JOSHUA 4:11 - ASII LAKDAP Bible (BSI)

¹¹ Riita mungmaiqse ka konü tareko na kunkun she saüto angu niishetiq, Tatiwe Tongshong Tek piti ramwebi ka mungmaiqse ma lamshea sinkhu niishe hali wawan nongto.

Hawa Naga Bible 2001

¹¹ Tsuingshiq lotlaz yuix ral nuex rvp wvnc yix, shomc waz bix rueq Yehowa Bomkhvrc Jep kuex pix vtueq miq htenc kvruex max nuex kaz wvnc wuez tueq.

JOSHUA 4:11 Referencias Cruzadas

ISAIA 52:12

Ümchaü lak namshiq ka taülaükhiq ka laü wan man mirhan; namshiq ka chiimjin wan ajurai ngomin rarai mak. Namshiq Tatiwe, nam Shiikeawe raq namshiq ka mishun shea wan, kiimaq apaiq raq namshiq ka trotam maq khebom kuqshat miraq.

JOSHUA 24:11

Lanta namshiq raq Jordan rai ka jinlan. Lanta Jeriko niishe saülan. Jerikoti raq namshiq khatto. Kra niqriri sii hali Amoraiqnok, Perijaiqnok, Kanannok, Hitaiqnok, Girgashaiqnok, Hiwaiqnok, kiimaq Jebusaiqnok thun riimin namshiq khatto. Shatmaq ngi raq namshiq ma tsangshiq thun ka wiita tiitang kuqkang.

JOSHUA 3:17

Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 3:8

Tongshong Tek piti ramwebi ma chonglaq, tsangshiq ka Jordan rai kii na saüwan raüla, jü rai ka jin pha wan chang. Raüta phanshi rap raüta jükii tho kiimaq jümong na chapkai chang.”

JOSHUA 4:10

Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.

JOSHUA 4:12

Mosheq raq aming tatthütaq kra phanphan, Ruben phan kiimaq Gad phan kiimaq Manase phan wa khoko srea nolabi thun ka, rekhat ma tiijeshat maq, Israilnok mungmaiqse ma sinkhu na jü ka jin wawanto.

JOSHUA 4:18

Krai mren ramwebi ka jüraikii na saü wanri li she, Jordan rai kham ka kongkhu na jamkho tareko na saülili, tümlüm tümli achhang lowantaq kiikha chhang wan nongto.