JOSHUA 22:22 - ASII LAKDAP Bible (BSI)

²² “Ajong Pinthum kli Shiikeawe! Apaiq kli Tatiwe! Ajong Pinthum kli Shiikeawe! Apaiq kli Tatiwe! Apaiq raq asap naishiq raq ara jamkhano klokai, kiimaq namshiq riimin sap ronglaq! Naishiq raq apaiq kiq khiikai dea jiila kiimaq Tatiwe ma kamtsantsii thümai dea jiila naishiq ka atra naq tiisi rongkiq she!

Hawa Naga Bible 2001

²² “Tvphaungc Tvsuip Waz kuex Tishox rvtueq! Vpiq kuex Yehowa rvtueq! Tvphaungc Tvsuip Waz kuex Tishox rvtueq! Vpiq kuex Yehowa rvtueq! Vpiq kuex naungshiq rueq vruex yvmx ngoz tueq lac shuimx kaz vshix lvmz kuex tuiuz yaq, nuimshiq kvmuinz nuiyshiq rueq tvtuiuz vphix! Nuiyshiq rueq tvgap gawx vtueq Yehowa muex kvmluimx thuinz vguez ngoz ruiux yuq, nuiyshiq kuex mkaq muinz tvraungx nauk taq vkueq!

JOSHUA 22:22 Referencias Cruzadas

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

YOBA 10:7

Ümniiraq ngi ka maiqsang nguta asaphaü, kiimaq ümjaq khon mong wa ngi ka jurmin tiiwong lot mak.

YOBA 23:10

Li jiimin Shiikeawe raq ikiimwiiq aweatek ka asap, apaiq raq ngi ka kappe maq shin haüla, chiisan maiqse dea nguta misap.

YOBA 31:22

ikhla ijaqphum wiinai kra mingoqki laq; raüta iphaq lam wiinai wa mitiichatki laq.

Tvtsvmc 136:2

Tisho phong wiita thaq na ajong Shiikeawe ma kechutum ronglaq; apaiq lungwii ka pattup pat-sa.

Tvtsvmc 37:6

apaiq raq ümniika kechu maiqse dea nguta rashekii li ikha mitli kuq.

Tvtsvmc 40:9

Ümsenginok kunli thungtlaq kiijaq, Tatiwe lei, ümniiraq naishiq chhiiwan laü tsütsa ahea kra chongkang. Ümniiraq asap haü ngi raq kra tsütsa chongke ka tsaqmang phan.

Tvtsvmc 44:21

ümniiriika michhi haü dongdii, jamkhano ngukla ümniiraq naishiq tsantsii apaü arthü ka asaphaü.

Tvtsvmc 44:22

Shatmaq ümmang na naishiq ka wranaiqshe tsatbaiq wantlo, naishiq ka sku kong ataaphaq ma hithotlaq ikha hithotlo.

Tvtsvmc 50:1

Ningkun Ajong Shiikeawe, Tatiwe raq chongtlo; Apaiq raq mangjong tlotli shedong mung maq riita shenyap mung na saüli triitam heatlo.

Tvtsvmc 82:1

Shiikeawe ka ramungtan rung na ngongwe; tisho kong thungtlaq kiijaq apaiq raq tri akha tantlo:

Tvtsvmc 95:3

Jamkhano ngukla Tatiwe ka ajong pinthum Shiikeawe, apaiq ka tisho kong tarü thaq na ajong pinthum hokhamwe.

