JOSHUA 24:8 - ASII LAKDAP Bible (BSI)

⁸ Kra jai miishe, ngi raq namshiq ka Jordan rai maq shedong nü wang na shongti Amoraiq mung kiiniishe shea wan kang. Tsangshiq raq namshiq khatto. Shatmaq ngi raq tsangshiq ka namshiq ma tiitang kang. Krai mren, namshiq raq tsangshiqnok hiqshong thun ka jiiwan lan. Kiimaq ngi raq tsangshiq ka, namshiq raq khat wan tlan kra phan phan wiita shiithen baiq kang.

Hawa Naga Bible 2001

⁸ Kvruex yimaq ngaz rueq nuimshiq kuex Yodan ruilx maq shaldungc kox nuex Amori miqsaz httax yaq mungx nuex shvlx wvnc phaungx. Tsuingshiq rueq nuimshiq khvt tueq, yuq muinz ngaz rueq nuimshiq muex tvtaungx gay phaungx. Nuimshiq rueq tsuingshiq mungx kuex khvt kaz tuit nuex ngaz rueq tsuingshiq kuex tvbac gay tauk.

JOSHUA 24:8 Referencias Cruzadas

NEHEMIA 9:22

“Ümniiraq tsangshiq ma, mungrap mungrii khat kuq wan laü. Tsangshiq hiq rai wa, maiqmung ahin thun khatkuq wan laü. Tsangshiq raq Heshbon mung langti, Sihon hokham ka long wanto; raüta tangto. Kiimaq Bashan mung min long wanto. Raüta tsang hokhamwe, Og ka tangto.

DUNGWVNC 23:23

Irase ka ümniima sinkhu na miwa. Raüta ümniika Amoraiqnok, Hitaiqnok, Perijaiqnok, Kanannok, Hiwaiqnok, kiimaq Jebusaiqnok sichang hiqshong thun kiina ümniika mishea wan. Kiimaq Ngi raq tsangshiqnok thun ka wiita mijiip baiqha.

AMO LUIK DVP (AMOS) 2:10

Kriima kongkhuji na, ngi raq namshiq ka Ejip mung wa tsuq wan kang. Lata ngi raq namshiq ka bintang jüngi lam maq, iwokhong maq wiiroqblai shunshea wan kang. Lata ngi raq namshiq ma, Ammoraiqnok mung kra jiikuq wan kang.”

AMO LUIK DVP (AMOS) 2:9

Shatmaq Tatiwe raq asengi Israilnok ma akha ngutlo, “Li jiimin, isenginok lei, ngi raq namshiq tiikhup wongke wan, namshiq thaq na Sidar pero ikha ajong alanok, kiimaq namshiq thaq na ok pero ikha, ahong ala, srea nolanok Ammoraiqnok, ngi raq re na, arangchong maq babaiq wan tlii khat wan kang.

TRI CHONGKE 2:32

Sihon ka asenginok thun kunli sheaho raüta nashiq khatkai Jahaj chela tho na kito.

JOSHUA 13:10

Kiimaq riita Ammon mung hiqrai na saüli; kiimaq riita Amoraiq hokhamwe Sihon, Heshbon chela pengtiwe wokhong wa chela thun ümchuwa sitlaq kra wiita hamli.