JOSHUA 24:2 - ASII LAKDAP Bible (BSI)

² Raüta Joshua raq mungmaiqse wiitarü ma, akha nguto. “Tatiwe Israilnok Shiikeawe raq akha ngutlo: ‘Man na rathup raphaji na, namtitiim ka Euphretis Rai reko nü wiiq na shongto. Kiimaq laihin shiikea thun noq raüta sito. Namtitiim phong wa weshi mang ka Tera. Apaiq ka Abraham nai Nahor ma awe.

Hawa Naga Bible 2001

² Yoshua rueq miq lotlaz muex ngoc, “Yehowa Israel Tishox rueq vkhoc jungx yaq: ‘Mvnnuex wawc nuimshiq jix vwaz tamx kuex Euphrat ruilx kvkox ral nuex httax vtueq, vganc tishox htenc kuex nawk palx wuez tueq. Kvruex jix vwaz tamx wawc Abraham nuiyc Nahor tsuingnueyc waz Tera washiz lomx tueq.

JOSHUA 24:2 Referencias Cruzadas

RAPHA HIQWA LAK 11:22

Kiimaq Serug ka arawii 30 she angu na, ase ashi humto. Ase mang ka Nahor.

RAPHA HIQWA LAK 11:24

Kiimaq Nahor ka arawii 29 she angu na, ase ashi humto. Ase mang ka Tera.

RAPHA HIQWA LAK 11:26

Tera ka arawii 70 jai miishe, apaiq raq asetiim Abram, Nahor, kiimaq Haran thun ka humto.

RAPHA HIQWA LAK 11:27

Arthun arka Tera saüse phan. Apaiq ka Abram, Nahor, kiimaq Haran ma awe riito. Haran ka Lot ma awe.

RAPHA HIQWA LAK 31:19

Laban ka apaiq skukong bin sikai kihoto. Kiimaq apaiq tatimii shon Rechel raq awe jam wak kaü sumla thun kra huk hoto.

RAPHA HIQWA LAK 31:30

Ngi raq asapha, ümniika namhiq rotsi raq ahaü she, kra ningkhan kiholaü. Shatmaq ümniiraq ijam wak kaü sumla thun ka jam nguto hukho laü?”

RAPHA HIQWA LAK 31:32

Shatmaq ümniiraq arjaq naishiq phong arwa ashi ra raq ümjam wak kaütiim sumla thun hukhotaq jiika, kriiti ka atsai chang miraq. Riita arjaq, nai senginok tarü raq chhishat na ümhupsam phanshi ra asi jiika lii liina. Laüta jang wanlaq.” Jakob raq Rechel raq Laban jamwak kaü sumla thun hukhoto ngutiika sap mak dea riito.

RAPHA HIQWA LAK 31:53

Abraham Shiikeawe kiimaq Nahor Shiikeawe raq nanai liipan wa kha ka mipho.” Kiijiishe, awe Isak raq shomnoqtlaq Shiikeawe mang na, Jakob raq kra sinkham bomtsi raükha kra mithüha nguta kiqkham kuqto.

RAPHA HIQWA LAK 35:4

Kiimaq tsangshiq raq Jakob ma tsangshiq jaq na pongmungti sumla phra thun ka wiita kuqto. Kiimaq tsangshiq raq titlaq niti thun kriimin kuqto. Apaiq raq kriithun ka Shekhem chela tho na Ok pechong tong na hiq na lapbaiqto.

1 KAÜWA WERAÜ 1:27

Kiimaq Abram (apaiq ka Abraham ngutiimin ngutlo).

ISAIA 51:2

Namti Abraham kra tiima rongliina, kiimaq Sara, namwijong kra shiwea rong liina. Ngi raq Abraham hea wan kang akhing na, apaiq ka sehü, shatmaq Ngi raq apaiq ma shiiman kuqkang, lata apaiq ka saütam serü tiijakang. Ngi raq apaiq laila ka ra ma hiq ma tiipuchi kang.

EJEKIEL 16:3

Jerusalem ma Tati Rakaü Hiqwe raq apaiq ma jamlai wa ngutlaq kra chongkuqlaq: “Ümrawü chhi ka Kannan mung na chhi laü. Ümwe ka Amoraiq phan. Ümnyung ka Hitaiq phan.

Luke 3:34

Juda ka Jakob se. Jakob ka Isak se. Isak ka Abraham se. Abraham ka Tera se. Tera ka Nahor se.

TRI CHONGKE 26:5

Kiijiishe, ümniiraq Tatiwe man na ara bomtsi thun arshe ümnümaq mibliiq chong haü: ‘Iti ka Aram mungti wanmowe riito. Apaiq raq ajamti achak ase thun ka Ejip mung na tsuqho raüta sikito. Tsangshiq kiina laühotaq akhing na maiq ka atsap se li riito. Shatmaq tsangshiq ka maiq pahea she puwanto. Raüta ningkun jonghea maiq mung ashi she jawanto.

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”