JOSHUA 10:13 - ASII LAKDAP Bible (BSI)

¹³ Krai mren rashekaü ka, rajam na khingkito, kiimaq jipikaü min khingkito, Israilnok raq rekhat ka mithum shaq wiiwii, Arbomtsi arka Jashar lakdap na waiqthüto. Rashekaü ka rajam na khingkito. Ranaiq shi tinkhit rashekaü ka chawan mak dea riito.

Hawa Naga Bible 2001

¹³ Israel miqsaz rueq ralx htenc kuex taungx gay lot tueq nuex httuiuc laz, shalx nuiyc yapix kuex khuemx muq maq thauk kaz wuez tueq. Kvruex lvmz kuex Jashar luik nuex wuiyq shec tueq. Shalx kuex khuemx muq raungnuiyq nuiyq tuimc thauk kaz tueq.

JOSHUA 10:13 Referencias Cruzadas

2 SAMUEL 1:18

Kiimaq arka Juda mungti ma shrinke ratlo nguta aming kuqto. (Ara majo shi arka Jashar Lakdap na waiq thüto.)

2 HOKHVMX 20:10

Kiijiishe Hejekia raq treto, “Atsaiji ka khaki nü na kiimroq shi tiiwa ka aje! Arkha na atsaiji ka jai nü na kiimroqshi tiiwa laq.”

ESTHAR 8:13

Riita ara aming lak arka mung na tri raü ashi shelii nguta, mungmaiqse kunli raq wangtekti raq sap wan raa tlo nguta chongto. Krai mren Jehudinok kiimin kra rekhat wan ranaiq na tsangshiq jaqtibi thun kra khat wan miitu khekham maq siwan chang miraq nguta barapse na chüriim raüta tiitai chongto.

YOBA 9:7

Apaiq raq rashekaü ka tiidong mak mithü lot, kiimaq raiqsaiq thun ka rawa na tiili mak mithü lot.

Tvtsvmc 148:3

Apaiq tiitsam ronglaq, rashe jipi raq; apaiq tiitsam ronglaq, achhai anyii raiqsaiq phong raq.

Tvtsvmc 19:4

li jiimin tsangshiq raq achongho tsütsa ka mangjong tlotli na saütlo raüta hiqraikhü hamli raq taitlo. Shiikeawe raq rashe kaü miitu ra jam haikuqto;

ISAIA 24:23

Jipi li ka amo she mirwan. Raüta ra minyaqki. Kiimaq rashe ka kiimak she miraq. Jamkhano ngukla Tati Ajong Pinthumwe ka hokhamwe miraq. Apaiq raq Jajon pum na atei Jerusalem na ngaraüta mung mipeng. Kiimaq mungmaiqse pengti tuwe jongbi raq apaiq khushü ka michhi.

ISAIA 38:8

Hokhamwe Ahaj raq haitaq rashe akhing thichang hiqkhu na tsaiji nyam ka, Tatiwe raq hiq khuphi roqshi kra jai na hali mitiijang baiq nong.” Krai mren rashekii tsaiji nyam ka kiimroqshi jai na tiisot kito.

Yoel 2:10

Tsangshiq longwan kiijiila hiq atiikhai banban. Ra dea min atiikhai banban lishe. Ra min kiikuq mak she. Jipi min likuq mak she, ranyaq tangtang lishe. Raiqsaiq dea min chhaikuq mak she.

Yoel 2:31

Ara pinthum phiiptsi chang nai kiinyiichang Tatiwe ranaiq misaü shaq na, rashekaü ka minyaqki. Jipi min tiijai ikha miklaiki.

Yoel 3:15

Rashekaü kaü min kiimak she, jipikaü min limak she. Ranyaq tangtang li she. Raiqsaiq thun min chhai mak she.

HABAKUK 3:11

Rachhai ralüp watrang ka ümliq sinkii, piqjong atiijo phii ikha; rashe jipi thun min ra na wiita, khing kito.

