John 5:3 - ASII LAKDAP Bible (BSI)

³ Kra lam thun kriijaq maiq atsi asiti thun ka pahea, riiphong riirong bum raqraq. Makchuk jaqmii, akü ashii, kiimaq ahan amaa arkiti thun ka kiijaq asi riito.

Hawa Naga Bible 2001

³ Kvruex chox tap kvyuq vthuiuz vsac jix nuiyc muik mawz jix, yaz kuix jix, gvnz maungx jix miq paunghvlc httax yaq.

Muklom

³ Eshina daqhan ataksa, miikduk, jakung, etho jak ajaa may thamot moq miqtang aa jungmot tha tungmang eq tong ta.

John 5:3 Referencias Cruzadas

1 HOKHVMX 13:4

Hokhamwe Jeroboam raq kra ngo ka tairaüta, ajaq shi maq apaiq ka tiq shuk raüta, “Kriiwe ka lap rong laq!” nguta aming kuqto. Shatmaq maklii liipan niili hokhamwe jaq ka amaa ma jaki saq riito. Krai mren apaiq raq ajaq ka akhum na tiijang hit wanlot mak she riito.

TAKSU LAK 8:34

Jurwa i bomchong taitlaq, kriiti ka khoqriiq shishiiq misi. Jurwa ijam kilam chong na ngashat maq, wranaiqshe khe raüta sitlaq, kra chochikhiq misi.

AJONJÜ 3:26

Arningkhan nashiq ma ahea pinthum ka, tsankhun tsanmin maq bumlaita, apaiq raq nashiq tiichhii wan ranaiq tiihongtaq, kra ranaiq saükai kli she khe rong i!

JEKERIA 11:17

Bangbang sku rümtiwe raq mra milap! Apaiq raq askukong wiita tiishaü baiqto! Redong raüjaq apaiq ningkun mithen. Ajaq phum ka ashin mirki. Amak maktsi nü ka amiishe mirki.”

Matthew 15:30

Kiijiishe maiq kong ka pahea pahea apaiq phana wato. Tsangshiq raq maiq atsi asiti hokkü, makchuk, akü ashii, nütang kiimaq phan phan thup atha tsisiti maiq pahea kra shea wan raüta, Jesuq jichong na phong kuq wanto. Kiimaq Jesuq raq tsangshiq tarü tsisi thun kra wiita chhintsii kuqto.

Matthew 4:24

Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.

Luke 7:22

Kiijiishe, apaiq raq Johan tsasoqtiwe nai kiima bom ka akha chongkuq raütiishe tiiwato, “Namnai ka Johan phana jang wan nong ronglaq. Lanta, namnai mak maq jamlai phan jaqsham kaiwa wa chhitai lan kra thun ka, apaiq ma chong wan ronglaq: makchukti riimin chhi nong tlo she; hokküti kiimin akhum she riinong tlo; thabi tsi chamchao rai tliiti thun kiimin wiita tiisii hekuq wan tlo she; ni biiti riimin maiq bom tai tlo she; maiq ka amaa wiimin tiijang wan nongtlo she; kiimaq Tsütsa Ahea kra miitsan maiqse ma chongkuq wantlo.

John 5:2

Jerusalem na Sku Walam Kilü ngutlaq kra tho na thamchum ashi asi. Kra thamchum kiina, maiq khumchang lam ka biingi asi. Kra thamchum mang ka Jehudinok bom maq Bethjatha ngutlo.

John 5:4

Jamkhano ngukla akhing khing na Tatiwe rase ka thamchum na satki lili raüta kham ka tiibrak tlo. Raüta atsiti juwa thamchum tiimejai na sinkhu na thamchum mong na satkitlaq kriiti thatsi ka heakitlo.

Romans 8:25

Shatmiitiq, nashiq raq na mak maq, jamlai phan wa chhi mai sitlaq, kra phan kra miitu, nashiq raq ran tsantsii thü wan tiikai. Ara ran tsantsii thü wan tiikai arka, mongngam maq milap wan rong i she dongdii nguta, tsan tiibum laita khewan tiikai.

James 5:7

Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.