEL 23:8

Apaiq raq Ejip mung maq mephe jaqsham pha wantaq kriika sham wan ruqli riito. Apaiq ajunsang rilung ka Ejip mung maq tiishebaiqto. Apaiq ka junriise jetu nyung miishe jonglu wantaq kriimiiphat she maiqwere kong ka apaiq rai she hainga wanto. Raüta tsangshiq raq apaiq ka mephe nyung ma tiija wanto.

Hosea 4:15

“Riita namshiq Israilnok ka, mephe-nyung pha na kitlan jiimin, Juda mungti ka sethoq ngarai na naq tiidea rongkiq. Namshiq Gilgal chela na naq nyapkiq, Bethawen chela na naqwakiq, lanta sumla phra naqnoq rongkiq. Kiijaq kilanta Atra Tatiwe mang na, naqtiitum rongkiq.

LEWI 24:14

“Kriiwe ka piitiip phai na sheaho ronglaq. Kriiwe raq manson rea taiti thun maiq loweatek raq apaiq jaq ka kriiwe khupo na sham ratlo. Raüta kriiwe ka shutto dea nguta saqse kechang. Raütiishe nokwe raq apaiq ka long maq tiitsai laq tiiqbaiq ratlo.

AMO LUIK DVP (AMOS) 5:5

Beersheba hiq na naqshomkiq, Bethel hiq na ngi hummaü. Bethel ka athum mirki, Gilgal hiq na naqkikiq, Tsangshiq ka shumwi ma mitsuq wan.”

Mikha 6:5

Isenginok lei, tiitsang rong laq, Mob hokham Balak raq phaqchi toq raüta, Beor se Balaam ma namshiq tiison dan taq, kra tiima ronglaq. Kiimaq lamjap piitiip Akasia nai, Gilgal liipan na, mra ümchuwa pin wantaq kra tiima ronglaq. Hanla ngi riidea namshiq tiichhii wanto nguta misap han.”

JEPHANIA 2:8

Tati Shiikea Ningkun Ajong Pinthum raq ngutlo, “Mob mungti nai Ammon mungti raq, isenginok ka khü atho maq phong raüta, ji maq nishishi shummii wan tlo; tsangshiq hiq shong ka; minyea wan hai nguta, jarap jirap hongla wanto, kra ngi raq taikang she.

JOSHUA 24:14

Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

JOSHUA 4:19

Israilnok raq Jordan rai ka apha wan jipi lü wa jiha raroqshi ranaiq na jin wanto. Raüta Gilgal chela tho na shedong nü tiithi na tsangshiq piitiip tei wanto.

JOSHUA 5:8

Ara athohanke jaqsham kra kun raüta, tsangmitsi kra samhea tiiheali, Israilnok ka wiimungtam kra piitiip kiijiili sito.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 17:36

Ngi raq hangsi thun nai chapbi thun tsatbaiq kang. Krai mren sii hali, ara thatsang borii waitiwe Philistainwekaü armin, atra Shiikeawe phenlabi shummiitiwe armin kiikhiisii mitsatbaiqha.

1 SAMUEL 7:16

Rawiitek apaiq ka Bethel chela, Gilgal chela, kiimaq Mijpa chela thun kiina tro khumki lili riitlo. Raüta arthun hiqshong maq mungmaiqse khü akha thun ka phokuq lili riitlo.