WEAWEA 21:14

Arningkhan, Tatiwe Rekhat Thun Lakdap na chongtlo “…Waheb chela ka Supha wang na, kiimaq hiq thung tan thun kra; Arnon Rai kra,

WEAWEA 31:2

“Midiannok raq Israilnok ma jamlai wa riitaq kriikha na tsangshiq ma mo tiiholaq. Ümniika kra jaqsham lot laütiitiq mitsai haü.”

Matthew 24:29

“Kra tha wa chamchao rahiq akhing kra lea wan jai tiijo rotli she, rashe ka anyaq mirki; jipi kiimin li mak she miraq. Raiqsaiq thun ka ra wa adea mirwan. Kiimaq ra mong nyang na siti ningkun thun kriimin tsangshiq khumchang lam kiiwa naüshaü shaü she minaü baiq.

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Luke 18:7

Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Acts 2:20

Rashe kaü kiimin anyaq she mirwan. Kiimaq jipi kaü kiimin tiijai ikha shiiroro mishiiki. Arthun ra nai hiq brak wan akhing saü wan arka, Tatiwe Ranaiq saüho miishe mibrak pha wan.

JOSHUA 10:11

Kra akhing na, Amoraiqnok ka Israilnok phenlabi ma hai ma pumchit nü kiina lamhong wiilü juto. Tsangshiq ka kra lamhong binjü na ajurai kiiwa, Tatiwe raq rathaiq nai tsak-hiiq jonghea hea po trok raüta tsatto. Kra tsakhiiq rok raq tsangshiq ka Ajeka chela na saüli tiiqbaiqto. Tsangshiq ka Israilnok jaq na tsaitaq kra thaq na tsakhiiq raq tiiq raüta apako jiimto.

JOSHUA 10:14

Tatiwe raq maiqse achu jaü akha treke wan arka, man niimin tai wan mai, kiimaq jai miimin akhiika tai wan mai miraq. Arka Tatiwe apaiq raq Israilnok re ka khat kuqto!

Revelation 21:23

Kra chela miitu rashe kii nai jipi li min raa mak she. Jamkhano ngukla, Shiikeawe khushü ngao kriili liliim tlo. Kiimaq Skuse ka chela miitu wanii tu.

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

Revelation 6:12

Kiimaq, Skuse raq sil atrap trok ngoja kriishe tiibun raüta linto chhikang. Kra linri, hiqjong mu jonghea muto chhikang. Kiimaq rashe kaü ka khea nyaq thum maq apang baiq ikha nyaqdok, ranyaq tangtang nyaqkito chhikang. Kiimaq jipi kaü ka tiijai ma anyuk rat ikha, shiidangdang she shiikito chhikang.

Revelation 8:12

Kiijiishe, rase blai ngojati riishe alerong ka tsüto. Kra tsükiita rashe kaü ka mantsam wa manshi thento. Kiimaq jipi kiimin mantsam wa manshi kiimaq raiqsaiq diim tlaq kiiwa min, mantsam wa manshi rii ka thento. Krai mren, tsangshiq liliim kiimin mantsam wa manshi ka anyam she riikito. Krai mren ranaiq shi ka mantsam rii wa manshi rii ka rawüli ahü she riito. Kiimaq rawa ka mantsam wa manshi rii ka aliliim ahü she riito.

PHOWEBI 16:28

Kiijiishe Samson raq akha achu jaüto, “Ajong pinthum Tatiwe lei, mangchan laüta, ngi ara ümtsan na tiitsang laq. Mangchan laüta, Shiikeawe lei, ngi ma iningkun ka jangshiri kuq nonglaq. Philistainnok raq imakpo wiinai latbaiqtaq kra tham atiithum jangshi iphuk lampha shaq.”

PHOWEBI 5:2

Tatiwe tiitsam laq! Israilnok ka re khatkai, shairang chapto; mungmaiqse kiimchii maq, tiido rang rang chapto.