John 3:18 - ASII LAKDAP Bible (BSI)

¹⁸ “Jurwa Ase ma kamtlaq, kriiti ka tiishut mak she. Shatmaq, jurwa Ase ma kam mak, kriiti ka atiishut baiq wishe. Ara jamkhano chong tiikai ngukla, apaiq raq Shiikeawe Se, sekhuq laqlaqse ma kam mak.

Hawa Naga Bible 2001

¹⁸ Vsaz muex kvmluimx jix waz kuex vphoc rvhumc muq, kvmluimx muq jix waz kuex Tishox Saz pumshiz waz muex kvmluimx muq ningkhvnc nuex majuiuc doc muinz vphoc rvhumc yaq.

Muklom

¹⁸ Utang eq piq ma han aa, piq ma khaphung ahung, etharin utang eq piq ma han moq piq sha khaphung chol sey; chammatakoi ning aa Shkewa Miqwasa ashey dang o han moq angta.

John 3:18 Referencias Cruzadas

Mark 16:16

Jurwa Tsütsa Ahea kiima kamwan tlaq, raüta kham lam wan tlaq, kriiti ka mitiichhii wan. Jurwa Tsütsa Ahea kiima kamwan mak, kriiti ma kha mitiiho.

John 1:12

Li jiimin la, maiq wiijamti raq, apaiq ka tao wanto. Raüta, apaiq ma kam wanto. Krai mren, apaiq raq tsangshiq ma Shiikeawe setiim ma jawan miitu, arang kuqto.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

John 3:36

Jurwa Ase ma kamtlaq, kriiti riika pattup pat-sa rilung ka alap wishe. Shatmaq, jurwa Ase kiq khü tlaq, kriiti riika pattup pat-sa rilung ka lap lot mak. Shatmaq, Shiikeawe manson nai apaiq mo kra hophaq raütli she misi wan.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

John 6:47

Ngi raq chongtiikang arka tengteng: jurwa ngi ma kam tlaq, kriiti riika pattup pat-sa rilung alap wan wishe.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Romans 8:1

Riita, ija ümchaü sanha, ara chongkai thun bom raü shat wan ka akhiishe shat wan i na. Juwa Khristo Jesuq rai pumshi hanshi miishe sitlaq, kriiti miika, Shiikeawe raq kha ka nyan mak she.

Romans 8:34

Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

Hebrews 3:19

Riita, ümchaü arjaq chong tlaq arwiishe, nashiq raq chhi tiikai. Tsangshiq ka Shiikeawe raq, tsangshiq ma akuq Kanan hiqshong mungtan na saülu mak miili, lamkampii maq jiim rai wanto. Tsangshiq ma akuq maiqmii mungtan na saü mak dea jiim raitaq kriika, tsangshiq raq Shiikeawe bomchong kra taishatshat taü maq, lang mak ngiimtaq kriikha na tsaito nguta chong tlo.

1 John 3:23

Shiikeawe raq nashiq ma, Ase Jesuq Khristo ma kam raa tlo nguta, aming kuq tlo. Laita nashiq nai nashiq liipan na, riilung riiwii maq siraa tlo nguta aming kuq tlo. Arka Khristo raq nashiq ma aming kuqtaq irsii li.

1 John 4:9

Shiikeawe raq nashiq ma, apaiq lungwiitsii ka tiichhike miitu, Ase sekhuq laqlaq se ka ara mangjong hiq na tiikito. Kra tiikitaq ka Ase pum lümaq, nashiq raq rilung milap laq nguta tiikito.

1 John 5:10

Riita, ara chongtiikai arai mren, jurwa Shiikeawe Se miishe kam tlaq, kriiti tsan mong niika, ara hakhi atsam ara asi. Shatmaq, jurwa Shiikeawe ma kamwan mak riitlaq, kriiti riika, Shiikeawe ka arot we miishe tiija baiq tlo. Jamkhano ngukla, Shiikeawe raq Ase miitu tengtlaq bomtsi chong tlaq kiima, apaiq raq kam mak.

1 John 5:12

Jurwa Ase puk na nyap raüta sitlaq, kriiti riika ara rilung arka lap wanto she ngushat. Shatmaq jurwa Ase puk na nyap wan mak maq, kriiti riika ara rilung arka, lap wan mak dea ngushat.