JOSHUA 22:11 - ASII LAKDAP Bible (BSI)

¹¹ Kiijiishe, Israilnok ahinti thun kiima, “Taironglaq! Reuben phan, Gad phan, kiimaq shedong nü na siti Manase phan raq Jordan rai maq nashiqnok hiq na, Geliloth chela na berong-wacha ashi haito!”

Hawa Naga Bible 2001

¹¹ Kvjungx yaq Israel miqsaz htenc rueq, “Tay shuinz! Ruben, Gad nuiyc Shaldungc Manase phvnx kholak kuex Yodan ruilx maq vkox ral naungshiq ghaq kox wawc Gelilot nuex shomrawx tvhungx yaq ngoz tueq thaungc kuex tay vshix!”

JOSHUA 22:11 Referencias Cruzadas

John 1:28

Johan nai tsasoqti nok liipan na, ara bom riiwaisotaq arka, Jordan rai maq shedong nü na, Bethani hiq na, Johan raq mungmaiqse ma kham lamke chang ba kriimaq riibomto.

John 20:1

Chepat ranap na, ranap chu maq Magdalani hiqti Meriq ka maakho liikai nguta kito. Apaiq raq maakho shaq chang longkaü kilü kriika adi baiq rea wishe chhihoto.

John 20:12

Kiimaq, kiijaq apaiq raq rasenai ka anai jong ri chhito. Tsangnai ka khealü miirii sam raqraq riito. Raüta, ashi ka Jesuq maa tiiwe chang longpen changdü changkhu nü kiija nga raü, kiimaq ashi ka, changji nü kiijaq ngaraü chhito.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

JOSHUA 2:7

Krai mren, hokhamwe sengi raq kra wenai ka Jordan rai na kaichang lam nü kiina, Jordan rai jinwan tlaq jürap chang ba kiina saüli johoto. Tsangshiq maiqjohoti kra kaiho ri li she chela kilamchong kriimin shabaiqto.

JOSHUA 22:10

Riita Reuben phan, Gad phan, kiimaq Shedong nü na siti Manase phan ka Jordan rai maq shenyap nü na Geliloth chela na saüto. Raüta tsangshiq raq kiijaq jürai tho na ajongwiq kiimaq atsomwiq berong-wacha ashi haito.

JOSHUA 22:16

Raüta Tatiwe sengi mungmaiqse tlotli miitu bom ka akha nguto, “Namshiq raq ara abi pinthum jaqsham ara jam nguto Israilnok Shiikeawe man na klo lan? Namshiq raq namshiq miitu ara berong-wacha hai lanta Tatiwe aming jin lan! Namshiq ka Tatiwe wokhong wa dongholan she!

JOSHUA 22:19

Riita ümchaü min, namshiq hiqshong ka Tatiwe shomnoq thekmak jiika, Tatiwe asi Tombutiip sitlaq mung kiina kirongra. Lanta naishiq hiqshong kiiwa hiq wiijam namshiq rii jaü ronglaq. Shatmaq Tatiwe aming ka naq jin rongkiq. Riimakla Tatiwe nashiq Shiikeawe berong-wacha kra tlea lanta, berong-wacha achan ashi haiho lanta, nashiq liipan wa maiq wiijam ma ngarai naq tiitang rongkiq.

PHOWEBI 12:5

Ephraimnok ka juho jiiq nguta Gileadnok raq Jordan rai khü na jüjin chang ba thun kra jiiwan raüta khehoto. Raüta ümtiikiiwa Ephraimnok wa maiq ashi raq ajuho ma, jürai jin wan miitu aming jaü raüla, Gilead wangti raq bom ka akha waitlo, “Ümniika Ephraimnok shea?” nguta waitlo. Apaiq raq, “Riimak,” nguta tre raüla,