JOSHUA 4:9 - ASII LAKDAP Bible (BSI)

⁹ Kiimaq, Joshua raq Tongshong Tek piwanti ramwebi chap wan chang ba Jordan rai kok mong ba kiijaq, longkaü kaüroqshiri kaünai hali, Israilnok maiqphan phanroqshi ri phannai kra maiqphan aweatek kaüshishi tiiphong wanto. (Riita ara longkaü thun arka, ümchaü min kriijaq sishat asili.)

Hawa Naga Bible 2001

⁹ Yoshua rueq Bomkhvrc Jep pic jix shomc waz bix jvp yaq yuix mungx baung kvyuq, lung rokshiz rac vnueyc kuex shungc shec tueq. (Kvruex lung htenc kuex kvyuq majuiuc nuex httuiuc laz httax yaq doc.)

JOSHUA 4:9 Referencias Cruzadas

RAPHA HIQWA LAK 26:33

Kiimaq apaiq raq kra khappong ka “Sinkham,” nguta mangto. Kiimaq Beersheba chela mang ka arwiishe dongkito.

RAPHA HIQWA LAK 28:18

Jakob ka anap ranap na ranap chu maq tiidoto. Raüta rawa na akhu dea chang longkaü kra do raüta tsan na tiitsang miithii longkaü ma kiijaq shongto. Raüta apaiq raq kriithaq na oliptai maq tiibok raüta Shiikeawe ma kiinong kuqto.

2 SAMUEL 4:3

Ara Beeroth hiqshong na siti ümsii miiqwa nokti ka Gittaim hiq niishe pin wanto. Raüta tsangshiq ka ümchaü niitaq kriijiili shongtlo.)

1 HOKHVMX 18:31

Raüta apaiq raq longkaü kaüroqshi ri kaünai doto. Arka maiqphan phanroqshi ri phan nai kra miitu, phanshi miitu longkaü ka kaüshishi phongto. Arka Jakob setiim weroqshiri wenai mangtaq kra phan phan phongto. Jakob mang ka Tatiwe raq Israil ngutiishe mangto.

2 KAÜWA WERAÜ 5:9

Kra apichang pepum wiinai tsü kriika juwa Asii Thaq Niimin Asii khok khaki na chaptlaq kriiti riika rashra michhi. Shatmaq ahin miika tiichhi mak. (Kra apichang pepum wiinai ka ümchaü min kiijiili asi).

DUNGWVNC 24:12

Tatiwe raq Mosheq ma nguto, “Pum na düwan laüta Ngi phana wara. Kiimaq ümniika arjaq shon na, Ngi raq ümniima longpen anai kra mikuq kang. Kiijaq Ngi raq mungmaiqse ma tsii chongke bomtsi waiqkeje she.”

DUNGWVNC 28:21

Ara longseng po thun armong niika Jakob setiim weroqshi ri wenai mang thun ka longseng poshi mong na weshi shi mang khat waiq raüta shaqbaiq chang. Raüta Israilnok maiqphan thun kra mang chong la na sichang.

Matthew 27:8

Kriikha maq tiina ümchaü niitaq kra hiq ba ka “Tiijai Maq Ari Hiqphu” nguta ngutlo.

Matthew 28:15

Krai mren, phenlanok raq kra tsiiqlap kra siqto. Raüta tsangshiq ma jamkhiiwa bomhuk chongkuqtaq, kra phan phan she klo wanto. Kiimaq krai mren Jesuq ma ka apaiq jaqshisetiim raq huk wanto nguta shapshaü bom arka Jehudinok liipan na ümchaü niitaq panchan wan ruqli sitlo.

TRI CHONGKE 34:6

Tatiwe raq apaiq ka Mob mung hiq thungtan na lapto. Arka Bethpeor chela maq khariire na riito. Shatmaq ümchaü ranaiq niitaq apaiq maa lap chang hiq ba ka jurmin sap mak.

JOSHUA 24:26

Joshua raq ara aming raütu thun ka Shiikeawe Tri lakdap na waiqthüto. Raüta apaiq raq longkaü ajongwiq ashi kra lam raüta ok chongji na Tatiwe asii tiip rinkea na shongto.

JOSHUA 4:10

Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.

PHOWEBI 1:26

Apaiq ka jai maq, Hitaiqnok mung na laü wanto. Raüta kiijaq chela ashi teito. Raüta kra chela ka Luj nguta mangto. Kra chela mang ka ümchaü min Luj ngutli ngutlo.

1 SAMUEL 30:25

Dawit raq arka tri miishe thüto. Krai mren, kra akhing miiphat she, Israil mung ara tri arka jaqkhon tiipha raüta lang wanto.

1 SAMUEL 7:12

Raütiishe Samuel raq longkaü ashi do raüta, Mijpa chela nai Shen chela liipan na shongto. Raüta akha nguto, “Tatiwe raq namshiq ka lam wiilülü khrum kuqto.” Raüta kra apaiq raq, “Kra longkaü ka Khrum Longkaü,” nguta mangto.