JOSHUA 14:9 - ASII LAKDAP Bible (BSI)

⁹ Ngi raq riikhaqli jaqshamkuq kang krai mren, ngi raq iji maq ni wan kang mung kriiwa, isetiim nai ngi rii hiqshong michumkuq kang nguta Mosheq raq ngi ma kiqkham kuqto.

Hawa Naga Bible 2001

⁹ Kvkhoc ngaz rueq shuimc wvnc ningkhvnc nuex Moshe rueq ngaz muex ngoc mnoz rueq nuiuz toq ghaqphux kuex mnoz nuiyc msuiuz msaz hez muex vjumz kuq ghaqphux muex yaungx tuex, ngoz tueq bomkhvmc kuq phuex.

JOSHUA 14:9 Referencias Cruzadas

Tvtsvmc 37:9

Jurwa Tatiwe ma kamtlaq kriiti raq mung ka milap wan, shatmaq abi kiimungtibi ka ajo mirbaiq wan.

WEAWEA 13:22

Tsangshiq raq apha na shemai nü mung kiimaq kongkhu siwapha wanto. Raüta Hebron chela niishe siwanto. Kiijaq maiq phan ajong wiq phan Anakim ngutlaq jonghea luhea phan wa Ahiman weraü, Sheshai weraü, kiimaq Talmai weraü phan maiq thun kra shongtlo. (Hebron chela ka Ejip mung wa Joan chela tei wantaq kriima wiimiishi kongkhu na tei wanto.)

TRI CHONGKE 1:36

Jephunne se Kaleb kli she misaü wan. Apaiq kli iwokhong na ibom taiti tsapsaü kapse maq siwanto. Krai mren Ngi raq apaiq ma kiimaq asaü asetiim ma apaiq raq aji maq konshkon khum raüta konchon wata kra mung ka mikuqha.’

TRI CHONGKE 11:24

Namshiq hok maq khum wantlan thun hiq ka namshiq riishe miraq. Namshiq hiqshong hiq rai thun ka shemai nü mung na kumtsaiphii wang maq phawan raüta shekhu nü mung na Lebanon pum thun kiina saüli miraq. Kiimaq riita shedong mung nü miika Euphretis Rai maq raiho raüta, shenyap mung nü niika Mediterenian Khamjong kii mung na saüli miraq.

JOSHUA 1:3

Ngi raq Mosheq ma jamkho chongkuq kang, krai mren, ümchaü min ngi raq ara mung ara, namshiq Israilnok kunli miitu, ümwokhong maq armung tiithumli ka kuq kang she. Ümniiraq shea laüta namshiq raq ümtinkhan wa hiq ka jiiwantlan, kra namshiq riishe miraq.

JOSHUA 14:10

Shatmaq, liilaq! Tatiwe raq Mosheq ma kra bom chongkuqtaq kriimaq, ümchaü ka rawiiroqblai ri wiibiingi she lea wanto. Tatiwe raq Mosheq ma kra bom chongkuqtaq akhing na, Israilnok ka kumtsaiphii mung na mang laü wan riito. Riita ija, Tatiwe raq ngi ma kiq khamkuqtaq krai mren, ümchaü niitaq ngi ka khu asang maq rümtlo. Liimaüta! Ngi ka ümchaü irawii roqtiichat ri wiibiingi she.

PHOWEBI 1:20

Mosheq raq aming kuq thütaq kra phan phan, Hebron chela ka Kelib ma kuqto. Kelib raq kra chela wa Anak saüsetiim wetsam jobaiqto.