JOSHUA 13:25 - ASII LAKDAP Bible (BSI)

²⁵ Tsangshiqnok hiq rai mong niika, Jajar chela kiimaq Gilead wang wa tlotli chela thun kra, kiimaq Ammon mung wa Aroar chela na saüli riito; Aroar chela ka Rabba chela ma maq shedong nü na riito.

Hawa Naga Bible 2001

²⁵ Tsuingshiq ghaqphux kuex Jazer ghaq nuiyc Gilead mungx wawc ghaqyungx lotlaz, Rabba ghaq maq shaldungc kox nuex httax yaq Areora ghaq nuex httuiuc laz Ammon mungx kholak lomx tueq;

JOSHUA 13:25 Referencias Cruzadas

2 SAMUEL 11:1

Kriimaq rawii angu niishe, lamse sat choji niishe, hokhambi raq rekhat kaichoji na, Dawit raq Joab ka asengi ajong alabi rai kiimaq Israilnok phenlabi rekhatkai tiikito. Raüta tsangshiq raq Ammonnok khatto raüta tangto. Raüta Rabba chela ka trotam maq komwanto. Shatmaq Dawit apaiq ka Jerusalem niili haikito.

2 SAMUEL 12:26

Anü na Joab raq Ammon mungti nyungchong Rabba chela kra trotam miishe kom raüta ajiiwan changli she riito.

2 SAMUEL 24:5

Tsangshiq ka kiho raüta Jordan rai ka jinto. Raüta Aroar chela maq shemai nü tho na piitiip teito. Kra chela ka kinheawea tan na Gad wang na. Kriimiishe tsangshiq ka shekhu nü na Jajer chela kiina wato.

1 KAÜWA WERAÜ 26:31

Jeria ka Hebron saüse phan khuthaq na wela shongto. Dawit hokham jaqsham ka rawii roqblai she shamto angu na, Hebron saüse phan wa maiq aweraü manphan kra sidi konchon raüta, tsangta wa srea nolajongbi siisaq Jejer hiqshong na Gilead wang na asi humto.

1 KAÜWA WERAÜ 6:81

Heshbon chela, kiimaq Jajer chela thun kra pheakuqto.

ISAIA 16:8

Heshbon chela tho na wakram thun ka kiimaq Sibma chela wa spiqro sonruk thun ka wiita she tiithen baiqto. Ara spiqro sonruk arwa spiqtsi maq che aklo wan thun kra mangjong hiq wa hokhambi thun kra ngeasea wan chang riito. Akhing ashi na kra spiqtsiro sonruk thun ka kai chet wanto. Raüta Jajer chela kiinataq saüli riinyiim wanto. Kiimaq shedong mung nü nü niika kumtsaiphii rumnyangkhi wang binjü thun kra wiita nyam wanto. Kiimaq shenyap mung nünü niika Amaa khamjong chumkii wang kiina saüli nyam wanto.

ISAIA 17:2

Siria mung wa chela thun ka pattup miitu maiq raq amiim she mirbaiqthü. Kra jamkhü thun ka skukong nai jam nyamsekong haisea chang nyiimlung rü miishe mijaki. Kra nyamsekong ka jobaiqti ka jumin ahüshe miraq.

JEREMIA 48:32

Ngi ka Sibma chelati miitu ka Jajer chelati miitu thaq na apa mihoqha. Sibma chelati lei, namshiq ka spiq tsung, akü ako thun ka luhea na saüli Amaa khamjong chum kra tlea phok phok raüta, Jajer chela na saüli jongtlaq ikha sitlan. Shatmaq ümchaü ka ümtsi raju ji na tsitlaü kra nai spiqtsi thun ka tiithen baiqto she.

EJEKIEL 21:20

Lamshiti kitlaq kriika hokhamwe ma Ammonnok mungti chela Rabba nü na kai lam miraq. Kiimaq lam ashiti ka Juda mung nü na kiitelong maq rukje, Jerusalem na kailam miraq.

AMO LUIK DVP (AMOS) 1:14

Arningkhan ngi raq Rabba chela, rekhat wa maq bunlak michaq ha, kiitelong peruk weshaü wiita, wa maq bunlak michaq ha. Reriikhat wan agi asii ramok rachhai, rahai haijong ikha miraq.

WEAWEA 21:32

Kiimaq Mosheq raq siwebi ka Jajer chela khat wan chang lam kra siwa tiiwato. Israilnok raq kra chela ka khatto. Raüta jiiwanto. Kiimaq kra tro wa chela thun kra jiiwanto. Kiimaq kiijaq siti Amoraiqnok ka wiita jobaiqto.

WEAWEA 32:35

Atroth Shophan chela, Jajer chela, Joqbeha chela,

TRI CHONGKE 2:19

Kra riihantiq namshiq ka Lot saüse phan Mobnok shongtlaq hiq rai tho tho na mirhan. Tsangshiq ka naq niq siq wan rongkiq. Riimakla tsangshiq rai ka naq riikhat rongkiq. Jamkhano ngukla Ngi raq tsangshiq ma hiqshong kuqkang kra wiika namshiq ma phushi min chumkuq mang she.’”

TRI CHONGKE 3:11

(Hokhamwe Og ka Rephaim phan wa atiithum hokhamwe riito. Apaiq maa thü chang ka longtek kaü riito. Kriika alu nü na mitar blai kiimaq ajong nü na mitar nai riito. Arka kriipat na langtlaq shinchang maq chongtlo. Kriika ümchaü min Ammoraiqnok hiq Rabba chela na sishat li.)

JOSHUA 13:11

Kra thun ka Gilead wang binjü kra, Geshur wang binjü kra, kiimaq Maka wang binjü kra, kiimaq Harmon Pumji wang binjü thun tlotli, kiimaq Bashan wang binjü tlotli, raüta Saleka wang binjü na saüli.

JOSHUA 13:24

Mosheq raq kra mung wa panshi ka Gad phan weraü maiqta thun mimin, tsangshiq rii tachong hiqshong chumkuqto,

JOSHUA 13:26

Tsangshiqnok hiq ka Heshbon chela maq riita Ramath Mijpe chela na saüli, kiimaq riita Betonim chela saüli, kiimaq riita Mahanaim chela na saüli, kiimaq riita Lodebar binjü hiq rai na saüli riito.

JOSHUA 21:39

Heshbon, kiimaq Jajar chela thun ka, kriithun tro binjü wa nyamse rümchang nyiimlung wakram nongnong pheakuqto.

PHOWEBI 5:17

Gad phan ka Jordan rai maq shedong nü na shongto. Kiimaq Dan phan ka sangpholai na minshiiqto. Ashar phan ka khamjongkii na shongto; tsangshiq ka khamjongkii na chamtraq, shongto.