John 3:19 - ASII LAKDAP Bible (BSI)

¹⁹ Shiikeawe raq mangjong maiqse shin chang kappe ka ara: Rawü ka mangjong hiq na saükito she. Shatmaq, mangjong maiqse raq ranyaq mong na si kli lungwiitlo. Kra jamto lungwiitla ngukla, tsangshiq ka ashut jaqshamti kha maq lungwiitlo.

Hawa Naga Bible 2001

¹⁹ Vphoc rvhumc yaq lvmx kuex vkhoc rvtueq; raungwuic kuex mungkawx nuex httuiuc kaz tueq, yuq muinz miqsaz kengx vlayx honc vbac ningkhvnc nuex, tsuingshiq rueq raungwuic htauk nuex jvnc vtueq raungnyauk kuex lungwawx wuez yaq.

Muklom

¹⁹ Khaphung raa irimal: alit mingkang náng katapha, etharin miqtang alit phey náng eq anak shima nukta, chammatakoi ning jaksom tha rapney jashit angta.

John 3:19 Referencias Cruzadas

TAKSU LAK 2:13

Kechu rilung lamphan baiqthü raüta, ngarai thiikho bok na dea wanti, maklii wa mitiichhii kuq wan.

LEWI 13:10

Apaiq raq kriiwe khum ka mishri ra lii. Riita kriiwe khum wa ami ka lüdiidii akhü na mitlaq jiila, raüta ami ba wa abin thun ka lüdiidii la jiila, kiimaq kra ami ba ka atsam asi jiila,

JEKERIA 14:19

Kra chamchao thadong ka Ejip mungti nai maiq mung ahinti ümchu riiwa Jolitiip Na Jap Poi lang dam makti, khuthaq na mitiisaü.

Luke 12:47

“Atijong we raq apaiq ma jamlai jaqsham achong wa, kra sapshat shat taü miimin, kra jaqsham tiije mak maq haisea wanti jaqshise kriika, atijong we raq amo tsihea mitiiho.

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

John 1:4

Apaiq ka rilung rangchong. Kiimaq ara rilung raüchong arka mangjong maiqse ma rawüli.

John 1:5

Ara rawüli arka ranyaq nyang mong na siti maiqse ma liliim shatli liliim tlo. Ara rawüli arka ranyaq watlaq kra raq, nyam wan lot mak phan.

John 12:31

Ümchaü arshe, mangjong maiqse khapho akhing ka. Ümchaü akhing ara mangjong hiq rümti we kra tiidea baiq akhing she saü wato.

John 12:43

Ara jamkhano chongtiikai ngukla, tsangshiq ma mungmaiqse raq, ‘ümniidea ahea’ nguta shomra riiwe kriika Shiikeawe raq, ‘ümniidea ahea,’ nguta ngo kriithaq na athii atsin nguta lungwiitlo.

John 12:46

Ngi ara mangjong hiq na kikang arka, maiqse ma rawü tli kekai nguta kikang. Krai mren, jurwa ngi ma kam tlaq, kriiti ka ranyaq nyang na simak she miraq.

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

John 7:17

Maiq ümriiti riiwa Shiikeawe raq athithi na jaqsham kli lungwii tlaq, kriiti raq ara ngi raq shrinkuq tiikang traho bomtsi arka, Shiikeawe aming miisha chongkuq tiikang, sha ngi raq maiqmii arang miiwa chongkuq tiikang, kra mitak lot.

John 7:7

Phiijawa raq namshiq shulii chang lamlu ka ahü. Shatmaq, ngi ka tsangshiq raq shulii tlo. Arka ngi raq tsangshiq ngarai lamphan ka abi nguta chongkuq tiikang kriikha maq ngeng tlo.

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

John 9:5

Mangjong hiq na ngi sitiikang bala na, mangjong maiqse ma rawü li ka ngi.”

Romans 1:32

Tsangshiq raq Shiikeawe tri na, akha ngarai tang wantibi ka, atsai lam mirhum nguta chong tlo nguta kiimin asap. Kra sapshat shat taü maq dongdii min, tsangshiq raq ngarai thun kra tang wan ruq miili sitlo. Kli min riimak; nanok ahinti raq ngarai klo tlaq, kriimin asom li riidam tlo.

Romans 2:8

Shatmaq, maiq wiijamti riika, tatso niq wan kli, kiimaq tsangshiq raq tingting lamphan kra baiq thü raüta, ajiq lam kli phantlo. Tsangshiq thaq na Shiikeawe raq, atsankhiq walü wa miishe mishe chaq wan. Raüta mitiikhiim chaq baiq.

2 Thessalonians 2:12

Ara lamjiq phan wan kha niishe, tsangshiq ngarai peo lam na siwan tlaq kra. Tengteng bomtsi ma kam makti ümchuwa sitlaq kra, Shiikeawe raq tsangshiq ka ashut dea nguta kha mipho kuq wan.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

2 Peter 3:3

Namshiq raq ara bomtsi ara tsan na tiitsangdada shaq rong laq. Phangthum akhing saü wan raüla, maiq wiijamti namshiq phana misaü. Raüta tsangshiq ka maiqmii abi ngarai han-ngam ramho kra pao wantibi li miraq. Tsangshiq raq namshiq kamtsantsii, Jesuq ma thü tlan kra minaikü.