JOSHUA 22:25 - ASII LAKDAP Bible (BSI)

²⁵ Apaiq raq naishiq nai namshiq Reuben phan kiimaq Gad phan liipan na hiq ka Jordan rai maq raikuqto. Namshiq raq Tatiwe rai riibom kai chang lam ahü,’ nguta mongo miraq nguta ara klokai. Kiikhiishe nguhaü jiika, namsaü namsetiim raq naisaü naisetiim ka Tatiwe shomnoq wa tiiwa mak she miraq.

Hawa Naga Bible 2001

²⁵ Vpiq rueq Ruben phvnx nuiyc Gad phvnx rvtuit nuimshiq nuiyc nuiyshiq kuex Yodan ruilx maq ruiy shec tueq. Yehowa rulc nuimshiq kuex yvmx muinz seng muq shex, ngoz tueq ngoz ruiux yuq nuimshiq suiuz vsaz hez rueq nuiyshiq suiuz vsaz hez muex Yehowa kuex tvnawk palx muq maq httaz tvkoc tuingshaung shuex kvmac hiz ningkhvnc nuex shomrawx kuex tvhungx vshix.

JOSHUA 22:25 Referencias Cruzadas

2 SAMUEL 20:1

Kra akhing na Gilgal chela na, Benjamin Phan wa, Bikri se Sheba nguta maiq weshi mungshuktiwe asi riito. Apaiq raq boli tsü raüta mungmaiqse ma akha chiiriim raüta chongto. “Dawit jaiphan jamlai liip wa! Jessi se ka tijongwe shea? pintlo rong maiqmii jam na! Israilnok lei!”

1 HOKHVMX 12:16

Riita mungmaiqse raq hokhamwe raq tsangshiq bom ka taimak she riikiita, tsangshiq raq akhiishe gitrangto, “Dawit nai ajamtitiim ka wiitatam she midea wan laq! Tsangshiq raq nashiq ma jamlai jaq wa shamkuqta? Israil mungti singmung maiqse lei, nashiq ka maiqmii jam na pin rongpha! Rehoboam ka apaiq honhon lishe misisiq laq!” Krai mren Israilnok ka apaiq wokhong wiishe donghoto.

1 HOKHVMX 14:16

Tatiwe raq Israilnok ka amiimshe mirbaiqthü. Jamkhano ngukla Jeroboam raq ngarai klowanto. Raüta Israil mung ka ngarai thü kho bok na tiidea baiq wanto.”

1 HOKHVMX 15:30

Ara chongthum ma tiijabaiqtaq arka, Jeroboam raq Tatiwe, Israilnok Shiikeawe tsankhiq shaü wan kha maq thumto. Apaiq raq ngarai pahea klo wan raüta Israilnok ka ngarai thiikho na tiidea baiq kha na riito.

NEHEMIA 2:20

Kiijiishe, ngi raq tsangshiq bom ka akha tre kang, “Sanseng ramungtan na sitiwe Shiikeawe raq naishiq ma ara jaqsham pha wan tiikai arka mitiinyi kuq wan. Naishiq ka Shiikeawe sengi. Krai mren, ara Jerusalem tro wa long ruk athen arki thun ara tiihea hai jaqsham, athuk atsom arka, naishiq raq misham pha wan hai she. Shatmaq namshiq riika, Jerusalem na sitlaq tachong hupsam kriiwa, kiimaq hup nai sam sitlaq kriiwiika, jamlai phan min lap wan lot man. Kiimaq Jerusalem arka naiti naiwi hiqshong dea nguta, mungmaiqse manphan wura riimin namshiq ka ham wan dam mak she.”

Tvtsvmc 16:5

Tatiwe, ümniikli she kata ngi rii, kiimaq ngi ma phanrap rongraa tlaq kra ümniiraq kuqtlaü kata; rawiichii miitu iri lung ka ümjaqkhon mong na.

Acts 8:21

Ümtsan ümtsii ka Shiikeawe man na riikhaqli riimak. Krai mren, ümniiraq naishiq rai jaqsham na lom chang ahü she.

JOSHUA 22:24

Riimak! Naishiq raq ara klokai arka, jai na miitu tiihai laita klokai. Rawiichii saüpat sepat na, namsaü namsetiim raq, naisaü naisetiim ma, ‘Namshiq raq Tatiwe Israilnok Shiikeawe rai riibomdam chang asi shea?

JOSHUA 22:26

Kra ningkhan naishiq raq berong-wacha haikai. Shatmaq arka honglu ataakuq nyamse chaq ma riimak, kiimaq honglu kewan miitu min riimak.

JOSHUA 22:27

Shatmaq, arka namshiqnok nai naishiqnok liipan na, miithii shong ashi mirlaq nguta, kiimaq naishiq tsai jai, rawiichii saüpat sepat miitu, naishiq riimin Tatiwe ka apaiq sichang asii Tombutiip kiijii dea naishiq honglu wa na chaq chang kra lamho laita kiimaq nyamse take chang honglu kiimaq rintii honglu thun ka lamholaita shomnoq tiikai nguta mithii shong klokai. Arka namsaü namsetiim raq naishiq ma, naishiq riika Tatiwe rai riibom kai chang lam ahü nguta bom chang ahü mirlaq nguta klokai.

1 SAMUEL 26:19

Chaü lei, ngi raq jamlai bom wa chongtiikang ara samhea tiitsang tailaq. Riita, ümchaü ümniiraq ngi jorat tlaü arka Tatiwe apaiq riidea, ümtsan ümtsii kra tiipherak baiq wan raüta jotlaü jiika, apaiq ma honglu kuq raüjaq, apaiq tsantsii kra ashi mirwan. Shatmaq, maiqse riila klo liitlaq jiila, Tatiwe manson kiqsü homa kra tsangshiq dü niishe minilaq. Jamkhano ngukla, tsangshiq raq ngi ka Tatiwe raq akuq hiqshong mong kriiwa ngi ka pongmung na, sumla phra thun kra shomnoq wantibi mung niishe jobaiq wanto.