Tvtsvmc 97:7

Sumla thun noqtibi loweatek ma jea tiingaütlo; tlotli tisho thun raq Tatiwe khaki na bum raüta noqtlo.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

JEREMIA 12:3

Shatmaq, Tatiwe, ümniiraq ngi ka asap haü; ngi raq jamlai wa shamtiikang kra ümniiraq achhi haü, kiimaq ngi raq ümniika jamkho lungwiitiikang kra achhi haü. Ara abi kloti maiq thun ka, skukong ataaphaq chang ikha hitbaiqlaq; tsangshiq ka ataabaiq akhing misaü shaq wiiwii, ümniiraq tsangshiq kheshat thülaq.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 2:47

Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

John 21:17

Kiimahali, tiithong tsam she, Jesuq raq Petar ma hali bom ka wai nongto, “Johan se Simon, riita, ümniiraq ngi ka ngohea shaqshaq dea sha lungwii tlaü?” Kiijiishe, Petar ka atsan biwa liishe riito. Ara jamkhano atsan bita ngukla, Jesuq raq apaiq ma bom ka, tiithong tsam she, “Ümniiraq ngi ka lungwii tlaü dea sha?” nguta waito. Kriikha maq, apaiq raq hali tre nongto, “Tatiwe, ümniiriiri phanrap asap haü. Ngi raq ümniika lungwii tiikang ngutiimin, ümniiraq asap haü!” Kiijiishe, Jesuq raq apaiq ma chongto, “Ikhla, i skuse kong ka samhea rüm laq.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Acts 25:11

Kiimaq ngi raq thungtri ka shiithen kang dea jiika, kiimaq kriikha miitu ngi ka atsai chang dea jiika, ngi ka atsai miitu ka hai mang. Kiiwa hangki hajaq nguta tiipaiqnea mang. Shatmaq, tsangshiq raq i dü na jamlai kha thun wa arot akiq nyan tlaq, kriikha na jiila, ngi ka jurmin tsangshiq jaqkhon mong na tükuqlot mak. Ngi raq i kha arka Roman Hokham we rung niishe shok tiikang.”

2 Corinthians 11:11

Riita, ngi raq ara phanchan tiipha arka, ngi raq namshiq lungwii mang lata sha ngurat tiikang? Shiikeawe asi, ngi raq namshiq ka kai lungwii tiikang.

2 Corinthians 11:31

Tati Jesuq ma, Awejong Shiikeawe raq asap, ngi raq arot ka chong mang. Mangjong maiqse wiitarü raq, Shiikeawe kli dea pattup pat-sa mitiitsam kam wan laq!

2 Corinthians 5:11

Khristo raq ranaiqshishi ka nashiq tarü tiikham raüta, apaiq rung na mitiichap wan nguta asap hai kha maq, tsan na tiihaishat maq sitiikai. Arkha miitiina, naishiq raq nanok ma Tsütsa Ahea ma kamwan ronglaq nguta, tiima tsantsii wüjangjang maq tsangshiq ka trantsii chong kuq tiikai. Ngi ka juwa kriika, Shiikeawe raq kunli asap. Kiimaq ngi raq tiima wan kla, namshiq riimin, ngi ka samhea wiq asap han ahiq nguta tiima tiikang.

TRI CHONGKE 10:17

Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.

1 Timothy 6:16

Apaiq kli ka tsai mak phan; Apaiq ka mangjong maiqse raq jurmin chhi walot mak chang ramungtan rawüli na siti we. Apaiq sham ka jurmin chhi mak dea; Kiimaq apaiq sham ka jurmin chhilot mak miraq. Wiitarü raq Apaiq kli mishreng laq. Kiimaq pattup thum mak miq mak maq, ra nai hiq ka milang laq! Amen.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

JOSHUA 22:21

Kiijiishe Reuben phan, Gad phan, kiimaq Shedong nü na siti Manase phan raq Shenyap nü na siti maiqphan weraü welabi kriimaq akhiishe treto,

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

1 SAMUEL 15:23

Apaiq kiqkhii kriika, maiqwuq maiqlong jaqsham ikha, Kiimaq wanshakshak tsii kriika, sumla phra noq ngarai ikha. Ümniiraq Tatiwe aming jin wan kha na, Apaiq raq ümniika hokhamwe ngachang wa shleq baiqto.”

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.