John 5:2 - ASII LAKDAP Bible (BSI)

² Jerusalem na Sku Walam Kilü ngutlaq kra tho na thamchum ashi asi. Kra thamchum kiina, maiq khumchang lam ka biingi asi. Kra thamchum mang ka Jehudinok bom maq Bethjatha ngutlo.

Hawa Naga Bible 2001

² Yerusalem ghaq wawc khelbuenx kaluix hep nuex Hebre kvjaz maq Betzatha ngoz yaq yuix jumx vshiz httax yaq. Kvyuq chox tap bv-ngac guirx taq tueq.

Muklom

² Jerusalem na Kelwut Kalung relthina jung bung angta, bara Hebrew raaq na Bethzatha ta raaq aa. Eshina banga nángtong him angta.

John 5:2 Referencias Cruzadas

NEHEMIA 12:39

Kiimaq, kriiba miishe ka, Ephraim Kilamchong, kiimaq Jeshana Kilamchong, kiimaq Ngiq Kilamchong, Hananel Kongmong Chong, kiimaq, laita Shishi Kongmong Chong, kiimaq riitiishe Sku Kilamchong nü kiiniishe khum wan kai. Laitiishe, naishiq raq chela ruk tro na khum wankai kriika, Shomjam tiinap tho na Kilamchong ashi, kra jiishe tiisup wan kai.

NEHEMIA 3:1

Riita, ara chongtiikai chela tro wa ruk thun kra, akha tiihea hai wankai. Ramwe ajong pinthumwe Eliashib nai apaiq kongtitiim riika, Sku Kilam ba kra tiiheato. Raüta kriiba ka Shiikeawe ma kiinong kuqto. Raüta kilü thun ka aheawiq she tiihongto. Tsangshiq raq khetuk long ruk Sku Kilam Chong maq phaho raüta, Shishi Longkham Tiipse nai Hananel Longkham Tiipse ba na saüli tiihea haito. Ruk kra tiihea hai lot jai she, tsangshiq raq kriiba long ruk ka achu jaü raüta Shiikeawe ma kiinong kuqto.

NEHEMIA 3:32

Kra jaqtho miika, chaq aseng lotibi nai laopanbi raq tiihea haito. Tsangshiq riika, ruksiim tapshok ba na khok sitlaq kiimaq pha raüta, Sku Kilamchong ba kiina saüli haito. Arka ruk tiihea hai jaqsham wiqkhikha tiithum shat wan chang ba riito.

ISAIA 22:11

chela mong na khamchum chü wa kham kitlaq kra je ma nguta khamchum ashi thülan. Shatmaq namshiq raq Shiikeawe ka broriiman riilan. Apaiq raq arthun arka man na rathup niiphü tiihongtha wan jeshe riito. Kiimaq apaiq raq arthun mra ka tiipin wanto.

ISAIA 22:9

Namshiq Jerusalem chela tro kiitelong ruk thun kriika bashishi na atiihea chang sitlaq kra chhilan. Namshiq raq Jerusalem wa jam thun ka wiita sidi liiwanlan. Lantea jam wiijam ka asiiq riibaiqlan. Lantea kiiwa kiitelong thun ka lam lanta chela tro ruk kra tiihea hailan. Kriika kham riichom ma nguta klolan,

John 19:13

Pilat raq kra bom ka tai raütiishe, Jesuq ka kinphai na tiisheaho nongto. Raüta, apaiq ka phowe ngachang, “Longkaü damsii” ngutlaq kiijiishe ngato. (Hibru bom maq kra mang ka “Gabbatha” ngutlo.)

John 19:17

Jesuq raq apaiq pumsongkham kra piraüta chela phai na, “Khurii Hiqlam,” nguta hiq bashi kiina saüli kihoto. (Ara hiq ba ka Hibru bom maq Golgotha nguta ngutlo.)

John 19:20

Jesuq tübaiq chang hiq ba kriika chela tho niili riito. Kriikha maq, ara kha nyantaq raüpot bomtsi arka, Jehudinok pahea raq phatto. Kra raüpot ka Jehudinok bom maq, Letin bom maq, kiimaq Griknok bom maq waiq raüta thüto.

John 20:16

Kiijiishe, Jesuq raq amang chong raüta, “Meriq,” nguta bomdamto. Kiijiishe, Meriq raq apaiq phanü na nyisaq raüta, Hibrunok bom maq, “Rabbuni,” nguta apaiq bom ka treto. (Ara liichum ka shrinketi we nguta ngo.)

John 5:3

Kra lam thun kriijaq maiq atsi asiti thun ka pahea, riiphong riirong bum raqraq. Makchuk jaqmii, akü ashii, kiimaq ahan amaa arkiti thun ka kiijaq asi riito.

John 7:21

Kiijiishe, Jesuq raq tsangshiq bom ka treto, “Ngi raq awang chang jaqsham ashi ka sham phata, kra chhi lanta, namshiq ka kai awang riiwan lan.

Acts 21:40

Krai mren, kra siihiipjong we raq Paul raq mungmaiqse ma bom chongke miitu akhing she kuqto. Kiijiishe Paul raq long hiqkhuphi na chap raüta, ajaq ka ra na do raüta, mungmaiqse ma heashi sang rong liishaq nguta ajaq maq japto. Riita, kra chhi raüta, mungmaiqse kiimin sangrang she sangkito. Krai mren, Paul raq Jehudi bom miishe arkha nguta mungmaiqse ma traho bom she chong kuq phahoto:

Revelation 16:16

Kiijiishe, winji thun raq hokham bi ka adam na Hibru bom maq Armageddon nguta hiq bashi asi kiijaq hokhambi ka tiithungto.

Revelation 9:11

Tsangshiq thaq niika hokham ashi asi. Tsangshiq hokham we ka hiqbikho rümti rase sitlaq kra. Apaiq mang ka Hibrunok bom maq Abadon ngutlo. Kiimaq Grik bom maq apaiq mang ka apolion (kra liichum ka “Ashthenti we”) nguta chongtlo.