JOSHUA 13:22 - ASII LAKDAP Bible (BSI)

²² Riita Israilnok raq tsatbaiqtaq phong niika Beor se, jaqliiti shammiwe Balaam kiimin tsatto.

Hawa Naga Bible 2001

²² Israel miqsaz rueq thvt gay tueq hez kvyuq Beor saz luinglawc jix Balam muinz lomx tueq.

JOSHUA 13:22 Referencias Cruzadas

WEAWEA 23:23

Mintin riimin, awuq raü min, Israil mung thaq na tailot mak. Ümchaü maiqse raq Israilnok miitu akha mingu, ‘Liironglaq Shiikeawe raq jamlai wa shamtaq kra!’

WEAWEA 24:1

Kra lak niika Tatiwe raq apaiq nangnga Israilnok ka shiiman ke raa dongdii nguta thaütlo nguta Balaam riimin asap wishe riito. Kra ningkhan apaiq raq kongkhu lak na kiikha lang liimak she riito. Apaiq ka kumtsaiphii wang nü nü kiina liito.

WEAWEA 24:14

Kiijiishe Balaam raq Balak ma nguto, “Ümchaü ngi ka inok ita phana wa wan she. Shatmaq ngi miwa wanha shaq na, ngi raq rawiichiiji na Israilnok raq ümsenginok ma jamlai wa miraq kra, ümniima honlam bom chong kuq pha.”

WEAWEA 31:8

Midian mungti hokham webiingi kiimin nong nong: tsangshiq ka Ewi, Rekem, Jur, Hur, kiimaq Reba. Kiimaq tsangshiq raq Beor se Balaam kiimin tsatto.

JOSHUA 13:23

Reuben phan ma achumkuq shenyap mung nü wa hiqrai ka Jordan rai maq raito. Ara chela thun nai hiqshong thun arka Reuben phan ma tachong hiqshong achumkuq riito.

2 Peter 2:15

Arot shrabi raq tengteng Tsütsa Ahea lamphan ka baiq thiito she. Raüta lamjiq niishe miihoto. Tsangshiq ka Beor se shammi we Balaam jai phan lamjiq nü na kihoto. Balaam raq kampho ma sü ma ngarai lam na kaiho ka atsan tiikan mak riito.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.