JOSHUA 3:3 - ASII LAKDAP Bible (BSI)

³ akha aming kuqto, “Singmung maiqse lei, tai ronglaq, ümtiikiiwa ramwebi raq namshiq Tati Shiikeawe Tongshong Tek ka piraü she chhihan la, namshiq piitiip ka run ronglaq. Lanta tsangshiq jai phan phan warong laq.

Hawa Naga Bible 2001

³ miq htenc kvmac ngoc, “Yehowa nuimshiq Tishox Bomkhvrc Jep pic jix shomc waz bix kuex nuimshiq rueq khiz ruiux yuq, kemz kvmaq dung kaz vtueq tsuinghez yix kvyuq phvnc lvy naungc rax.

JOSHUA 3:3 Referencias Cruzadas

2 SAMUEL 6:13

Tongshong Tek piti maiq thun ka kongkhu na kiimtrok wiiq jai she, Dawit raq tsangshiq ka atiichap riito. Raüta apaiq raq Tatiwe ma minsaü pongwe ashi kiima minsaü saüpongse arese phintsaqtsaq hea kra honglu na takuqto.

2 SAMUEL 6:3

Tsangshiq raq kra Tongshong Tek ka Abinadab tahii jam hiqlampo thaq na ahai kriiwa tiidong lam raüta minsaü leng anye ashi kriithaq na tiingato. Kiimaq Abinadab senai Ujja nai Ahio raq minsaü leng kra hewanto.

1 HOKHVMX 8:3

Riita mung welabi thun ka kunli she thungto angu na, ramwebi raq kra Tongshong Tek kaü kra doto.

JEREMIA 33:18

Kiimaq maiq pat tek na Ngi shomnoq wanti, Ngi ma chaqtlii-honglu kewanti, kiimaq wong-honglu kewanti kiimaq honglu thun take wanti ramwe jati ramwebi ka Lewi phan wa maiq ka dongruq miraq.”

WEAWEA 10:33

Riita Israilnok ka asii Sinai pum wa tiido wanto, raüta tsangshiq ka ranaiqtsam tinkhit wawanto. Tatiwe Tongshong Tek ka jang wrapshe tsangshiq ma lam shea sinkhu na wawan lili riitlo. Raüta tsangshiq ma lamjap chang piitiip tei wan chang hiq ba kra rit wan litlo.

WEAWEA 4:15

Ümtiikiiwa piitiip ka arun wan cho akhing she saüjiiq, Aron nai asetiim raq asii hupsam thun nai krai lang chang hupsam thun kra wiita apang chang maq pangbaiq lottoshe angu niitiq, Kohath weraü phan ka waraüta arthun asii ta awii thun kra mipi wan. Kohath weraü phan raq ara chongtiikai asii hupsam thun ka tsangshiq jaq maq shamwa maimak. Riimakla tsangshiq ka atsai miraq. Kohath weraü phan raq Tombutiip kra tiisot wantlaq akhing na jaqsham chang ka arthun ara.

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

Matthew 8:19

Kiijaq Thungtri shrinketi we ashi ka apaiq phana waraüta, “Shrinketi we ngi min ümjai miphan ha. Ümnaq ümbano mikihaü, ümjai phanphan mikhum damha” nguta apaiq ma chongto.

TRI CHONGKE 31:25

Ümtiikiiwa apaiq raq lakdap ka tiithum waiqtaq, apaiq raq Lewi phan ramwebi, Tatiwe Tongshong Tek kra liiti ma akha nguto,

TRI CHONGKE 31:9

Krai mren, Mosheq raq Shiikeawe thungtri ka waiq thüto. Raüta Tatiwe Tongshong Tek liiti Lewi phan ramwebi nai Israilnok welabi jaq na kuqto.

JOSHUA 3:4

Namshiq ka ana ümtiikiimin waman shaq. Kriikha na tsangshiq raq lam mishea. Shatmaq, namshiq ka Tongshong Tek tho na tiinap hea naq khum rongkiq. Namshiq ka Tongshong Tek jai na kilomitar shi tiihea lanta khum ronglaq.”

JOSHUA 3:6

Kra chongkuq raütiishe, apaiq raq ramwebi ma Tongshong Tek kra piraüta mungmaiqse ma sinkhu na lamshea waronglaq nguta thaüto. Krai mren tsangshiq riimin kra phanphan wawanto.

JOSHUA 3:8

Tongshong Tek piti ramwebi ma chonglaq, tsangshiq ka Jordan rai kii na saüwan raüla, jü rai ka jin pha wan chang. Raüta phanshi rap raüta jükii tho kiimaq jümong na chapkai chang.”

JOSHUA 4:10

Tatiwe raq Joshua ma kra jaqsham miitu aming kuqtaq kra phanphan, Israilnok raq jaqsham ka mingut wan shaq wiiwii, ramwebi ka kra Jordan raikok phii mong ba kiijaq chapshatli chapto. Arka Mosheq riimin akha klo wan chang nguta aming kethüje dongdii riito. Mungmaiqse riimin jürai ka jaqlo witwit jin wanto.

JOSHUA 6:6

Raüta Joshua raq ramwebi ka heato. Raüta tsangshiq ma akha chongto, “Tongshong Tek pironglaq, lanta kra khaki na wemiishi lamshea lerong doraq maq khum ronglaq.”

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.

1 SAMUEL 6:15

Lewinok raq Tatiwe Tongshong Tek ka doto. Kiimaq sumla thun thüchang tek kriimin lamto. Raüta longkaü ajongti thaq na thüto. Raütiishe Beth Shemesh chelati nokmaiqse raq chaqtlii-honglu thun nai laihin honglu thun ka Tatiwe ma kuqto.