JOSHUA 13:31 - ASII LAKDAP Bible (BSI)

³¹ Kiimaq Gilead wang wa khoko kra tiiham wanto, kiimaq Bashan wang wa Og hokhamwe nyungchong chela wiinai Ashtaroth chela nai Edrei chela kriimin lomtlii riito. Arthun chela arka Manase se Machir saüse phan ma chumkuqto.

Hawa Naga Bible 2001

³¹ Gilead mungx kholak nuiyc Bashan mungx hokhvmx waz Oga mungtan wawc ghaqyungx htenc rvtueq Ashtarot nuiyc Edrei ghaq muinz lomx tueq. Kvruex lotlaz kuex Manase saz Makhir taungx hez kholak muex vphvlx kuq ghaqphux ghaqruiy rvtueq.

JOSHUA 13:31 Referencias Cruzadas

1 KAÜWA WERAÜ 6:71

Gershon weraü phan ma achumkuq hiqshong thun ka, arthun chela ara nai kra tro na nyamse rümchang nyiimlung wakram thun kra pheakuqto: Manase phan sichang Shedong nü wang wa, ara chela thun ara chumkuqto: Golan chela, arka Bashan hong na, kiimaq Ashtaroth chela pheakuqto.

Tvtsvmc 60:7

Gilead wang ka ihiq, kiimaq Manase wang kiimin ihiq sii; Ephraim wang ka ihiq shong kiimaq Juda wang ka ihokham chongwai kii.

JOSHUA 12:4

Kiimaq tsangshiq raq Bashan wang Hokhamwe Og kiimin khat raüta tangto. Apaiq ka Rephaim phan wa atiisup hokhamwe she riito. Apaiq ka Ashtaroth chela nai Edrel chela rümtiwe riito.

JOSHUA 13:12

Kriithun mong niika, Rephaim phan wa atiithum hokhamwe, Ashtaroth chela nai Edrel chela langti Og hokhamwe raq langtaq mung thun kra wiita hamli riito. Tsangshiq ka Mosheq raq khat raüta tangto. Raüta jobaiqto.

JOSHUA 13:32

Ara Kanan mung wa Jeriko maq shedong nü wang nai Jordan rai tan arka, Mosheq raq apaiq ka Mob mung tan na sichoji na achumkuqthü riito.

JOSHUA 17:5

Kra ningkhan tiina, Manase saüsetiim ma, Jordan rai maq shenyap nü wang binjü wa, Gilead wang nai Bashan wang tiitsuq ma, hiq ka manroqshi hali chumkuqto.

JOSHUA 17:6

Jamkhano ngukla tsangshiq ka maiqwesere rii min kiimaq jechaksere rii min hiq ka chumkuqto. Gilead wang ka Manase phan weraü ahinti thun ma chumkuqto.

JOSHUA 9:10

Kiimaq apaiq raq Jordan rai maq shedong mung na siti, Amoraiqnok hokham wenai, Heshbon chela Hokhamwe Sihon, kiimaq Ashtaroth chela na siti, Bashan mung Hokhamwe Og, kra jamkho riitaq kra tsütsa ka taikai.

PHOWEBI 10:6

Israilnok raq thongshi ri hali Tatiwe man na ngarai ka tangto. Tsangshiq raq Baal phra thun nai Astartes phra thun, kiimaq Siria mungti phra thun, Sidon wangti phra thun, Mob mungti phra thun, Ammon mungti phra thun, kiimaq Philistain mungti phra thun shomnoq nongto. Tsangshiq raq Tatiwe ka miimbaiqto, raüta apaiq ka shomnoq mak she riito.

PHOWEBI 5:17

Gad phan ka Jordan rai maq shedong nü na shongto. Kiimaq Dan phan ka sangpholai na minshiiqto. Ashar phan ka khamjongkii na shongto; tsangshiq ka khamjongkii na chamtraq, shongto.

1 SAMUEL 12:10

Kriikha niishe tsangshiq ka Tatiwe man na hali khrum jaü hoqtrangto. Kiimaq akha nguto, ‘Naishiq raq ngarai tangkai. Jamkhano ngukla Tatiwe lei, naishiq ka ümwokhong wa juho laita, Baal phra sumla nai Astarte phra thun kra shomnoqkai. Naishiq ka rewe jaqkhon mong wa dokda kuq laq. Naishiq khupwong kuqlaq, raüla naishiq raq ümniishe mishom noqkai!’

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”