JOSHUA 10:4 - ASII LAKDAP Bible (BSI)

⁴ “Ana warong ra; Gibeon chela khat ma ngi khrum warongkiq. Jamkhano ngukla tsangshiq ka Joshua nai Israilnok rai wehea she riija wanto.”

Hawa Naga Bible 2001

⁴ “Gibeon ghaq wuinz kuex Yoshua nuiyc Israel miqsaz rulc nomic rvyaungc luik wuiyq taq tueq ningkhvnc nuex Gibeon ghaq kuex khvt tvkoc ngaz muex romc kuq kaz luit,” ngoz tueq tvjungc kaz tueq.

JOSHUA 10:4 Referencias Cruzadas

Matthew 16:24

Kiijiishe Jesuq raq ajaqshisetiim ma chongto, “Jurwa i jai phan wan ro tlaq, kriiti raq maiqmii khum ka alaq riibaiq raa.

John 15:19

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.

Acts 21:28

Tsangshiq raq, “O Israilnok singmung maiqse lei! Warong ra lii! Arwe ara tiinin tlo rong i!” nguta gitrang wanto. “Arwe ahata barap binrii na waraüta nokmaiqse tarü ma, Israilnok mung thaq na, Mosheq Thungtri thaq na kiimaq ara Shomjam arthaq na, ashut riiqkhiq traho bomchong kewanti we. Kiimaq liirong laq, ümchaü min apaiq raq Pongnok phan maiqsetiim ka ara Shomjam mong na shea wan raüta, ara Asii Shomjam arka tiisheshi baiq wantlo!”

2 Timothy 3:12

Jurwa Jesuq Khristo wokhong na, kechu rilung siwan miitu shiichaq tlaq, kriiti ka mitiichamchao dongdii ngushat.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

JOSHUA 10:1

Jerusalem hokhamwe Adonijedek raq, Joshua raq Jeriko chela ka khat raüta tiithenbaiqto kiimaq kiiwa hokhamwe ka tsatbaiqto, kiikhiisii hali, Ai chela ka khatto. Raüta tiimiqchup shiithen baiqto, kiimaq kiiwa hokhamwe kiimin tsatbaiqto nguta tsütsa ka taito. Kiimaq apaiq raq Gibeon chelati riika Joshua rai tongshongto, raüta Israilnok rai wehea jaraüta, tsangshiq rai adam niishe sitlo nguta tsütsa ka taito.

JOSHUA 10:5

Krai mren, Amoraiqnok hokhambi webiingi, Jerusalem hokhamwe, Hebron chela hokhamwe, Jarmuth chela hokhamwe, Lakhish chela hokhamwe, kiimaq Eglon chela hokhamwe, thun ka adam na pong raüta, tsangshiq phentu kra shea raüta Gibeon chela ka khat wanto. Raüta Gibeon chela ka komtam maq khehoto.

JOSHUA 9:15

Joshua raq Gibeon hiqti rai phuno riija tongshongto. Tsangshiq ka khat mak tiisito. Kiimaq Israilnok welabi riimin phuno riija tongshong tri ka samhea mithü rong i nguta phumram kham maq batkuqto.

1 Peter 4:4

Kiimaq ümchaü akhing na, namshiq raq ara chongtiikai thun ranyaq rilung lamphan na, thatsang maiqse rai pongdam man she riikanta, tsangshiq ka awang li she riitlo. Kiimaq tsangshiq raq namshiq ka ashummii li she riitlo.

Revelation 16:14

Tsangshiq arka abi winji, awang chang jaqshamti. Ara abi winji atsam arka mangjong hiq hupli na kihoto. Raüta mangjong hiq na hokham bi thun ka adam na triitam raüta Phangthum Khapho Ajong Ranaiq na riikhat wan miitu she tiije ho tlo.