JOSHUA 13:3 - ASII LAKDAP Bible (BSI)

³ kiimaq riita shemai nü na Awim wang kra. (Ejip mung hiq rai na Shihor jürai maq pha raüta, shekhu nü wang na Ekron chela na saüli ka Kanannok hiq nguta ngutlo; Philistainnok hokhambi ka, Gaja, Ashdod, Ashkelon, Gath, kiimaq Ekron chela thun na sitlo.)

Hawa Naga Bible 2001

³ ghaqyaz kox wawc Awim ghaqphux lotlaz rvtueq. (Ejip mungx ghaqruiy nuex rvnvp shauk wawc Shihor ruilx maq Kanaan mungx nuex lomx yaq ghaqkhux kox wawc Ekron ghaq nuex httuiuc laz httax yaq, Philistin hokhvmx bix httax yaq Gaza, Ashdod, Ashkelon, Gad nuiyc Ekron ghaq htenc rvtueq.)

JOSHUA 13:3 Referencias Cruzadas

RAPHA HIQWA LAK 10:6

Hamsetiim thun ka arthun ara- Kush, Ejip, Libia, kiimaq Kanan riito. Arthun maiqphan arka tsangshiq lai ala phan mangponti riito.

RAPHA HIQWA LAK 15:18

Kiijiishetiq kra akhing na kiijaq Tatiwe raq Abram rai tong ka shongto. Apaiq raq nguto, “Ngi raq ümsaü ümsetiim ma armung thun ara tlotli mikuqha nguta kiq khamkuq tiikang. Arka Ejip mung hiq rai maq pha wan raüta Euphretis Rai kiina saüli miraq.

1 HOKHVMX 8:65

Kra Shomjam kiijaq, Solomon nai Israilnok mungmaiqse raq Lamjaptiip Poi kra ramiishi na saüli lang wanto. Kiijaq lom wan damti mungmaiqse phong ka pahea langlang riito. Tsangshiq ka maiqhiq luhea shekhu nü na Hamath pumchit na siti maq phaho raüta, shemai nü mung na Ejip mung hiq trai binjü na siti thun awarai riito.

1 KAÜWA WERAÜ 13:5

Krai mren, Dawit raq Israil mungti mungmaiqse ka barap se wa tiihea raüta, hiq mai nü na Ejip mung hiqrai na siti thun kriimaq phawan raüta hiq khu nü mung na Hamath pum kinchit na saüli, Tongshong Tek ka Kiriath Jearim chela wa Jerusalem chela na pikai miitu tiithungto.

ISAIA 23:3

khamjong re na piikiikai tiikilan. Ejip mungti püwong rikai nai atiishakai kiimaq maiq mung ahinti tlotli rai piikiikai tiikilan.

JEREMIA 2:18

Ejip mung na kilaüta jamlai liip wa milap haü? Nail rai kham nyangkai ngutiisha? Asiria mung na walaüta jamlai liip wa milap haü? Euphretis rai wa kham nyangwa ngutiisha?

TRI CHONGKE 2:23

Kiimaq Mediterenian khamjong chumkii wang thun ka khamjong mong wa Kret mung na siti alaü wan maiq phan riishe jiiwan raüta siwanto. Tsangshiq raq kra mung na shongti noktinok Awwim phan kra chongthum tiithenbaiqto. Raütiishe tsangshiq raq kra mung ka tlotli Gaja chela na saüli jiiwanto.)

JOSHUA 13:13

Shatmaq tiina, Israilnok raq Geshur wangti nai Maka wangti ka jobaiq lot mak dea riito. Tsangshiq ka ümchaü min Israil mung niili sitlo.

PHOWEBI 16:5

Philistain mungti hokham webiingi ka kriinyung phana kito raüta akha nguto, “Ümniiraq Samson ka laolaq. Laüta apaiq ningkun ka jamno rümtlaq kra tiichong laq. Kiimaq naishiq raq apaiq ka jamkho miranglot i, laita raü maq mikhalot i, kiimaq apaiq ka tiingathu atiimeshi min lot mak she mijamsha lot i. Naishiq khumtek raq ümniima kampho kamsii hingshi ri shishi mikuq kai.”

PHOWEBI 3:3

Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.

1 SAMUEL 5:1

Philistainnok raq Tongshong Tek ka lap raüta, Ebenejar chela wa tsangshiqnok hiq Ashdod chela niishe pihoto.

1 SAMUEL 5:10

Kra ningkhan tsangshiq raq hali, Tongshong Tek ka Ekron chela niishe tiithüwato. Kriimin Philistain mungti chela sii hali. Shatmaq kra Tek ka saüwa kiita, mungmaiqse ka akha sii trangto, “Tsangshiq raq Israilnok Shiikeawe Tongshong Tek ka nashiq wiita tseabaiq miitu, ajiishe pi thü wato!”

1 SAMUEL 5:8

Kra ningkhan tsangshiq raq tsütsa chongkaiti maiq tiikito raüta Philistainnok hokhambi webiingi ka adam na tiiheakito. Raüta tsangshiq ma waito, “Israilnok Shiikeawe Tongshong Tek ka nashiq raq jamkho miriirong i?” “Gath chela na pithü wa rongkiq,” nguta tsangshiq raq treto. Krai mren, tsangshiq raq Philistainnok hiq Gath chela niishe pithü wanto.

1 SAMUEL 6:4

“Apaiq ma jamlai kongphiq wa mitiiho wan rong i?” nguta nokwe raq waito. Tsangshiq raq treto, “Tsamtsi tha sumla chaq ngam maq biingi lo rong laq. Kiimaq chaq ngam maq juk sumla biingi, kriika Philistainnok hokhambi webiingi kra miitu achhuqchhuq riichang. Namshiq wiitarü khuthaq na nai hokhambi webiingi khuthaq na thabi tiiwataq kriika kra phanshi tha kli tiisaüto.