JOSHUA 23:1 - ASII LAKDAP Bible (BSI)

¹ Luhea sijai miishe, Tatiwe raq Israilnok ka tsangshiq tro na siti chiqse rewe jaq wa kunkun she tiiwong kuqto. Kra akhing na Joshua ka tikii kiikaiq she riito.

Hawa Naga Bible 2001

¹ Loayc hvlc httvmx wvnc tueq yix maq Yehowa rueq tsuingshiq tvroz nuex httax yaq ralx htenc kuex tvsuingx kuq gay ruiux, Israel muex tvguing kuq tueq. Yoshua muinz rullungx nyuiuz waz shex rvtueq,

JOSHUA 23:1 Referencias Cruzadas

1 HOKHVMX 1:1

Riita Hokhamwe Dawit ka tikii kiikaiqshe riito. Kriikha na ajaqshisetiim raq uni kheathum thun ka akhum na athea wiq tiisam kuq raü min, apaiq ma akhum na ra ka lam mak she.

1 KAÜWA WERAÜ 23:25

Dawit raq nguto, “Tatiwe, Israilnok Shiikeawe raq asenginok ma mungtsing mungngang maq siwan akhing she kuqto. Kiimaq apaiq kiimin apumsii maq Jerusalem na pattup pat-sa she misi wan.

1 KAÜWA WERAÜ 27:1

Arka Israil mung peng wan damti, ata thaq na welabi nai aweraü thaq na welabi kiimaq tsangshiq phong wa siihiipbi shong wantaq thun kra mang wea raüpot awaiqthü. Rawii wiilü jipi lütek na jaqshamti ka maiq pongkong kong, kongshi na maiqwere siisaq hingroqnai ri hingblai lai tiihong raüta, kra jipi na tsangshiq pengti maiq wela ashi shi thüto. Raüta mung jaqsham ka shamto.

2 KAÜWA WERAÜ 14:1

Hokhamwe Abija ka tsaito. Raüta Dawit Chela na hokhambi maalap chiim na lapto. Ase Asa ka awe pumsong hokham ma shongto. Kiimaq Asa wokhong mung atsing maq wiiroqshi sito.

2 KAÜWA WERAÜ 14:5

Apaiq raq apaiq mungtan wa thatsang chang jam thun nai homseng honglu chaq chang berong-wacha phong ka Juda mung wa chela thun wa wiita runbaiqto. Kriikha maq awokhong na apaiq mungtan ka hansang maq sito.

2 KAÜWA WERAÜ 20:30

Krai mren Jehoshaphat raq mung ka atsing pengto. Kiimaq Shiikeawe raq apaiq mungtan trotam khup wong kuq shat riito.

Tvtsvmc 46:9

Apaiq raq mangjong tlotli wa reriikhat thun ka wiita tiitsaq baiqto; apaiq raq liq thun ngoqbaiqto, piq thun tiithen baiqto, kiimaq liiq thun wa na chaqbaiqto.

ISAIA 63:14

Nyamsekong rum na hiqpo hiq win nyiim lungtan na ariimkai sheahotlaq ikha, Tatiwe raq asenginok ma niitiitsak kuqto. Apaiq raq asenginok ka tsuq wanto. Raüta apaiq mang chong tsaki tiijong wanto.

TRI CHONGKE 31:2

akha nguto, “Ngi ka ümchaü irawii wiishishi ri wiiroq nai she. Kiimaq namshiq sheati wela jaruq jalot mangshe. Kiimaq arthaq niimin Tatiwe raq ngi ma Jordan rai ka jin walot mang she miraq nguta chongto.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 13:1

Joshua ka ümchaü tikiishe. Tatiwe raq apaiq ma nguto, “Ümniika ümchaü tikiihea she. Shatmaq mung alap chang ka ümchaü min taqtaq asi shaqli:

JOSHUA 21:44

Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.

JOSHUA 22:4

Riita, ümchaü sanha, Tatiwe namshiq Shiikeawe raq, jamkho kiqkham kuqtaq, kra phanphan, apaiq raq namphu namno Israilnok ma mung atsing ashe kuqto. Krai mren, namshiq hiqshong, Tatiwe jaqshise Mosheq raq namshiq ma, Jordan rai maq shedong nü wang chumkuqtaq, namshiq raq jiiwan lan she kiijiishe jang wan ronglaq.

1 SAMUEL 12:2

Riita ümchaü sanha namshiq ka apaiq riishe mishunshea. Kiimaq ngi riiwe kla kaüja kiija she. Kiimaq isetiim riiwe kla namshiq rai adam na asi. Ngi ka jeroji miiphü ümchaü niitaq saüli, namshiq sheati tuwe jawan kang.